Read Sie Luk 2 Bible Online

Luk 2 - Sie bible

Luk 2

¹Ra dansū mori Sisar Okustus yempasewugi memokū wonetīyi ninda lōsū lōsū;

²mematipotni woretĭyi ninda ra nempugon Sīrenius natemonok Sĭria;

³mūmūvesū mūmōkū wonetīyi nindi isendawi.

⁴Im Yosef yivesah marugi Kalĭli ra Yūdia, memne ra sĭti, nin Nasaret, mempe ra Betlehem, sĭti isen Dēvĭd;

⁵it iyi yemne ra nimo mov netnĭndeme isen Dēvĭd; memokū onetĭyi nin isen nandū Mēri, mori iyi yemeteventerugi, miyi yitandiokumpōh.

⁶Im pol sugkū irora dūrū yūi isūma dansū worevi netni,

⁷miyi yivi netni isenĭtnataman, ĭtnetemefe, memovsen ugi ōv nevlugkon némas, memetipe ra krĭb, popowo tawi nūrū nisekonda ūnisog simanlō.

⁸Mōveteme mori dūmafinte ovun pugipugi dūmūtendōwi yūi ūnavonavo, mūmavles, mositūasitū pumrok ra ovun semsimak isenda.

⁹Im sī nagelō isen Novsūromon yemovkoretūrū, ĭm nĭneaū isen Novsūromon yemeli-ugesi nagkaūwokonda, mirora dūmtetugi ugi nemtetugi tamas.

¹⁰Miyi nagelō yemenūwi punora memokū, Utumtetugi, ĭt ya umandiuki nam aremi pug kūm, nam navosavos mori wontorenūwi punora ōv netevo-kontū omwisū.

¹¹Omprokomol ire, Nēōwara nisekomi, iyi Kristo Novsūromon, ra sĭti isen Dēvĭd;

¹²ĭm imo pe safi nisekomi; kimi kwagesi sī Dalaū movsen ugi ōv nevlugkon nēmas memnalē ra sī krĭb.

¹³Marimago dal nagelō sī semsimak ra ovun tentūrū ūnpokūp, mirora dūmarūfoves numpĭlĭn isen Nōbū, mūmūnūwi mūmōkū,

¹⁴Warūfoves numpĭlĭn Nōbū ra nūrūsū tantevakepe, Im ra nemap, ninparata, nelugelugives iranda oveteme.

¹⁵Im pol sugkū ovun agelō mori dūmūve marokonda mūmūvesah ūnpokūp, ovun nefĭnte pugipugi dūmūsepen ūnūwi punora naūmōkū, Kos lampe mafeli ra Betlehem ĭm lagesi imo mori oti, mori Novsūromon onūwi pugkos.

¹⁶Mirora dūmūvugovag mūvelum mūmōkesi Mēri, ĭm Yosef, ĭm nalaū mori yemalewi ra krĭb.

¹⁷Im pol sugkū irora dūmōkesi dūmūtampĭgi nam punora netevokontū mūmōkū ugi nam yemenūwi punora ugi nalaū mori.

¹⁸Im omwisū mori dumūrĭgi dūmavlugi ra nam mori ovun nefĭnte pugipugi dūmūnūwi punora.

¹⁹Kō Mēri yementemi imosū omwisū memneveleveli ugi.

²⁰Movun nefĭnte pugipugi mori dūmūtorileki, mūmarūfoves numpĭlĭn mūselekoleki Nōbū ugi simesū imosū irora dūmūrĭgi, mūmōkesi sugkū nam yemenūwi punora.

²¹Isūma dansū sĭklem desel worumpi namon iran, dūmatovnin isen mūmōkū IESU, mori nagelō yep-menūwi pol sugkū iyi yetūte ūnetnĭn.

²²Im pol sugkū ĭsūma dansū dūmūsendumsi, sugkū nam alam isen Moses, irora dūmūtōri ra Yerūsalem, mūmūtipe iyi ūnĭpmi isen Novsūromon;

²³sugkū yeroetĭyi nam alam isen Novsūromon, memokū, ĭtovataman omwisū ĭtnetemefe, tumpora nisekon Novsūromon;

²⁴mūmūvugi sakrefis mori yemenūwi, memokū ugi ra ovun nam alam isen Novsūromon, memokū, ĭtovataman omwisū ĭtenetemefe, tumpora nisekon Novsūromon; mūmūnūwi sakrefis mori yemenūwi memokū ugi ra ovun nam alam isen Novsūromon ūmpon turtel dūrū, Kū dūrfi nōū vilik.

