Read Sie Luk 20 Bible Online

Luk 20 - Sie bible

Luk 20

¹Im ra sī dan pol sugkū iyi yemtavsokonda netevokontū ūnisog nimo tumpora, memtorenūwi nam navosavos, ōvun tavsogi tumpora, mōvum Somūl, mōveteme talam dūmūvelum pugi, mūmūtagkeli, mūmōkū,

²Kĭk emnumpi imosū ugi nempasewugi eneme? Mē yemovunok imo nempasiwugi? enūwi pugkam.

³Miyi yemtamsi memenūwi punora, memokū, Yaū sugkū, ya ontagkolekūm sī,

⁴Utamsi po yaū, Baptisma isen Yōane, yemnea? ra pokōp; kū, ra ōveteme?

⁵Mirora dūmūsepenenūwi punora mūmōkū, Nagkū kos kelanūwi ĭm lagkū, ra pokōp, iyi ōmontagkolokos, magkū, Im irasie kĭmi kūtūtavniri iyi?

⁶Im nagkū kos kelanūwi ĭm lagkū, ra ōveteme, ōvun netevokontū omwisū wantovokos ugi nevat, ĭt irora ūmagkū Yōane sī profet.

⁷Mirora dūmūtamsi mūmūnūwi, mūmōkū dūtūkili yemnea.

⁸Im Iesū yōmenūwi punora, memokū, Im ya ōtūanūwi pugkūm, magkū ugi nempasiwugi mori ya umnumpi imosū.

⁹Miyi yemenūwi imo parabel punora ōvun netevokontū, memokū, Sī neteme yemumpi denūok memōwi ugi vĭn, memten-ĭmpe lap punora ōvūn nasemnūok, mempe ra nūrū itūga, memokū antendōwi nempugon tantop.

¹⁰Im pol sugkū dūmovūo, yemtamūli sī lĭvsaū isen punora ōvun nasemnūok, memokū, wampugi novūan ra denūok vĭn; mōvun nasemnūok mori dūmselatevi iyi, mūmtamūli wokon.

¹¹Miyi yōĭmtamūli sī mōmū lĭvsaū, miyi sugkū, irora dūmselatevi, mūmūtipe narumprum tamas iran, mōĭmtamuli wokon.

¹²Miyi yōĭmtamūli sī deselugi, mirora dūmūtateoieki iyi, mōmūtafugi ratilat.

¹³Narisah, isen denūok, yemesepen tagkeli, memokū, Sie ya onumpi? Ya ontamūli netūg paū; ĭm pol sugkū wagesi iyi, wosesie ūnĭpmi isen, kū tawi?

¹⁴Mirora dūmōkesi, mūmūnūwi punora irora, mūmōkū, iyi tampenum itemen; uvelum, kos litalugi, iyi, ĭm netevotesū wanti soret.

¹⁵Mirora dūmūtafugi iyi marugi denūok, mōmūtalugi. Narisah denūok isen onumpi sie iranda?

¹⁶Iyi ōmampelum montevavtitora ōvun nasemnūok mori, mōmampugi lap punora mōmū.

¹⁷Im irora dūmūrīgi mūmūnūwi, mūmōkū, etūti sugkū.

¹⁸Miyi yemokesi iranda, memenūwi, memokū, Im sie imo nam yemetĭyi memokū, Nevat oveteme dūmumpi nimo mūsatemugi, Yometi nampūtan nimo. Iyi sī amol rantan imo nevat ontarekirekon; miyi sī mamol iran onesendekon.

¹⁹Im ra imo nempugon ōvun tavsogi tumpora, movun Somul dūmoserugi, mūmōkū wandūleki iyi; mirora dūmūmtetokonda oveteme, ĭt irora dūmūlavenūri iyi yemenūwi imo parabel, memokū ugi irora.

²⁰Mirora dūmūterareki iyi, mūmtamūlora ōvun netūrareki worenūwi sugkū nagkū irora oveteme itnesog, kō, dūmōkū wonelekavi nam isen, mōmūtipe iyi ra mumpon horog ĭm nempasiwugi isen Natemonok.

