Read Sie Luk 22 Bible Online

Luk 22 - Sie bible

Luk 22

¹Yemumpotipot nempugon ugi narigari ugi yōūp sī, nin Paska.

²Mōvun tavsogi tumpora mōvun Somūl dūmoserugi nokowo wontalugi iyi, ĭt irora dūmūmteto-konda ōvun netevokontū.

³Im Sētan yive iran Yūdas nalĭg isen Iskariot, sī ra irora Twelv,

⁴miyive memenūwi dal ōvun tavsogi tumpora mōvun natemonok, memokū nokowo iyi onempirĭgi iyi punora.

⁵Mirora dūmavos ugi, mūmūnūwi mūmōkū wampugi muni.

⁶Miyi yemievūwos nam punora momenesorugi nempugon worempĭrigi iyi punora, pol sugkū tawi numpūnlō.

⁷Yivelum dan woreni yōūp mori pol sugkū irora, dūmūtĭ paska.

⁸Miyi yemtamūlora, Piter ĭm Yōane, memenūwi memokū, Uve mūsiman paska nĭsekont ma kos keleneni.

⁹Mirora dūmūtagkeli iyi mūmōkū, Ia kemagkū kūosiman?

¹⁰Miyi yōmenūwi punora, memokū, Urĭgi, pol sugkū kimi kwonĭntorĭmpe ra sĭti, sī neteme avtit irami umandiuki sī nūrah ugi nū, ūri iyi ūnisog nimo mori iyi onintorĭmpewi;

¹¹ĭm kimi kwanūwi pugi neteme nimo isen, Iyi Tavsogi umanūwi pugkĭk, memagkū, Ia silebōkeves yūi ya oneni paska dal ōvun nūrie sorūg?

¹²miyi ontōrokūm ra sī silebōkeves tamas ratkomisah, netovtam, ūsiman yūi.

¹³Mirora dūmūve mūmōkesisū sugkū iyi yemenūwi punora: mirora dūmūsimam paska.

¹⁴Yivelum nempugon miyi yemtesĭgi, mōvun Apostol twelv dal iyi.

¹⁵Miyi yemenūwi punora, memokū, Yaū makīugi tamas woreni imo paska mori dal kĭmi, pol sugkū nesorū otūvelum irag.

¹⁶It ya umanūwi pugkūm memagkū, Ya otūōmeneni pe afeli nempugon onekompelisū ra lō isen Nōbū.

¹⁷Miyi yivi kup, memumpalugi, mōmenūwi, memokū, Uvī imo mūtūvūrak wugkūm;

¹⁸ĭt ya umanūwi pugkūm, memagkū, Ya otūōmamoneki dumpon wīn afeli nempugon lō isen Nōbū ampelum.

¹⁹Miyi yōĭmpĭ, yōūp, memumpalugi, memorūsevi, mōmovunora, memenūwi memokū, Imo oti nokolisiran woretamneniugkūm: wumpi imo worenteme yaū.

²⁰Im penuri dūmoni iyi yōĭmpĭ kup, mōmenūwi, memokū, Imo kup nam ūnam ĭtevaū ugi de sorūg, mori umowosĭlĭgi woretampnemugkūm,

²¹Kō, ūrĭgi, nokoven isen mori umnempiriwokoyaū nandū yaū rantan nevlok.

²²Miyi Netni isen neteme umampe sugkū yepmemanūwi memokū ugi; kō, ōwī iran neteme mori umnempirĭgi iyi.

²³Mirora dūmūsepen tagkelora memokū, Mē sī ra irora onumpi imo.

²⁴Mirora dūōil ugi imo sī sugkū, Mē iyi ra irora anti nūsian.

²⁵Miyi yemenūwi punora memokū, Ovun natemonōk ra nūsian isenda lōsū ōvun nelebokevat ūmnarisah iranda, mirora mori ūmnovsūromon iranda, ūmnatovninda mūmagkū, Ovun numposeti;

²⁶kō, kĭmi, tawi sugkū; iyi sī ra kimi nūsian, aremi iyi woreti sugkū ĭtevirok, miyi sī nivūo sugkū iyi mori lĭvsaū.

