Read Sie Luk 12 Bible Online

Luk 12 - Sie bible

Luk 12

¹Penūri imosū, pol sugkū ōvun numpūn lō dūmūsepen semsimokonda; tentūrū tamas, mūmavan mūara, iyi yematipotni worenūwi punora ōvun nūrie isen mampūm, memokū, Ufinte kĭmi marugi leven isenda ōvun Faresi, mori nempiri;

²popōwo siemesū ūmeseni wampiatumpeni, ĭm siemesū ūmantiumpeni, wamsok.

³Popōwo imo sugkū, siemesū mori kĭmi kūmūnūwi ra nelebokevat, wandīgisū ra nilara; ĭm imo mori kūmūnūafokefo ūnisog ōvun silebok namon, wontorenūwi ratilat.

⁴Im ya umanūwi pugkūm, ravūgeme, memagkū, Utūmtetokonda mori ūmuntalugi nokolĭsiran, ĭm penuri, tawi mōmū irora faneteme worumpi.

⁵Kō, ya umesesi pugkūm iyi mori kĭmi kwamtetugi, UMTETUGI, IYI PENURI OTALUGI, HOROG WORETAFUGI RA NISWATE: MONOKOWO, YA UMANUWI PUGKUM, MEMAGKŪ, UMTETUGI IYI MORI.

⁶Umampasi ōvun nimpem siklem ugi nugkon peni siteven, kū? motūmentavrĭvri ugi sī ūnĭpmi isen Nōbū.

⁷Osepisū novlĭmpū ūnumpūmi; popōwo imo sugku, ūtūmtetugi; kĭmi aremī mōmū iranda ōvun nimpem sikat. Im ya umanūwi pugkūm memagkū,

⁸Iyi sī ontorenūwi yaū ūnimĭnda Oveteme, Netni isen neteme sugkū, ontorenūwi iyi mori ūnimĭnda ōvun agelō isen Nōbū.

⁹Miyi sī anūaveni yaū ūnimĭnda ōveteme anūaveni iyi ūnimĭnda ōvun agelō isen Nōbū,

¹⁰Afielintugi iyi sī anūwi sī nam iran Netni isen neteme; kō otūafieiintugi sī osendōkia iran Naviat Tumpora.

¹¹Pol sugkū wantipe kĭmi ūnisog ōvun nimo tavsogi isenda, mūnimĭnda ōvun narisah mōvun nelepon, ūtūtarūgi nam, kū nokōwo kwantakōsekōs, kū kwanūwi,

¹²ĭt iyi Naviat Tumpora ampugkūm nam kĭmi kwanūwi ra nempugon mori.

¹³Im sī neteme ra tentūrū yemenūwi pugi memokū, Tavsogi, enūwi pugi avūgsī mokū iyi ampoyaū nugkon netevote ĭtemenkam yemteuĭmpe pugkam dūrū.

¹⁴Miyi yemtagkeli, memokū, Woragi, Mē otipe yaū worūrian nisekomi, kū woretavūrakwagkūm?

¹⁵Miyi yōmenūwi punora memokū, Okesi, ūfĭnte kĭmi, mūtūrakĭugi. Pol sugku sī neteme umantipe isen tamas, nomūrep isen otūmamne ra ōvun se isen.

¹⁶Miyi yemenūwi punora sī parabel, memokū, Yemtelisū aremi ra ōvūn denūok isen neteme nōete.

¹⁷Miyi yemesepen tarū, Ya amsugi? tawi nūrū woretavĭnapon novūan omwisū sorūg.

¹⁸Miyi yemesepen enūwi memokū, Ya onumpi imo; ya ontasi ōyun nimo sorūg woretavĭnapon, ĭm ya omenumpi mōmū, Ovun tamas; ĭm ya onalekpn semsimugi mantipe ūnisog ōvun novūan, mōvun se sorūg, omwisū.

