Read Sie Luk 15 Bible Online

Luk 15 - Sie bible

Luk 15

¹Mōvun lĭvsaū nalekon, mōvun nareki sat, dūmūvelum ra nokoren isen, mūmōkū wandĭgi iyi.

²Mōvun Faresi, mōvun Somūl dūmworemisat mūmūnūwi mūmōkū, Imo neteme umentōrora ōvun narekisat memneni dal.

³Miyi yemenūwi punora imo parabel, memokū,

⁴Nagkū sī neteme ra kĭmi, mōvun pugipugi wun hunder isen, mampiugki sī, iyi awi nĭnti nĭn ra nūrū wokon, mampe menesorugi afeli nempugon iyi ōmagesi, kū?

⁵Im pol sugkū umagesi umandiuki ra nevlokon isen mumnavosūwi,

⁶mampelum ra nimo mamperokonda ravĭneme mōvnumpūnaran, manūwi punora magkū, Wavosūwi dal yaū, popōwo ya okesi pugipugi sorūg oviugki.

⁷Ya umanūwi pugkūm memagkū, Wanti navosavos ūnpokōp pol sugkū sī narekisat umampĭeves nōwan mōmū iranda oveteme tanepo nĭnti nĭn mēri dūtūsēewani selat.

⁸Im sī nasiven ĭm sĭlen narolem isen, nagkū ampiugki sī ontūgon nilūo menetīora nimo, menesorugi afeli nempugon agesi, kū?

⁹Im pol sugkū iyi umagesi umamperokonda ravĭneme, mōvun numpūnaran isen, manūwi, magkū. Wavosūwi dal yaū popōwo ya okesi pe sĭlen mori ya oviugki.

¹⁰Im ya umanūwi pugkūm, memagkū, Umanti navosavos ūnimĭnda ōvun agelē isen Nōbū pol sugkū sī narekisat umampĭeves nōwan. Miyi yōmenūwi punora memokū,

¹¹Sī neteme mōvun netnime isendūrū itovataman.

¹²Miyi ĭtevirok yemenūwi pugi itemen memokū, Nate, ovo yaū nugkon netevote nisekūg. Miyi yemetevūrak wokonda netevotesū isen.

¹³Penuri, tawi dansū sikat, iyi vilik yemesepen tatevote su mavan, mempe ra nūrū itūga, memnaseviugi netevotesū isen yūi ugi nokesep.

¹⁴Im pol sugku iyi yemōkinisū, yivelum temas tamas ra nūrū yūi, miyi yematipotni mentemas,

¹⁵mempe memesepen sari iran sī neteme ra nūrū yūi.

¹⁶Miyi yemtamūli ra nete nūrū woravugunora ōvun numpekasi; miyi yemakiugi woreni tan novūan ōvun numpekasi dūmneni; ĭm tawi sī yemovugi nevag.

¹⁷Miyi yemtarūves, memesepenenūwi pugi, memokū, Ovun lĭvsaū isen nate sikat, mirora ūmuntampalsah nevag, im ya umamas igko ugi temas.

¹⁸Ya ontūok mampe pugi nate manūwi pugi, magkū, Nate, yaū mumpi sat ra pokōp roūnimtum,

¹⁹ĭm tawi yaū aremī mōmū ma sugkū wanūwi, magkū, netum: umpi yaū sugkū ōvun lĭvsaū sorum.

²⁰Miyi itūok impēlum pugi itemen isen, ĭm itemen isen yokesi, pol sugkū iyi isūt, memōsen togesoveli iran, memalō, memumol ra nōwan, memsūgū iran.

²¹Im netni isen yemenūwi pugi, memokū, Nate, yaū mumpi sat ra pokōp mūnĭmtum; tawi yaū aremī mōmū ma sugkū wanūwi magkū, netum.

²²Kō iyi itemen yemenūwi punora ōvun lĭvsaū isen, memokū, Uriuki pelum semplaūon tantop, nūsian aremi, muvīugi iyi, mūvkisep natorevam ra nokoven isen, ĭm woravan ra noan;

²³mūriuki pelum kaf nūval, mūti; kos leneni im lenavos,

²⁴popōwo imo netūg yimas mōmamūrep, memeviugki mōmokesi; mirora dūatipotni woravos.

²⁵Netni itnetemefe isen ra denūok, yivelum, memumpotipot ra nimo memorigi narūfo ĭm nempeko.

²⁶Miyi yemovrugi sī lĭvsaū memtagkeli, memokū, Sie imo?

²⁷Miyi yemenūwi pugi, memokū, Okovelum apmisī; ĭm itum oketi kaf nūval popōwo okevī iyi mamūrep ĭm horĭgives.

²⁸Miyi yemarakī metūve ūnisog. Im itemen isen yivelum ilat pugi memtesuki iyi.

²⁹Kō, iyi yemtamsi memenūwi pugi ĭtemen isen, memokū, Orĭgi, nevisū sikat ya umentorugat iram, metūareki sī nempasiwugi sorum, im kotūvo yaū sī kīd ma sugkū yaū pavosūwi dal ravūgeme;

³⁰kō, pol sugkū okovelum imo netum mori yelaviokugi nevag sorum dal ōvasiven tori, koketī nisekon, kaf nūval.

³¹Miyi yōmenūwi pugi, memokū, Netūg, kĭk nandū yaū ĭndowi, im sorum ōvun se sorūg omwisū;

³²kō, oti aremī menelugelugives menavosūwi, popōwo iyi apmisĭ yimas momamūrep, memeviugki momokesi.