Read Sie Luk 13 Bible Online

Luk 13 - Sie bible

Luk 13

¹Ra imo nempugon ōveteme dūmūvelum mūmūnūwi pugi, mūmōkū ugi ōveteme Kalĭli, Pīlat yemwosĭligi de isenda dal ōvun nūrah dūmūsakrefĭs ugi.

²Im Iesū yemtamsi memenūwi, memokū, kūmagkū ōveteme Kalĭli mori, ōvun nareki sat mōmū iranda ōveteme Kalĭli omwisū popōwo yemumpi sugkū iranda, kū?

³Ya umanūwi pugkūm, memagkū, Tawi; kō, kimi, nagkū kūtūampieves nōwami, kwamas sū sugkū.

⁴Mirora mori etin, nimo tantop ra Silōam yemtalepasisep iranda memeteventerokonda, kūmagkū irora ovun narekisat mōmū iranda oveteme omwisū mori ūmantendowi ra Yerūsaiem, kū?

⁵Ya umanūwi pugkūm, memagkū, Tawi; kō kimi, nagkū kūtūampieves nōwami, kwamas sū sugkū.

⁶Miyi yemenūwi imo parabel memokū, Sī neteme yemowi fik ra denūok vin isen, memorūn nevelum memnesorugi novūan, metōkesi.

⁷Miyi yemenūwi pugi nasĭmnūok isen memokū, Nevi desel yaū morūnivelum memnesorugi novūan imo nē, im tawi;

⁸urevi umnakevi nemap irasie? Miyi yemtamsi memenūwi pugi, memokū, Narisah, Owi pe imo nevi sugkū, ĭm ya agkol nagkaūugi, menōvūmavwi;

⁹ĭm nagkū ampūo aremi: im nagkū tawi, kontantevi.

¹⁰Miyi yemtavsokonda ra sī nimo tavsogi ra danemindog.

¹¹Im sī nasiven yūi, ĭm sī naviat neturumuro yive iran, memetendōwi nevisū etin, memsumplēyoiok, metūfaneteme woravan nugko.

¹²Im pol sugkū Iesū yemokesi iyi, memovrugi, memenūwi pugi, memokū, Nasiven, umesūlok marugi neturumuro sorum.

¹³Miyi yemetipe nokoven dūrūsū isen iran, im marimago iyi yemugko, memumpalugi iran Nōbū.

¹⁴Nivūo nimo tavsogi yemaraki popōwo Iesū yemumpi horigives ra danemindog, memtamsi memenūwi punora netevokontū, memokū, Dansū siklem mesiki nimsin numpūrah; livelum ra dansū mori worevi horigive, im tawi ra danemindog.

¹⁵Iyi Novsūromon yemtamsi memenūwi pugi memokū, Ovun nempiri, kimi sū ūmesūlora okes, im as soremi ra danemindog, im kūmuntōrora marugi nimo niūmampe ra nū, kū?

¹⁶Im imo netni itnasiven isen Ebraham, mori Sētan yēiti nevisū etin, tawi aremi woresuli imo worīt iran ra danemindog, kū?

¹⁷Im pol sugkū iyi yemenūwi imo, ōvun novsen nakan isen dūmarumprum; mōv netevokontū sū dūmavos popōwo ugi ōvun numpeleves iyi yemorūnumpi.

¹⁸Miyi yemenūwi, memokū, Lō isen Nōbū sugku sie? ya osafĭgi magkū sugkū sie?

¹⁹Sugkū novsen mustar mori neteme yivī memovkisep ra denūok isen, monteli, mometinē tamas; mōvun menūk ūnēĭ dūmūtasi ra ōvun nevlokon.

²⁰Miyi yomenūwī memokū, Lō isen Nōbū sugku sie? Ya osafigi, magkū sugkū sie?

²¹Sugkū leven sī nasiven yivi memetiumpeni ra flaūer, memtalug desel, memetendōwi mefeli nempugon dūmūtepūsū sugku leven.

²²Miyi yemavan ra ōvun sĭti, mōvun nimote, memtavsokonda, ĭm devsego Yerūsalem.

²³Im sī neteme yemtagkeli, memokū, Novsūromon, oveteme mori amkorēōwara, tawi sikat, kū?

²⁴Miyi yemenūwi punora, memokū, Usokomolepwi worentorimpe ra nugūn selat neworekiriki; it ya umanūwi pugkūm, memagkū, sikat wonesorugi, magkū wonĭntorĭmpe, kō, irora tawi faneteme.

²⁵Marugi nempugon neteme isen nimo ontūok mesumpat būkitampet ĭm kimi kwonatipotni woretani ratilat, montetī būkitampet manūwi, magkū Novsūromon, Novsūromon, tīpelah iramam: miyi ontamsi manūwi pugkūm, magkū, Ya otūmagkilokūm, kū nūrū kūmnewi.

²⁶Im kimi kwonatipotni worenūwi, magkū, Ka keleni ĭm lomoneki ūnĭmtum, ĭm kemtavsokonda ra ōvun temnesū soremam.

²⁷Miyi anūwi, magkū Ya umanūwi pugkūm, memagkū, Ya otūniagkilokūm, kū nūrū, kūmnewi. Uve marokoyaū ōvun numpindi omwisū.

²⁸Yūi kwontugagerisah moneltirit nugūn, pol sugkū kwagesi Ebraham, im Isak, im Yakob, mōvun profet omwisū, ra lō isen Nōbū, ĭm kĭmi kwontafugi ratilat.

²⁹Mōveteme wampelum mamne ūnūrū, im neleompeni, im empatap, ĭm empak, mantesegi ra lō isen Nōbū.

³⁰Urigi nugkondeme mori dūisali, wampūin; im nugkondeme dūbūm, wonisah.

³¹Ra imo dan oveteme Faresi dūmūvelum mūmūnūwi pugi, mūmōkū, Eveve, mowi nūrū igko, popōwo Herod, umagkū ontalugkik.

³²Miyi yemenūwi punora memokū, Uve mūnūwi pugi fokes mori mokū, Origi; ya umantevelĭgunora ōvun naviatindi, memumkoroīgives ōvun namarat, ire ĭm mran, ĭm ra deselugi ya onokompelisū.

³³Kō, imo ya umnumpi, ya onavan ire, ĭm mran, ĭm weme, popōwo otūontalugi sī profet ra nūrū sī, ra Yerūsalem wokon.

³⁴Ah, Yerūsalem, Yerūsalem, kementalokonda ōvun profet, memantevora gi nevat otamūlor pugkĭk; nempugon deve yaū pesemsimokonda ōvun netnime sorum, sugkū netūo umentenakevokevora ōvun netnime isen kūtūakīugi.

³⁵Urĭgi, umōwi nimo soremi nisekomi nimo wokon; ĭm ya umanuwi pugkūm, memagkū, kĭmi kūtūōmagesi yaū afeli nempugon iyi ōmampelum, sugkū kĭmi kwanūwi, magkū, Nevīeves iyi mori umampelum ra nin isen Novsūromon.