Read Sie Luk 16 Bible Online

Luk 16 - Sie bible

Luk 16

¹Miyi yemenūwi punora ōvun nūrie isen, memokū, Sī neteme nōete, ĭm nivūo isen worefinte; mūmūnūwi pugi, mūmōkū iyi yemnaseviugi ōvun se isen.

²Miyi yemovrugi memtagkeli, memokū, Sie imo ya orĭgi ugi kĭk? ovo yaū netiyi ugi ōvun se mori; popowo kotūantendōwi nivūo.

³Miyi nivūo yemesepen tarū, Ya amsugi? Narisah sorūg umagkū osatevoko yaū. Yaū tawi faneteme worokoli nemap, ĭm ya umnarumprum woresenĭgi wokon.

⁴Ya umagkili sie ya onumpi, ma irora wontōri yaū ūnisog ōvun nimo isenda, pol sugkū osatevokoyaū.

⁵Miyi yemovrokonda sū dūtūtampenĭgi iran narisah isen, memtagkeli iyi mampūm memokū, kĭk otūtampenĭgi iran narisah sorūg, deve?

⁶Miyi yemenūwi, memokū, Kas vilik ugi oiel wun hunder. Miyi yōmenūwi pugi, memokū, Vī imo netiyi sorum, metesep moretevetūi, metĭyi, mokū fĭfti.

⁷Penūri yemtagkeli sī mōmū, memokū, Kotūtampenĭgi, deve? Miyi yemenūwi memokū, Kas horogo ugi whit, wun hunder, Miyi yōmenūwi pugi memokū, Vī imo netiyi sorum metĭyi, mokū eti.

⁸Narisah mori yemevietivesep nivūo sempiri, memokū iyi yemumpi nōĭntanwi; ĭt irora mori ūmnesorugi siemesū nĭmsĭn imo nomūrep, nōĭntan mōmū ra palsi isenda ra ōvun netnime nilara.

⁹Im ya umanūwi pugkūm, memagkū, Wumpi rapmime nisekomi ugi netevote sempiri, ma irora, pol sugkū amwisū, wontōrokūm dal ūnisog silebōkeves mori wantendōwi uvūm nevisū.

¹⁰Sī neteme tanepo ugi vilik, tanepo sugkū ugi tamas; miyi sī sempiri ugi vilik, sempiri sugkū ugi tamas.

¹¹Im kĭmi, nagkū kūtūtanepo ugi netevote sempiri, mē ampugkūm mori itnesog?

¹²Im nagkū kūtūtanepo ugi isen neteme sī, mē ampugkūm soremi?

¹³Tawi sī lĭvsaū faneteme worotorugat iranda dūrū ōvun narisah, popowo iyi onakan pugi sī, menelintugi sī; kū iyi osari iran sī, magesi sat sī, KIMI TAWI FANETEME WOROTORUGAT IRAN NOBU IM NOETE.

¹⁴Movun Faresi mori dūmūrakīugi muni, dūmūrīgi imosū omwisū, mūmagipī iran.

¹⁵Miyi yemenūwi punora, memokū, Kĭmi kūmasepen numpi kimi tanepo ūnimĭnda oveteme, kō, Nōbū umagkilisū ūnōwami; ĭt imosū oveteme ūmagkū aremi wokon, nelĭlūo sat ūnĭpmi isen Nōbū.

¹⁶Ovun nempasiwugisū ra ovun Netiyi isen Moses mōvun Profet, dūmūtavsokonda palsisū mefeli Yōane; mō marugi imo nempugon ūmuntorenūwi lō isen Nōbū mūmagkū Nam navosavos: mōveteme ūmnesemperitan mūmagkū wampe ūnisog.

¹⁷Im mōmū ĭtemelepon pokōp ĭm nemap worevia ra sī nĭpmi leter marugi ōvun selnivi.

¹⁸Sī kū sī umesatevugi retepon isen mumnetovrugi sī mōmū, umuntampalaū; miyi sī umnetovrugi iyi mori osatevugi marugi asūon, umuntampalaū.

¹⁹Sī neteme nōete mori yemesepenevīugi ōvun nemas nemvi, ĭm lĭnen aremī memsumpeli nevag aremī dansū.

²⁰Im sī neteme narumkor, nin isen Lasarus dūmūriuki mūtipe ra nugūn nimo isen, ĭm sikat noveli iran;

²¹miyi yemakīugi woreni nevlugkon nevag mori yumol marugi nevlok isen neteme nōete. Mōvun kūri dūmūvelum mūmasepi ōvun noveli iran.

²²Neteme narumkor yimas, mōvun agelō dūmūriukevēevē iyi, mūmūtipe ra nemĭndugon isen Ebraham. Miyi neteme nōete, yimas mūmūtenemi;

²³ĭm ra Hēdes, ūnisog skomulep, iyi yemelasah, memokesi Ebraham ĭsūt ĭm Lasarus ra nemindugon isen.

²⁴Miyi yemovrugisah memenūwi, memokū, Nate, Ebraham, togesoveli irag, im tamūli Lasarus ma iyi ontīokugi navlūtni dugurugon isen ra nū moyū nelūameg, popōwo ya umesokomulep ra imo selūamen nom.

²⁵Kō Ebraham yemenūwi, memokū Netūg, entemi, kempīsū siemesū aremi sorum ra nomūrep sorum, im Lasarus sugkū, siemesū ūr; ĭm marima iyi umurapīsū aremī, ĭm kĭk emesokomulep.

²⁶Im imo mōmū, sī nuforiwo tamas, mūnam indōwi, ilebōteven kĭmi ĭm kam, ma sugkū irora mori ūmagkū worevelah marugi nūrū igko pugkūm, tawi faneteme, mirora yūi ūtūmampelum igko pugkam.

²⁷Miyi yōmenūwi, memokū, Nate, ya umnesenug kĭk, nagkū sugkū, tamūli iyi ra nimo isen itemen sorūg, popōwo ravūgsīeme sĭklīm;

²⁸worenūavsokondasū, ma sugkū irora ūtūwampelum ūnisog imo nūrū sokomulep.

²⁹Ebraham yōmenūwi pugi, memokū, Isenda ōvun netiyi isen Mōses, movun profet; aremi irora ūmampandugora.

³⁰Kō, iyi yōmenūwi, memokū, Ei, nate Ebraham, nagkū sī ampe punora marugi nemas irora wampīeves nowanda.

³¹Miyi yōmenūwi pugi, memokū, Nagkū irora ūtūmampandugora, Moses movun profet, irora ūtūontavnirĭgi nagkū sī amsorasah marugi nemás.