Read Sie Luk 21 Bible Online

Luk 21 - Sie bible

Luk 21

¹Miyi yemelasah memokesora mori dūmovkisep ōvun itemas isenda ūnisog woretavĭnepon tumpora, mirora oveteme noete.

²Miyi yemokesi sī neviumpūi narumkor yemovkisep ūnisog nugkon peni siteven.

³Miyi yemenūwi, memokū, Itnesog ya umanūwi pugkūm, memagkū, Imo neviumpūi narumkor ovkisep ūnisog mōmū ra irorasū;

⁴ĭt irora ūvkisep ūnisog nugkon wokon marugi tampalsah isenda nisekon Nōbū; miyi marugi narumkor iran ovkisep ūnisog omwisū yemetipe nimsin nevag nĭsekon.

⁵Im pol sugkū nugkoneme dūmūnūwi mūmōkū ugi nimo tumpora, nilaswi ugi ōvun nevat aremī, movun itemas, iyi yemenūwi memokū,

⁶Kĭmi kūmagesi imosū, wampelum ōvun dan mūtūawi sī nevat ran tan nevat wontalepasisū.

⁷Mirora dūmūtagkeli, mūmōkū, Tavsogi, ĭm nigoi sugkū? Im sie anti safi pol sugkū imosū wanti sugkū?

⁸Miyi yōmenūwi punora, memokū, Ufinte kĭmi, ma ūtūonirūara irami; popowo sikat wampelum ra nin sorūg manūwi magkū, Yaū; Nempugon okovelum; ūtūve worūrora.

⁹Im pol sugku kĭmi kwandĭgi ugi ōvun ūbrami, mōvun nesesaū, ūtūwemetet popōwo imosū wampūm; kō, uelehūvan antelap.

¹⁰Miyi yemenūwi punora memokū, Lō sī wonavohat iranda lō sī; ĭm savūta sī iranda savūta sī.

¹¹Wanti ōvun nomiok tamas ra nūrūsū, mōvun temasmōvun navoret; mōvun nokesenepūp tamas wamne ra pokōp.

¹²Kō, pol sugkū imosū ūtūampelum lap, wandūlugkūm, mō mampiesesat kĭmi, mantipe kĭmi ra nimo tavsogi, mūnisog ōvun nimo nugkugko mūnimĭnda ōvun natemenōk, mōvun nevsem, popōwo ugi nin sorūg.

¹³Im imo anti numpūvsok soremi.

¹⁴Wentemi imo, mūtūtarūgi nam kĭmi kwanūwi;

¹⁵popowo ya ampugkūm nam ĭm nelekon ma sugkū ōvun novsen nakan soremi ūtūosemsi woretipe, kū woratekīsah irami.

¹⁶Ritemeneme soremi, ĭm rapmisĭeme, ĭm rapmime, mōvun numpūnarami, wonempiriwugkūm, montalugi nugkon kimi.

¹⁷Omwisū wonakan pugkūm popowo ugi nin sorūg; ĭm otūampiugki sī novlimpū ūnumpūmi.

¹⁸Nagkū kĭmi kwantendōwi unam, kwampiēōwara naviat sū soremi.

²⁰Im pol sugkū kimi kwagesora ōvun tentūrū ūbrami ūmnagkaūugi Yerūsalem, kwagkili talepasisep mori umumpotipot.

²¹Ire aremi irora ra Yūdia wonalo ra ōvun numpūo; mirora ra sĭti wampe ilat marugi; mirora ra ōvun nete nūrū ĭsūt, aremi ūtūōmentorĭmpe ūnisog;

²²popōwo ra ōvun dan mori ontampenĭgi tĭūwi sat monampesog omwisū yemetiyi memokū ugi.

²³Owi iranda mori wontandiokumpōh monampūni ra dansū mori; popōwo wanti nelileki tamas ra nūrūsū yūi, ĭm naraki punora ovun netevokontū Isrēel.

²⁴Wontalokonda ugi naūitūga, mampasi irora punora lōsū worelĭvsaū wokon; mōvun nelebokevat wōĭsep Yerūsalem afeli nempugon onekompelisū dansū isenda lōsū ōvun nelebokevat.

²⁵Wanti ōvun nokesinepūp ra nĭpminen, ĭm itīs, ĭm mosisū, ĭm sokomulep iranda lōsū; mirora wonepokerarū;

²⁶tok mōvun nimpiaū woneseroki; mōveteme wantevūlūl ugi nemetet ūnōwanda, im popowo ūmuntavetūi imosū umampelum ra nemap; ĭt horogsū ūnpōkup wīeliel.

²⁷Mirora wagesi Netni isen neteme umampelum ra numpūaū ugi horog im nilasilaswi tamas.

²⁸Im pol sugkū imosū wonatipotni sugkū, ūlasah, ūsepenuriukisah numpūmi popōwo onumpotipot nempugon worūmkūmēōwara.

²⁹Miyi yemenūwi sī parabel punora, memokū, Okesi fik, ĭm nēsū;

³⁰pol sugkū umesemsi kūmagesi kūmasepen nokili nenum umpotipot.

³¹Kĭmi pol sugkū kwagesi imosū umumprokevelum, ūsepen nokili lō isen Nōbū okevelumsū.

³²Itnesog, ya umanūwi pugkūm, memagkū, Imo palsi ūtūamas sū afeli nempugon onakompelisū omwisū.

³³Pokōp mūnemap wampia, kō, nam sorūg ūtūampia.

³⁴Mūfĭnte kĭmi ma sugkū nōwami ūtūampoh ugi nesumpele nevag ĭm naūeteremlū, mōvun netevotarūgi sieme ra nemap ma imo dan mori otūamplūvelum irami,

³⁵popōwo imo dan ampelum itnum sugkū nelis worūleki irandasū ūmantendōwi ra nūrūsū.

³⁶Wavles, mūfwaki ĭndōwi ma iyi agkū kĭmi aremi worefinte kĭmi marugi imosū wantepū mantelap ma kĭmi kwantūrū ūnĭpmi isen Netni isen neteme.

³⁷Dansū iyi yemtavsokonda ūnisog nimo tumpora, ĭm pūmrok yive memorūnetendōwi ra numpūo Olivet.

³⁸Im netevokontūsū dūmorūn nevelum pugi prūbokom ūnisog nimo tumpora mūmōkū wandĭgi iyi.