Read Sie Luk 11 Bible Online

Luk 11 - Sie bible

Luk 11

¹Miyi ra sī nūrū, memufwaki, memenūaveni, ĭm sī ra irora ōvun nūrie isen yemenūwi pugi, memokū, Novsūromon, taysogkam worufwaki, sugkū Yōane yemtavsokonda ōvun nūrie isen.

²Miyi yemenūwi punora, memokū, Pol sugkū kūmnufwaki, ūnuwimōkū, Itemen e kam ūnpokōp, Etetumpora nin, sorum. Elum lō sorum. Umpi tarōsū sorum ra nemap, sugkū ūnpokōp.

³Ovugkam ire nevag nisekomam.

⁴Mefielintugkam satsū soremam, ĭt ka kemlafielintokondasū mori dūtūtam-penĭgi iramam. Metūtōrokam ra tapmi, kō, eforowugkam marugi satsū.

⁵Miyi yemenūwi punora, memokū, Mē sī ra kimi nagkū ampe antūnemis pumrok pugi aven isen, manūwi pugi, magkū,

⁶Avug, ovo yaū yōūp, desel, avūg okovelum po yaū, mōwi selat, ĭm tawi nevag sorūg woretipe ra nokoren isen; miyi ūnisog otamsi manūwi, magkū, Etūyugūri yaū;

⁷okosumpat nugūn nimo, mōvnetugeme ūmnalē dal yaū; ya otūontūok mampunok?

⁸Ya umanuwi pugkūm, memagkū, Nagku iyi otūontūok mampugi popōwo iyi aven, kō popowo ugi natekĭsah isen iyi ontūok mampugi sū mori iyi yemokū ugi.

⁹Im ya umanuwi pugkūm, memagkū, Wosenigi, mampugkūm; wosorugi, ĭm kĭmi kwampi; ūtetī, montīpelah irami.

¹⁰It iyi sī umnesenĭgi, umumpĭ; miyi sī umnesorugi, umagesi; montīpelah iran iyi mori umentetĭ.

¹¹Im mē sī ra kĭmi mori itemen, nagkū netum ĭtnatanman onesenĭgi yōūp kampugi nevat, kū? ĭm nagkū sī nomū, kampugi neskil, kū?

¹²ĭm nagkū iyi onesenĭgi nahlen netūo, kampugi tugkelas, kū?

¹³Im nagkū kĭmi, ōvetemendi, kūmagkili ōvun ĭtemas aremī worevunora ōvun netnime soremi, IYI MOMU, ITEMEN MORI UNPOKOP, AMPUNORA MORI UMNESENIGI NAVIAT TUMPORA, KU?

¹⁴Miyi yemeteveleguni sī naviatindi, miyi nōwampat; ĭm pol sugkū naviatindi yive marugi, iyi nōwampat yam; mōvun numpūnlō dūmavlugi.

¹⁵Kō nugkoneme dūmūnūwi, mūmōkū, Iyi ūmantevelugunora ovun naviatindi ugi Bielsebūl, natemonok isenda ovun naviatindi.

¹⁶Im nugkoneme dūmūtagkeli sī safi marugi pokōp, mūmōkū wontapmi iyi.

¹⁷Miyi yemokili tarūsū isenda, memenūwi punora, memokū, Umnēevente lōsū mori ūmūsumpūi; mumnaseviokanda ōvun neligalaū ūmūsumpūora;

¹⁸ĭm nagkū ūmasepen sumpūi lō isen Sētan, lō isen wantendōwi nokowo? ĭt kĭtni kūmanūwi ya umantevelegunora ōvunnaviatĭndi ugi Bielsebūl.

¹⁹Im nagkū umantevelugunora ōvun naviatindi ugi Bielsebūl, ōvun netnime soremi umantevelugunora ugi mē? Popōwo imo, irora wanti ovun nūrian irami.

²⁰Kō nagkū ya umantevelugunora ōvun naviatindi ugi dugorugon isen, Nōbū, oo, okovelumsū lō isen Nobū pugkūm.

²¹Pol sugku sī neteme horog umandūleki ōvun nūrah ūbrami isen, mumnafĭnte nimo isen ōvun se isen umantendōwi ra ninparata;

²²kō, pol sugkū iyi mori mōmū horog iran, ampelum iran, iyi ontantevakepe iran mampi parugi nūrah sū ūbrami isen, mori iyi yemtesūo iranda, monafēokondugi siemesū mori iyi yepmeforowugi sū.

²³Iyi sī tawi nandū yaū, iyi domo irag; miyi sī otūmnalekon semsimugi nandū yaū, umnaseviugi.

²⁴Pol sugkū naviatindi okeve ilat marugi neteme, iyi umnavan ra nūrūsū laū memnesorugi nemĭndog; ĭm pol sugkū otūmagesi, umanūwi, memagkū. Ya ōmentorĭleki ra nimo sorūg, mori yaū memnewi.

²⁵Im pol sugkū umampelum umagesi netīora ĭm netovtam.

²⁶Miyi ōmampemontōrora ōvun naviatindi seven mōmū dal iyi, mōmū ĭtokovuki iran; mirora ūmampe ūnisog mantendōwi yūi; ĭm ra nisah neteme mori mōmū ĭtokovuki ra nōbūm.

²⁷Im pol sugkū iyi yemenūwi imosū sī nasiven ra ōvun numpūnlō yemenūwisah, memokū, Nevīeves netnĭn mori yivi kĭk, ĭm nin yemampūni.

