Read Sie Luk 18 Bible Online

Luk 18 - Sie bible

Luk 18

¹Miyi yemenūwi sī parabel punora, memokū wonufwaki nempugon sū, mūtūampiugki;

²memokū, Sī natemonok nūrian ra sī sīti, miyi yetūintetugi Nōbū, metūmesesie ūnimĭnda oveteme.

³Im sī neviumpūi ra sīti mori yemorūnevelum pugi memenūwi memokū, Urian iran novsen nakan sorūg.

⁴Miyi yetūoratevetevi. Kō penūri iyi yemesepen tarū, Nagkū ya otūmamtetugi Nōbū,

⁵motūmesesie ūnimĭnda oveteme, kō, popōwo imo neviumpūi umēugūri yaū ya onūrian nisekon, nagkū tawi iyi ampelum ĭndōwi mōmenti nĭmtūg.

⁶Iyi Novsūromon yōmenūwi, memokū, Urīgi nam isen natemonok nūrian sempiri.

⁷Im Nōbū otūonūrian nisekonda ōvun tampoli isen mori umamperugisah iyi nempugon dan ĭm pūmrok, kū? ĭt iyi umandutnurō woretampenĭgi.

⁸Ya umanūwi pugkūm, memagkū, Iyi ontampenĭgi iranda itnum. Kō, pol sugkū Netni isen neteme ōmampelum, iyi agesi tavniri ra nemap, kū?

⁹Miyi yemenūwi imo parabel punora mori dūmūsepen nōkū irora tanepo, mūmōkosorĭndi oveteme mōmū:

¹⁰Dūrū oveteme dūmūvesah ra nimo tumpora worufwaki, sī neteme Faresi, ĭm sī, lĭvsaū nalekon.

¹¹Iyi Faresi yemetūrū memufwaki memokū, Ah, Nōbū, kompalugi popōwo yaū tawi sugkū oveteme sū ōvun torefora, ōvun sempiri, ōvun tampalaū, kū sugkū imo lĭvsaū nalekon.

¹²Ya umasepen netevokon nempugon dūrū ra sī wik; ya umampugi sīugi ra narolemgo siemesū sorūg.

¹³Miyi lĭvsaū nalekon yemetūrū isūt, metūmokū iyi onelasah ūnpokōp, kō, yemesepentĭ nemĭndugon isen memenūwi, memokū, Ah Nōbū, eviamlĭves irag, yaū nareki sat.

¹⁴Ya umanūwi pugkūm memagkū, Imo neteme yep ra nimo isen, miyi tanepo ūnĭpmi isen Nōbū mōmū ra iyi sī: ĭt iyi sī umasepenvĭsah iyi, ampīsep iyi; miyi sī umasepenvīsep iyi ampīsah iyi.

¹⁵Mirora dūmūriuki ōvalalaū pugi, mūmōkū iyi osugkorora; mōvun nūrie dūmōkesi, mūmūnūali punora.

¹⁶Kō, Iesū yemovrokonda memenūwi, memokū, Aremī ōvalalaū wampelum po yaū, mūtūnūali punora, popōwo sugkū irora lō isen Nōbū.

¹⁷Itnesog ya umanūwi pugkūm, memagkū, Iyi sī otūampī lō isen Nōbū sugkū nalaū, otūonĭntorĭmpe ūnisog.

¹⁸Im sī nevsem yemtagkeli memokū, Tavsogi aremi, ya onumpi sie worevi nomūrep ūbruni?

¹⁹Im Iesū yemenūwi pugi, memokū, Kemanūwi memagkū yaū aremi, irasie? tawi sī aremi, Nōbū sīteven.

²⁰Kemagkilora ōvun selnivi, Kĭk otūontampalaū; Kĭk otūontalugi; Kĭk otūonumprok; Kĭk otūontesūi namli; Sendiukives ĭtum ĭm dinum.

²¹Miyi yōmenūwi, memokū, Imosū omwisū yaū mafinte marugi nempugon yaū virok.

²²Iesū pol sugkū yemorigi imosū yōmenūwi pugi memokū, Sī kōtūumpi: ōvun se sorum, siemesū kemetipe sorum, kampasi, metevūrakwokonda ōvun narumkor, ĭm kĭk ampī nōeteves ūnpokōp, melum mūri yaū.

²³Im pol sugkū iyi yemorigi imosū yemorigi sat tamas, popōwo isen netevote tamas wokon.

²⁴Im pol sugkū Iesū yemokesi yemorĭgisat tamas, iyi yōmenūwi, memokū, Onugkugko iranda ūmantipe isenda netevotesū worĭntorĭmpe ra lō isen Nōbū.

²⁵Mōmū ĭtemelepon ra sī kamel worĭntorimpe ra nelni nitel iran sī neteme nōete woreve ūnisog lō isen Nōbū.

²⁶Mirora mori dūmūrigi, dūmūtagkeli, mūmōkū, Im mē faneteme worevi nēōwara?

²⁷Miyi yōmenūwi, memokū, Imosū mori oveteme tawi faneteme worumpi, Nōbū faneteme worumpi.

²⁸Im Piter yemenūwi, memokū, Kam lowisep omwisū ĭm lūrok.

²⁹Miyi yemenūwi punora memokū, Itnesog, ya umanūwi pugkūm, memagkū, Irorasū mori dūmūwi nimo, kū ĭtemen ĭm dĭneme, kū ravensīeme, kū retepon, kū ōvun netnime, popōwo ugi lō isen Nōbū,

³⁰wōmampī sikat mōmū ra nempugon marima, ĭm ra nūrū mori umante, nomūrep ūbrūni.

³¹Miyi yemtōrorago, ōvun Twelv, memenūwi punora, memokū, Urĭgi; kos kemlesah ra Yerūsalem, ĭm siemesū ōvun profet dūmūtīyi mūmōkū ugi Netni isen neteme, wonakompelisū.

³²Popōwo irora wonempirigi iyi punora ōvun nelebokevat, mirora wonagipĭ iran, monumpi sat iran, montevani iran, mamselatevi, ĭm penūri, wontalugi;

³³miyi umamsorasah ra dan deselugi, Mirora dūmūmgĭugi imosū omwisū;

³⁴yemetiumpeni imo nam morokonda; mirora dūtūkili ugi imosū mori iyi yemenūwi.

³⁵Im pol sugkū iyi yemumpotipot Yeriko, sī neteme nĭmtēi yemetesep ra nokorin selat memesenĭgi.

³⁶Miyi yemorigi ōvun numpūn lō dūmavan, memtagkeli ugi.

³⁷Mirora dūmūve mūmunūwi pugi, mūmōkū, Iesū neteme Nasaret umnavan.

³⁸Miyi yemovrugisah iyi, memokū, Iesū Netni isen Dēvĭd, togesoveliyaū.

³⁹Mōveteme mori dūbūm dūmūnūali pugi, mūmōkū iyi anteteven; kō, iyi yōmovrugisah mōmū, memokū, Netni isen Dēvid, togesoveli yaū.

⁴⁰Im Iesū yemetūrū, memenūwi, memokū, wontori pugi; ĭm pol sugkū iyi yivelum potipot, iyi yemtagkeli, memokū Kemagkū ya onumpi sie iram?

⁴¹Miyi yemenūwi memokū, Novsūromon, ma ya umagesi.

⁴²Im Iesū yōmenūwi pugi, memokū, Omokesi; tavniri sorum ovkĭkēōwara.

⁴³Marimago iyi yemokesi, memūri, memorūfoves numpĭlin Nōbū; mōvun numpūn lōsū dūmōkesi mūmarūfoves numpĭlin Nōbū.