¹⁹Im ya anūwi pugi naviat sorūg, magkū, Naviat sorūg, otavĭnapon siemesū aremi nĭmsĭn nevisū sikat, emĭndog, meni, momoneki, mavosūwi.

²⁰Kō, Nōbū yemenūwi pugi memokū, Sempia! imo pūmrok ampĭ marugkĭk naviat sorum; mimosū kosimansū anti nisekon mē sī?

²¹Im iyi sī umentavĭnepon noete nĭsekon iyi, metū tavĭnepon nōete itnesog ūnpokōp, iyi mori sugkū imo neteme nōete.

²²Miyi yōmenūwi punora ovun nūrie isen memokū, Popōwo imo sugkū; ya umanuwi pugkūm, memagkū. Utūtovatarūgi nomūrep soremi, sie kwoneni; kū, ugi nokolisiran, sie kwonevakūmugi.

²³Nomūrep mōmū ra nevag, ĭm nokolisiran mōmū ra nemas.

²⁴Weveleveli ovun nokowĭm, irora ūtūmnōwi, mūtūmnalekon semsimugi; tawi, ovun nimo woretavinpon isenda, ĭm Nōbū umnavugunora. Im kĭmi mōmū aremi iranda ovun menūk.

²⁵Mē sī ra kĭmi ugi netovatarugi faneteme woretipe sī kūbĭt ra tantop isen?

²⁶Im nagkū kĭmi kūtūfaneteme worumpi vilik, irasia kūmuntovatarūgi mametora?

²⁷Weyeleveli ōvun novugon lili, ĭrora ūmūnteli nokowo? mūtūmnagalaū, mūtūmampĭ, ĭm ya umanuwi pugkūm, memagkū, Solomon ra nilasilaswi isen omwisū yetūvīugi némas nilaswi sugkū sī ra imosū.

²⁸Im nagkū Nōbū umevarugi topavū: eugkū, mori umante ire, ĭm mran wontovuni ra nom, iyi onevakumugi, kū? Ah! kĭmi en tavniri ūrekis.

²⁹Kimi, ūtūosorūgi, mōkū, sie kwoneni, kū sie kwamoneki mūtūtĭvrevorūi,

³⁰ĭt lōsū ra nemap umnesorugi imosū omwisū; ĭm Itemen soremi umagkili ma imosū sugkū, aremī nisekomi.

³¹Kō, ūsorugi lō isen Nōbū; ĭm imosū omwisū ampugkūm.

³²Semsimak vilik, ūtūmtetugi, popōwo, Itemen, soremi umagkū aremi worovugkūm lō mori.

³³Uvasi ōvun se soremi, mūmpelēves ugi; wumpi nĭsekomi ōvun vēyū mori ūtūamtĭmte, nōete ves ūnpokōp mori ūtūampia, ĭm tawi sī numprok umnumpotipot yūi, ĭm ūriven nē ūtūmnumpi ūr;

³⁴popowo ra sī nūrū yūi noete soremi, yūi sugkū, tarūsū soremi.

³⁵Utendōwi netōetĭgi ōvun nelōhelōheva soremi, mōvun lamp soremi ūmneliugesi,

³⁶ĭm kĭmi sugkū oveteme ūmuntevetūi natemonok isenda, pol sugkū iyi umampelum marugi nempōelah, ontetĭ, ma irora wontīpelah ĭtnum iran.

³⁷Nevĭeves ōvun lĭvsaū mori, pol sugkū Novsūromon ōmampelum agesora ūmuntevetūi iyi. Itnesog, ya umanūwi pugkūm, memagkū, iyi asepen netōetĭgi iyi, monumpi irora woretesĭgi, mampelum, montorugat iranda.

³⁸Im nagkū iyi umampelum yetūnemis pumrok, kū mĭndan umampelum, memagesora sugkū, nevĭeves irora ōvun lĭvsaū mori.

