Read Sie Luk 14 Bible Online

Luk 14 - Sie bible

Luk 14

¹Pol sugkū Iesū yive ūnisog nimo isen sī Faresi ra nūsian, danemindog, memokū ampag irora dūmūtūrareki iyi.

²Sī neteme warepo ūnĭpmi; ĭm Iesū yemtamsi memenūwi punora ōvun Somūl,

³mōvun Faresi, memokū, Sugkū selnivi nam worumpi horĭgives ra danemindog, kū?

⁴Mirora, dūmatepū. Miyi yemorūleki, memumpi horĭgives, memtenĭmpe; mōĭmtagkelora,

⁵memokū, Nagkū as, kū okes, isen sī ra kĭmi, amol ra nokol, iyi onerevenisah ra danemindog, kū?

⁶Mirora dūmatepūsū.

⁷Miyi yemenūwi sī parabel punora yemtantūra, popōwo irora dūmūsepen tampoli nĭsekonda ōvun woretesep aremĭsū, memokū,

⁸Pol sugkū sī ontanti kĭk ugi nempōelah, etūsepen netesep ra woretesep nūsian aremī; ĭt nagkū ampelum sī nūsian iram, mori iyi yemtanti,

⁹miyi mori yemtanti kĭk ampelum nandū iyi, manūwi punok, magkū, Ovugi imo neteme woretesep mori; ĭm kĭk iyep ugi narumprum mantesep ratkomyep.

¹⁰Pol sugkū ontanti kĭk, esepen netesep ratkomyep; ĭm pol sugkū iyi mori yemtanti kĭk ampelum, anūwi punok, magkū, Avūg, elum ratkomisah mirora mori wontesĭgi dal kĭk wosesie ūnĭmtum;

¹¹ĭt iyi sī umasepenvīsah iyi, ampĭsep; miyi sī umasepenvĭsep iyi, ampīsah.

¹²Miyi yemenūwi pugi neteme yetanti iyi, memokū, Pol sugkū konumpi narigari vilik, kū tamas, etūtantūra rapmime sorum, kū rapmisīeme, kū raventeveneme, kū ōvun numpūnaram ōveteme noete, popowo irora ōmuntantok, mōmampunok sugkū.

¹³Pol sugkū konumpi sī narigari, tōrora ōvun narumkor, mōvun noovoret,

¹⁴mōvun nokovumti, mōvun nōwumti, mōvun nimtei, ĭm kĭk ampi nevīeves, ĭt irora tawi faneteme worōmampunok; kō ōmampunok ra nevsorasah isenda ōvun tanepo.

¹⁵Im sī ra irora mori dūmūtesĭgi nandū iyi, yemorĭgi imosū, memenūwi pugi, memokū, Nevĭeves iyi mori oneni yōūp ra lō isen Nōbū.

¹⁶Miyi yemenūwi pugi, memokū, Sī neteme yemumpi narigari tamas, mepmovrokonda sikat;

¹⁷memtamūli lĭvsaū isen ra nempugon wampag worenūwi punora yepemtantūra, mokū, Uvelum, isiman siemesū.

¹⁸Mirora omwisū dūatipotni woresepenarē iranda, ugi tarū siteven; iyi mampūm yemenūwi pugi memokū, Ya okevasi sī aenūok sorūg, ĭm ya umampe worokesi; ya umnesenugkik, arē irag.

¹⁹Im sī yemenūwi, memokū, Ya okevasi ōvun okes narolem, ĭm ya umampe woretapmilap irora; ya umnesenugkik, arē irag.

²⁰Im sī yemenūwi memokū, Ya otovrugi retĭg, ĭm yaū tawi faneteme worevlum.

²¹Lĭvsaū mori yōĭmpelum, memenūwi imosū pugi narisah isen. Miyi narisah isen nimo, yemarakĭ, momenūwi pugi lĭvsaū isen, memokū, Eveve ra ūntemnesū, ĭm selemsug, ra sĭti, movun narumkor, movun nokovumti movun nōwumti, movun noovoret, movun nĭmtēi, tōrora ūnisog ĭgko.

²²Miyi lĭvsaū yōmenūwi, memokū, Narisah, umpi sugkū nempasiwugi sorum, ĭm tanterūm mōmū.

²³Miyi narisah yōmenūwi pugi lĭvsaū mori, memokū; Evego ra ōvun selat, mōv nempĭ matekĭsah iranda, mokū wampelum, wampūarugi ra nimo sorūg; ĭt ya umanūwi pugkūm,

²⁴memagkū, Tawi sī ra iroradūpmūvrokonda wonategavūi narigari sorūg.

²⁵Dūmavango dal iyi; miyi yemelagkaū memenūwi punora memokū,

²⁶Nagkū sī ampelum po yaū, motūonakan pugi itemen, ĭm dineme isen, ĭm retepon, mōv netnime, ĭm ravensĭeme, ĭm reveveneme, ĭm nomūrep isen sugkū, iyi tawi faneteme woreti nūrie sorūg.

²⁷Im sī kū sī otūandiuki nēūmparūm isen monūri yaū, tawi iyi faneteme woreti nurie sorūg.

²⁸Mē sī ra kĭmi nagkū iyi umnakĭugi worumpi nimo horog, mampūm otūontesep montarūgi nagkū iyi otipesū worokompeli?

²⁹Im nagkū tawi, penūri yetipe potnin ĭm tawi horog worokompeli, ōvetemesū mori ūmagesi wontufopwi iran, manūwi magkū,

³⁰Imo neteme yemumprokumpi nimo, metū faneteme worokompeli.

³¹Kū mē natemonok ra nūsian, pol sugkū umagkū onumpi ūbrami iran natemonok sī, mampūm otūontesep montarūgi nagkū iyi, dal oveteme ten taūsan, horog worevtĭt iran neteme umampelum iran dal twenti taūsan oveteme?

³²Im nagkū tawi, pol sugkū, iyi isūt, ontamūlora ōvun tandeko woresenĭgi, magkū wontasiasie.

³³Kĭmi sū sugku; sī kū sī ra kĭmi otūmawi siemesū isen tawi faneteme woreti nūrie sorūg.

³⁴Netūkūs aremi; kō, nagkū netūkūs umnumpū andūleki ugi pe nokowo?

³⁵Tawi aremi nimsin sī se sī; wontafugi ratilat. Iyi sī im telugon isen wororigi aremi iyi umandĭgi.