²⁷Itokowo nūsian? iyi sī umentesĭgi, kū iyi sī umentorugat? Iyi mori umentesĭgi; ĭm yaū dal kĭmi sugkū iyi mori umentorugat.

²⁸Kĭmi kūmūtendōwi dal yaū ra ovun tapmi sorūg.

²⁹Im ya umantipe kimi ra lō nisekomi, sugkū Itemen sorūg yemetipe yaū,

³⁰memagkū kĭmi kwoneni mamoneki ra nevlok sorūg, ra lō sorūg, mantesep rantan ōvun potnumpūtūo monūrian iranda ovun savūta twelv ra Isrēel.

³¹Miyi Novsūromon yemenūwi memokū, Sīmon, Sīmon, origi, Sētan osorugkĭk nisekon memagkū onugkerok sugkū whit ra sĭv;

³²ĭm ya osenigi nisekom ma tavniri sorum otūamwi; ĭm kĭk, pol sugkū kōmontorĭleki, torugat ūnisog rapmisĭeme.

³³Miyi yemenūwi, memokū, Novsūromon, Nandū kĭk ya ampe ra nimo nugkugko, ĭm ra nemás.

³⁴Miyi yōmenūwi, memokū, Piter, ya umanūwi punok memagkū, Netūo otūonasora ire afeli nempugon kanūaveni yaū, manūwi nempugon desel, magkū, kotūmagkili yaū.

³⁵Miyi yōmenūwi punora memokū, Pol sugkū yaū ĭmtamūlokūm, ĭm tawi woretatevote, kū veyū, kū woravan, kūmakīugi sī kū sī, kū? Mirora dūmūnūwi mūmōkū, Tawi.

³⁶Miyi yōmenūwi punora, memokū, Kō iyi, marima, umantipe isen sī woretatevote, aremī iyi ampi nandū ĭm vēyū isen; miyi sī otūmantipe naūitūga isen, aremī iyi ampasi sī ugi nemas isen.

³⁷It ya umanūwi pugkūm memagkū, Imo mori yepmetīyi memokū ugi yaū, onokompelisū irag; Irora wasepi yaū dal ōvetemendi;

³⁸popōwo imosū ugi yaū wonisah. Mirora dūmūnūwi mūmōkū, Novsūromon, okesi, naūitugo dūrū ĭgko. Miyi yemenūwi punora, memokū, Isūma.

³⁹Miyi yive ilat, mempe, sugku dansū, ra numpūo Olivet; mōvun nūrie isen dūmūri iyi.

⁴⁰Im pol sugkū iyi yemsenterumpene ra nūrū yemenūwi punora, memokū, Ufwaki, mōkū kūtūampe ra tapmi.

⁴¹Miyi yemlag marokonda sugkū botipot wokon, memsēnum-pūneteren, memufwaki, memokū,

⁴²Nate nagkū kemagkū aremī ugi, vī pelah imo kup maroko yaū; kō, tawi sugkū ya umugkū ugi kō kĭk, umpi sugkū kemagkū aremĭ ugi.

⁴³Im sī nagelō mori yemne ra pokōp yivelum pugi memtorugat ūnisog iyi.

⁴⁴Miyi yemesokomulep, memufwaki mōmū horog, ĭm nenora iran sugkū vetin de dūmorūnomol ra nemap.

⁴⁵Miyi yemtūok marugi nufwaki mempelum punora ōvun nūrie, memokesora dūmalēpo, popōwo ugi norĭgumpūnū,

⁴⁶miyi yemenūwi punora, memokū, Kūmalēpo irasie? ūtūok mufwaki, nōkū kūtūampe ra tapmi.

⁴⁷Im polekū iyi yemenūwi, dūmōkesi numpūnlō, ĭm Yūdas, sī ra irora Twelv, yemōbūm iranda, miyi yivelum pugi Iesū memsūgū iran.

⁴⁸Im Iesū yemenūwi pugi memokū, Yūdas, kemnempĭrĭgi Netni isen neteme ugi sūgū iran kū?