³⁹Ukili imo, nagkū iyi neteme ra nimo pĭpmokili ra nugkon pūmrok neteme numprok pivelum, iyi pevsora ma sugkū iyi otūonevlugi nimo isen.

⁴⁰Kĭmi sugkū, ūtendōwi tavesves; popowo Netni isen neteme umampelum ra nempugon kūtūmuntarūgi.

⁴¹Im Piter yemtagkeli, memokū, Novsūromon, konūwi imo parabel pugkam, kū punora omwisū?

⁴²Novsūromon yemenūwi, memokū, Im mē iyi nivūo tanepo, Im nōĭntanwi Narĭsah isen yemetipe worafĭnte irora ra nimo isen, memavugunora ōvun lĭvsaū isen dansū?

⁴³Nevĭeves nivūo mori nagkū Narisah isen, pol sugkū ōmampelum, agesi iyi umnumpi sugku.

⁴⁴Itnesog, ya umanūwi pugkūm, memagkū, iyi antipe iyi worivūo ra netevotesū isen.

⁴⁵Kō nagkū nivūo mori asepen enūwi ūnōwan, memagkū, Narisah sorūg otūvelum, monatipotni woreselatevora ōvun lĭvsaū ĭtovataman mitovasiven dal, memneni, memnamoneki, memaūeteremlū,

⁴⁶Narisah isen nivūo mori ōmampelum ra dan iyi otūontevetūi, ĭm ra nugkon dan iyi otuagkiliugi, mosentevi iyi, mampugi nipmi isen dal ōvun nempiri.

⁴⁷Sī lĭvsaū mori yemokili tarū narisah isen, metūsiman, metūumpisugkū tarū isen, onsēlatevi iyi nempugon sikat.

⁴⁸Miyi sī mori yetūkili, kō, yemumpi imosū aremi woretampenĭgĭ sugkū, onselatevi iyi vilik. Iyi sī yemovugi tamas, ōmenesorugi tamas marugi. Miyi sī dūmūtipe nisekon, wōmontagkeli mōmū.

⁴⁹Yaū ĭmpelum mēmokū antipe nom ra nemap; ĭm ya amsugi nagkū otūgon marima?

⁵⁰Kō sī baptisma ambaptiso yaū ugi; ĭm ya umasepen sokomulepwi afeli nempugon onokompelisū.

⁵¹Kūmagkū yaū ĭmpelum woretipe ninparata ra nemap kū? Ya umanūwi pugkūm, memagkū, tawi sugkū;

⁵²kō, nemlag; popōwo marugi imo nempugon wamlag irora ūnisog sī nimo, siklem irorasū, ĭm ra sī nugkon, desel, ĭm ra sī, dūrū;

⁵³Itemen ĭm netni isen ĭtnataman wamlag; dineme ĭm netni isen itnasiven; ĭm dĭnemam ĭm rovugon, wamlag sugkū.

⁵⁴Miyi yomenūwi punora ōvun tentūrū, memokū, Pol sugkū kūmagesi nakop umisah ra neleompeni, marimago kumanūwi, magkū, ampĭp, im anti sugkū.

⁵⁵Im pol sugkū natūga, kūmanūwi, mūmagkū, onen; ĭm anti sugkū.

⁵⁶Ovun nempiri, kūmagkili ugi pokōp ĭm tan nemap; kō, Kĭmi kūtūmagkili imo nempugon, nokowo?

⁵⁷Irasie kimi kūtūmasepen tarū ves?

⁵⁸Im pol sugkū kemampe nandū novsen nakan sorum pugi natemonok osenigi ūselat, mokū iyi ontenĭmpe kĭk, mōtūontōrok pugi natemonok nūrian, miyi natemonok nūrian onteĭmpe kĭk pugi nivūo isen, miyi nivūo osumpatamtugkĭk ūnisog nimo nugkugko.

⁵⁹Ya umanūwi pugkūm, memagkū, kĭk otūōmantūratumpeni ilat afeli nempugon kontarapenĭgi omwisū.