²¹Mirora dūmūtagkeli iyi, mūmōkū, Tavsogi, ka kemlagkili ma kĭk emanūwi memtavsogi itnesog, kotūmnesorugi nevietivesep wokon nisekom, it kĭk ementavsokonda selat itnesog isen Nōbū;

²²Ka kelampugi Sisar muni mori nisekon, kū tawi?

²³Miyi yemelavenūri tarū isenda, memtagkelora, memokū, Kūmnirūara irag, irasie?

²⁴Usesi po yaū sī peni. Safi ĭm netiyi rantan enemē?

²⁵Mirora dūmūnūwi, mūmōkū, Isen Sisar. Miyi yomenūwi punora memokū, Uvugi Sisar siemesū isen Sisar; mūvugi Nōbū siamesū isen Nōbū.

²⁶Mirora tawi faneteme worelekavi nam isen ūnimĭnda ōvun netevokontū; mirora dūrnavlugi ra tamsi isen, mūmūteteven.

²⁷Im nugkon ōvun Sadūsi mori ūmanūwi, mūmagkū tawi nevsorasah, dūmūvelum pugi mūmūtagkeli, mūmōkū, Tavsogi,

²⁸Moses yemetiyi pugkam, memokū, Nagkū avensi isen sī neteme amas mawi retepon, ĭm tawi netni, avensi ampi retepon montōri ōvun netnime nisekon avensī isen.

²⁹Ravensīme seven, mĭtnetemefe yimas, ĭm tawi netni;

³⁰miyi dūrūgi yivi, iyi; miyi deselugi sugkū; mirora seven sugkū, dūmas sū, ĭm tawi netni;

³¹

³²ĭm penūri, iyi nasiven yimas.

³³Ra nevsoroseh iyi anti retepon mē sī irora, ĭt iyi yepmeti retepon irorago?

³⁴Iesū yemtamsi memenūwi punora, memokū, Ovun netnime ra imo nūrū ūmnetovrugi, mūmneteventorugi;

³⁵kō, irora mori aremi woretendowi ra nūrūves ūtūōmenetovrugi, mutūmneteventerugi, mūtūōmamas, isūma nemas yūi,

³⁶ĭt irora sugkū ōvun agelō, mirora ōvun netnime itōvatanian isen Nōbū, ĭt irora ōvun netnime ra nevsorasah marugi nemas.

³⁷Miyi Moses yemokū sugkū ra nē, memtavsogi, memokū ōvun nemas ūmamsorasah, ĭt iyi yemovrugi Novsūromon, memokū, Nōbū isen Ebraham, ĭm Nōbū isen Isak, ĭm Nōbū isen Yakob;

³⁸ĭt iyi tawi Nōbū isenda ōvun nemas, kō, isenda ōvun nomūrep, popōwo omwisū umnomōrep nisekon.

³⁹Im nugkon ōvun Somūl dūmūnūwi, mūmōkū, Tavsogi, kĭk onūwives.

⁴⁰Mirora dūmūsēemoiemo worōmuntagkeli ugi sī.

⁴¹Miyi yemtagkelora, memokū, Nokowo oveteme umanūwi, mūmagkū Krĭstō netni isen Dēvĭd,

⁴²ĭm iyi Dēvĭd yemetiyi nam ra Netiyi narūfo, memokū, Iehōva yemenūwi pugi Novsūromon sorūg memokū, Etesp ra nokovug meves,

⁴³Afeli nempugon ya antipe ōvun novsen nakan, Sorum ra mumpon noam.

⁴⁴Dēvĭd yemenūwi, memokū iyi Novsūromon isen, ĭm nagkū sugkū nokowo iyi Netni isen?

⁴⁵Movun netevokontūsū dūmūrĭgi pol sugkū iyi yemenūwi punora ōvun nūrie isen, memokū

⁴⁶Ufinte kĭmi marokonda ōvun Somūl mori ūmnakĭugi woravan ugi ōvun semplaūon tantop, mūmnelintugi wovorĭgi ōvun nam paū iranda ra nūrūsū nevasi, ĭm ōvun woretesep aremī ra ōvun nimo tavsogi, mōvun nevlok nūsian aremī ra ōvun narĭgari;

⁴⁷mirora ūmneforugi netevotesū ōvun neviumpūi, mūmūseni sat isenda ugi ōvun nufwaki tantop; irora mori wampī tampenĭgi iranda tamas.