Read Sie Luk 17 Bible Online

Luk 17 - Sie bible

Luk 17

¹Miyi yemenūwi punora ōvun nūrie, memokū, Itnesog, wandūnetepū nakanwi, kō owi iran neteme onatipotni ugi.

²Mōmū aremi nisekon nagkū pūleki nevat tamas ra nōwan im pūtafugi iyi ran tok, nagku iyi ontamsal sī ra iroramo vilik.

³Ufĭnte kimi, ĭm nagkū apmisī onumpi sat iram, enūali pugi; im nagkū iyi ampīeves nōwan efielintugi.

⁴Im nagkū ovun nempugon seven ra sī dan iyi andūnumpi sat iram, movun nempugon seven ōmentorĭleki punok manūwi, magkū, ya umampīeves nōwag, efielintugi.

⁵Mōvun apostol dūmūnūwi pugi Novsūromon, mūmokū, Efēugkam tavniri mōmū.

⁶Iyi Novsūromon yōmenūwi, memokū, Nagkū tavniri soremi sugkū novsen mūstar kūmūnūwi pugi imo nmpag, mokū, Evse meti nōwi ran tok, ĭm osendiugkūm.

⁷Im mē sī ra kimi, lĭvsaū isen umagkol ra denūok, kū umnavugunora ōvun nūrah, pol sugkū okevelum, anūwi pugi, magkū, Elum, metesĭgi?

⁸Iyi anūwi pugi, magkū, Oworomon nĭsekug, metōetugkĭk im torugat irag, polekū ya umampag; penūri koneni mamoneki, kū?

⁹Iyi anūwi pugi lĭvsaū mori, magkū, Kompalugi, popowo iyi yumpi sugkū yempasiwugi, kū? Ya umagkū, tawi.

¹⁰Im Kĭmi, pol sugkū kūmokompelisū yempasiwugkūm, ūsepenenūwi, mōkū, Kam ōvun lĭvsaū wokon; ka kelumpi imosū yemetipe pugkam worumpi, tawi mōmū.

¹¹Im pol sugkū iyi yemnavan ra Yerūsalem iyi yive ĭleboteven Samēria, ĭm Kalĭli.

¹²Im pol sugkū yentorĭmpewi ra sī nimote oveteme lepros narōlem dūmūvtit iran mūmūtūrū ĭsūt,

¹³mūmūvrugisah, mūmōkū, Iesū, Novsūromon, togesovolokam.

¹⁴Miyi yemokesora, memenūwi punora, memokū, Uve mūsesi kĭmi punora ūmesakrefĭs; ĭm pol sugkū dūmavango ūselat dūti sentivives.

¹⁵Im sī ra iroro pol sugkū yemokesi yemumpi iyi horĭgives,

¹⁶yemtorĭleki, memarufōves numpĭlĭn Nōbū ugi naviansah, memokolugi nipmi ra nemap ra noan Iesū, memumpalugi iran: ĭm iyi neteme Samēria.

¹⁷Im Iesū yemtagkeli, memokū, Umkororĭgives narōlem, kū?

¹⁸Siklim mendevat, yei irora? Tawi irora; okovelem imo dōmo siteven worumpalugives iran Nōbū.

¹⁹Miyi yemenūwi pugi, memokū, Etūok ĭm pe; tavniri sorum ovkĭkēōwara.

²⁰Mōvun Faresi dūmūtagkeli, mūmōkū nigoi lō isen Nōbū ampelum; miyi yemtamsi memenūwi punora, memokū,

²¹Lō isen Nōbū otūmampelum ugi narigi sikat, ĭm nokesi, ūtūanūwi, magkū, Okesi, ĭgko kū ĭlampe; popōwo lō isen Nōbū irami.

²²Miyi yemenūwi punora ōvun nurie isen memokū, Wampelum ōvun dan pol sugkū kimi kwonakĭugi tamas worokesi sī dan isen Netni isen neteme, kō kūtūagesi.

²³Mirora wanūwi, magkū, Okesi, ĭgko; okesi yūi; ūtūve; ūtūrora.

²⁴It sugkū turepis mori umeselĭ marugi sī nugkon pokōp mefeli nugkon sī ra pokōp, Netni isen neteme anti sugkū ra dan isen.

²⁵Kō, mampum iyi andĭgi nesorū ugi sieme sikat; ĭm imo palsi wagesīndi iyi.

²⁶Sugkū ra dansū isen Nōa, anti sugku ra dansū isen Netni isen neteme.

²⁷Irora dūmneni, mamoneki, mūninetovrugi, mūmanteventerugi, mefeli ra dan Nōa yentorĭmpe ūnisog ark, ĭm nōisap nūsian yivelum mūtĭvavtĭti irorasū.

²⁸Im sugkū ra dansū isen Lot, Irora dūmneni mamoneki, mūmūvasi, mūmūvī nĭpmi, mūmnōwi, mumnumpi ōvun nimo;

²⁹kō, ra dan mori Lot yemōwi Sodom, yemebĭb ugi nom ĭm narōkas marugi pokōp, mūtevavtĭti omwisū.

³⁰Wanti sugkū imosū ra dan mori ōmantūratumpeni Netni isen neteme.

³¹Ra dan mori, iyi sī ratilat nimo, ĭm ōvun se ūnisog, aremi iyi otūampe, magkū ampi pelah. Miyi sugkū radenūok, etūtorileki.

³²Entemi retepon isen Lot.

³³Iyi sī kū sī onesorugi, magkū afinte nomūrep isen, ampiugki: ĭm sī kū sī ampiugki nomūrep isen, afinte.

³⁴Ya umanūwi pugkūm, memagkū, Ra pumrok mori dūrū ōveteme ra nevlok sīteven; ampi sī, mawi sī.

³⁵Dūrū ōvasiven wonĭok ra nūrū siteven; ampi sī, mawi sī.

³⁶Dūrū ōveteme ra denūok: ampi sī, mawi sī.

³⁷Mirora dūmūtamsi mūtagkeli, mūmōkū, Novsūromon, ia? Miyi yōmenūwi punora, memokū, Ra nūrū yūi nokolĭsiran, yūi sagkū ōvun sokūavi wosemsimokonda,