⁴⁹Im pol sugkū irora mori ra nokorin isen dūmōkesi sie antepū irora, dūmūtagkeli mūmōkū, Novsūromon, ka kelentar ugi naūitūga kū!

⁵⁰Im sī ra irora yemtī lĭvsaū isen tavsogi tumpora, memtantevi telugon meves isen.

⁵¹Im Iesū yemtamsi memenūwi, memokū, Uwi sugkū; miyi yemsūgkori telugon isen, memumpi horĭgives.

⁵²Im Iesū yemenūwi punora ōvun tavsogi tumpora, mōvun nivūo ra nimo tumpora, mōveteme talam, mori dūmūvelum iran, memokū, kĭmi kūvelum ugi naūitūgi, mōvun nirum sugkū nagkū iran neteme neforugi kū?

⁵³Pol sugkū yaū dal kimi dansū ūnisog nimo tumpora kĭmi kūtūtipe nokopmime irag; kō imo nempugon soremi ĭm horog ra nelebokevat.

⁵⁴Mirora dūmūrūleki iyi, mūmūtōri, mōmūve ūnisog nimo isen tavsogi tumpora.

⁵⁵Im Piter yemūri ĭsūt. Mirora dūmūtovuni nom ileboteven silebōk ra nugūn nimo, mūmūtesep semsimugi, ĭm Piter yemetesep dal.

⁵⁶Im sī ĭtnumpōkon yemokesi polekū iyi yemetesep ra nilara memtopotnemi iyi memenūwi, memokū, Im iyi dal iyi.

⁵⁷Miyi yemenūaveni iyi, memenūwi memokū, Nasiven, ya otūmagkili iyi.

⁵⁸Penūri lap, sī mōmū yemokesi iyi memenūwi, memokū, Im kĭk sī ra irora. Im Piter yemenūwi, memokū, Woragi, Tawi.

⁵⁹Nempugon vilik mōmū ĭm sī yemorūnenū wi, memokū, Itnesog imo neteme yete nandū iyi, it iyi sugkū neteme Kalĭli.

⁶⁰Im Piter yōmenūwi, memokū, Woragi, ya umumgĭugi nam kemanūwi; marimago netūo yemasora, pol sugkū iyi yetūnū wi aveni.

⁶¹Miyi Novsūromon yemelagkau memokesi iran Piter; ĭm Piter yementemi nam isen Novsūromon nokowo yemenūwi pugi, memokū, Pol sugkū netūo otūonasora, kanūaveni yaū nempugon desel.

⁶²Im Piter yive ratilat memageri tamas.

⁶³Mōveteme mori dūmūrūleki Iesū dūmagipī iran, mūmūrūnti:

⁶⁴mirora dūmovsen nipmi isen, mūmateki ra waū nugūn mūmūrūu tagkeli, mūmokū, Enūwi, mē iyi oketak!

⁶⁵Im nam sat sikat irora dūmūnūwi pugi.

⁶⁶Im pol sugkū yumti dan oveteme talam ra netevokontū dūmūsemsimokonda, mōvun Tavsogi tumpora sugkū, mōvun Somūl, mirora dūmūtōri iyi ratkomisah ra naūor isenda,

⁶⁷mūmūnūwi, mūmōkū, Nagkū kĭk Kristo, enūwi pugkam. Miyi yemenūwi punora memokū, Nagkū ya anūwi pugkūm, kimi kūtūontavnirigi;

⁶⁸ĭm nagkū ya outagkolokūm kimi kūtūontam sī po yaū, kūtūwi yaū.

⁶⁹Marugi nempugon marima Netni isen neteme antesep ra nokoven meves ra horog isen Nōbū.

⁷⁰Mirorasū dūmūnūwi, mūmōkū, Im kĭk Netni isen Nōbū? Miyi yemenūwi punora memokū, kimi kūmanūwi ves, yaū sugkū.

⁷¹Mirora dūōmūnūwi, mūmōkū Sie aremī kelenesorugi nūmpūvsok sī mōmū? Kos kelorĭgi nam isen.