²⁸Kō, iyi yemenūwi, memokū, Nevīeves mōmū irora mori ūmandĭgi nam isen, Nōbū, mumnalekoleki.

²⁹Im pol sugkū ōvun tentūrū dūmūtūramtokonda iyi yematipotni worenūwi, memokū, Imo palsi sat; irora ūmnesorugi sī safi, motūampunora sī safi, Yōna wokon;

³⁰ĭt iyi Yōna yeti safi iranda ōveteme Nĭneve, Netni isen neteme sugkū, iranda ra imo palsi.

³¹Sī nasemnalam ra nūrū empak amsorasah ra nūrian dal ōveteme ra imo palsi menumpi irora noworepatevi; ĭt iyi yivelum, yemne ra navlūtni nemap, wororigi nam nōĭntan isen Solomon; ĭm sī ĭgko mōmū horog ra Solomon.

³²Oveteme Nĭneve wontūok ra nūrian, dal imo palsi, wonumpi irora noworepatevi; ĭt irora dūmūvīeves nōwanda ra nam Yōna yemtorenūwi; ĭm sī ĭgko mōmū horog ra Yōna.

³³Tawi sī penuri iyi otūgon lamp antiumpeni, kū antipe ūnisog eī nūrah; Iyi antipe ra woretipe nimsin ma irora umampelum ūnisog wagesi nilara.

³⁴Lamp ra nokolisiran, nipmi; ĭm pol sugkū nimtum aremi, nokolisiram omwisū woneliugesi; ĭm nagkū ūr, nokolisiram alebokevat.

³⁵Popowo imo sugkū, efĭnte ma nilara ūnisog kĭk, tawi nelebokevat.

³⁶Im nagkū nokolĭsiram omwisū woneliugesi, ĭm tawi sī nugkon onelebōkevat, omwisū woneliugesisū, sugkū lamp, pol sugkū umneliugesisū irami.

³⁷Im polekū iyi yemenūwi, sī Faresi yemtagkeli, memokū iyi ampag nandū. Im Iesū yive ūnisog memtesĭgi.

³⁸Iyi Faresi mori yemokesi, memavlugi popowo iyi yetūrokilem ĭm penuri ampag.

³⁹Novsūromon yemenūwi pugi, memokū, Itnesog kimi ovun Faresi ūmesentevi kup ĭm plēt, rantan, kō, ratūnisog, kūmovūarigi torefora ĭm satindi.

⁴⁰Ovun numgī! Iyi mori yemumpi tan, yemumpi ratūnisog, kū?

⁴¹Kō, mōmū aremi kĭini kwonumpelēves iranda ōvun narumkor ugi imosū kūmantipe; ĭm siemesū wanti sentevives irami.

⁴²Owi irami ovun Faresi! popowo kūmampugi sīugi ra narolemgosū, mĭnt, ĭm rū, ĭm topavū omwisū sugkū, kō, kūmawi tanepo, ĭm nelintugi Nōbū. Aremi kimi pumpisū imosū, ĭm pūtūwi mori mōmū.

⁴³Owi irami Ovun Faresi! popowo kūmnelintugi ōvun woretesep nūsian aremi ra ovun nimo tavsogi, ĭm ovun nam paū irami ra ōvun nūrū nevasi.

⁴⁴Owi irami ovun Somūl movun Faresi, ovun nempiri! popowo kimi ovun nokol vamon, oveteme ūmnavan rantan mūtūmagkili ugi.

⁴⁵Im sī neteme Somūl yemtamsi memenūwi pugi, memokū, Tavsogi, kemanūwi imosū memamprilugkam sugkū.

⁴⁶Miyi yemenūwi, memokū, Owi irami sugkū, ōvun Somūl; popōwo kūmnelĭleki iranda ōveteme ugi ōvun numpohentom tamas, ĭm kimi kūtūonelekavi ōvun numpohentom mori ugi sī dugorugomi.

⁴⁷Owī irami! popōwo kūmnumpi ōvun nemaprĭmpora isenda ōvun profet, ĭm ritemene soremi dūmūtalokonda.

⁴⁸Itnesog, kūmūsepen numpūvsok, mūmagkū ōvun numpūrah isenda ritemime soremi aremi; ĭt irora dūmūtalokonda ōvun profet ĭm kimi kūmnumpi nemaprimpora nisekonda,

⁴⁹Popōwo imosū sugkū, Iyi mori Numpūn-Nelekon isen Nōbū, yemenūwi, memokū,

⁵⁰Ya ontamūlora ōvun profet, mōvun apostol punora, ĭm nugkon irora wontalokonda, mampīesesat; ma onesorugi marugi imo palsi desū isenda ōvun profet mori dūmūrūnwosīlĭgi marugi natipotni nemap;

⁵¹marugi de isen Ebel mefeli ra de isen Sakarīa, dūmūtalugi iyi ĭlebōteven nefati ĭm nimo tumpora; ĭtnesog, umanūwi pugkūm, memagkū onesorūgisū marugi imo palsi.

⁵²Owī irami ōvun Somūl! popōwo kūmūvī ki ra nōĭntanves; kimi kūtūve ūnisog, mirora mori dūmūvelum, mūmōkū irora wampe ūnisog, kūtūwi irora woreve.

⁵³Im pol sugkū iyi yemenūwi imosū punora, Ovun Somūl, mōvun Faresi, dūatipotni woretampi iyi, mūmōkū iyi anūwi magkū ugi sikat;

⁵⁴mirora dūmatekĭsah iran mūmōkū wosenteri nam isen, monirūara iran.