²⁵Sī neteme ra Yerūsalem, nin isen Sĭmion, miyi tanepo mementemives iran Nōbū; memtametugives nam navosavos nisekonda lō Isrēel, im Naviat Tumpora nandū iyi.

²⁶Naviat Tumpora yemsesi pugi ma iyi otū amas afeli nempugon iyi agesi Kristo, isen Novsuromon.

²⁷Miyi yivelum ūnisog nimo tumpora ugi Naviat; im pol sugkū, dineme im ĭtemen dūmūtōri nalaū mori, Iesū, ūnisog, mūmōkū wonumpi nisekon sugkū nam alam,

²⁸iyi yemalekoleki ugi nĭlepon nokoven isen, memumpalugi ves iran Nōbū, memenūwi, memokū,

²⁹Ah Narisah, marima kĭk emĭntenĭmpe yaū, lĭvsaū sorum mampe ra nĭmparata, Sugkū nam sorum,

³⁰It nĭmtūg okesi nēōwara sorum,

³¹Mori Kĭk okosimansū ūnimĭnda lōsū lōsū;

³²Sī nilara woreliugesora ovun nelebokevat, Im nilasilaswi isenda netevokontū sorum, lō Isrēel.

³³Im itemen isen, im dineme dūmavlugi ra imosū mori yemenūwi ugi iyi.

³⁴Im Sĭmion yivīeves irora, memenūwi pugi Mēri dineme isen memokū, Orĭgi, iyi mori umnalē ma sugkū oveteme Isrēel sikat wamol mōmamsorasah, miyi sī safi wanūĭndi ugi;

³⁵im sī sord osē naviat sorum kĭk, ma sugkū ōv netevotarū ūnōwanda sikat wamsok.

³⁶Im Ana sī profet itnasiven, netni isen Fanūel, ra savūta Aser; nevisū sikat iran, miyi nandū asūon marugi nempugon iyi ĭtnumpōkon im nevisū seven iran;

³⁷miyi neviumpūi, nevisū ēti-fōr iran, miyi yetūwi nimo tumpora, nempugon pūmrok im dan iyi yementeveta ugi netevokom im nufwaki.

³⁸Miyi yemovletūrū potipot memumpalugi, iran Novsūromon, memenūwi memokū ugi iyi punora sū ra Yerūsalem, mori dūmūtevetūi nēōwara.

³⁹Im pol sugkū irora dūmokompeli-sū sugkū nam alam isen Novsūromon irora dūmūtorĭleki ra Kalĭli ra Nasaret, sĭti isenda.

⁴⁰Miyi nalaū yemalam memtorugat ra naviat isen memovūarugi numpūn nelekon, ĭm nevīeves isen Nōbū iran.

⁴¹Mitemen ĭm dineme isen dūmūve ra Yerūsalem ra paska nevisū.

⁴²Im pol sugkū nevisū twelv iran irora dūōmevesah ra Yerūsalem, sugkū dūmumpi ugi narigari mori.

⁴³Isūma dansū ugi, irora dūmūtorĭleki, kō nalaū Iesū yemetendōwi ra Yerūsalem, mitemen ĭm dineme dūmūtūkili ugi;

⁴⁴dūmokū iyi dal semsimak, mirora dūmūtorĭleki mōmavan sī dan, mūmūsorugi dal raveneme, mov numpūnaranda, ĭm tawi iyi;

⁴⁵mirora dūmūtorĭleki ra Yerūsalem, mōmūsorugi iyi.

⁴⁶Im penūri dan desel irora dūmōkesi iyi ūnisog, nimo tumpora, yemetesep dal ōv nate tavsogi, memorĭgora memtagkelora.

⁴⁷Im omwisū mori dūmūrĭgi iyi dūmavlugi ugi numpūn nelekon isen movun tamsi isen.

⁴⁸Im pol sugkū irora dūmōkesi iyi, dūmovkeritwi; ĭm dineme isen yemtagkeli memokū, Netūg, kumpi sugkū iramam, irasie? Itum ĭm yaū ka kūosorug kĭk ugi norigumpūnū.

⁴⁹Miyi yemtagkelora memokū, Irasie kūosorokoyaū? Kūtūkili ma aremi ya umnumpūrah ra nimo isen Itemen sorūg, kū?

⁵⁰Mirora dūmūmgīugi nam mori iyi yemenūwi punora.

⁵¹Miyi yemyep dal irora mōĭmpe ra Nasaret, mōmesendiukives irora; ĭm dineme isen yemafĭnte imosū omwisū nam ūnōwan isen. Im Iesū yemorūnevī numpūn-nelekon, memalam, ĭm nelugelugives isen Nobū misenda oveteme yemete iran.