Read Sie Luk 23 Bible Online

Luk 23 - Sie bible

Luk 23

¹Mirora dūtūok, im semsimak ra irora omwisū dūmūtori pugi Pīlat;

²mūmatipōtni worevievri iyi, mūmūnūwi mūmōkū, Ka kelokesi imo neteme umuntavuntan lō, memokū ūtūampugi Sisar muni nisekon, mōmenūwi, memokū iyi Krĭstō natemonok ra nūsian.

³Im Pīlat yemtagkeli iyi memokū. Kĭk natemonok ra nūsian isenda oveteme Isrēel, kū? Miyi yemtamsi memenūwi, memokū, Kĭk onūwives.

⁴Im Pīlat yemenūwi punora ōvun tavsogi tumpora, mōvun netevokontū, memokū, Ya otūmagesi sī se sī iran imo neteme.

⁵Mirora dūmūtratekīsah, mōmūnūwi, mūmōkū, Iyi umamsipīntan lō momentavsokonda ra nūrūsū Yūdia, mematipotni ra Kalĭli mōimpelum mafeli ĭgko.

⁶Im pol sugkū Pīlat yemorĭgi ugi Kalĭli, yemtagkeli nagkū neteme mori neteme Kalĭli.

⁷Im pol sugkū iyi yemokili yemne ra nūrū isen Herod, iyi yemtamūli pugi Herod, ĭm Herod ra Yerūsalem ra nempugon mori.

⁸Im Herod pol sugkū yemokesi Iesū yemavos tamas, popōwo yemorūnakīugi worokesi iyi, popōwo ugi siemesū iyi yemorĭgi ugi iyi; miyi yemokū iyi agesi sī safi mori iyi onumpi.

⁹Miyi yemorūn tagkeli ugi nam sikat; miyi yetūtamsi pugi sī nam.

¹⁰Movun tavsogi tumpora, movun Somūl dūmūtūrū mūmūtratekĭsah mūmūvievri iyi.

¹¹Im Herod, movun telienlō ūbrami isen, dūmokesĭndi iyi, mūmagipī iran, mōmevīugi nakafugi nīvrĭvrū nilaswi, mōĭmtamūli pugi Pīlat.

¹²Im Pīlat im Herod dūietora ran dan mori, ĭt irora dūmūsepen nakan punora.

¹³Im Pīlat yemovrokonda ōvun tavsogi tumpora, mōvun nivūo, mōvun netevokontū, memenūwi punora, memokū,

¹⁴Kĭmi kūtōri imo neteme po yaū mōkū iyi umamsipīntan lō ĭm ya ūrian iran ūnimetemi metōkesi sī se sī iran ugi imosū kūmūnūwi mōkū iran.

¹⁵Tawi; ĭm Herod sugkū;

¹⁶ĭt ya otamūlokūm pugi ĭm tawi sī se sī woretīwi iyi; ĭm popowo imo sugkū ya amselatevi mosūli.

¹⁷

¹⁸Tentūrū omwisū dūmovrugisah mūmūnūwi mūmōkū, Vīpelah imo, ĭm sūli Barabas nisekomam;

¹⁹dūpmūsumpatamtugi iyi ūnisog nimo nugkugko popowo ugi sumplīlō ra sĭti, ĭm talugi.

²⁰Pīlat yemokū iyi osūli Iesū, mōmenūwisah punora; kō irora dūmūrūnovrugisah mūmūnūwi, mūmōkū, Krūsifī, krūsifī iyi.

²¹Im nempugon deselugi iyi yōimtagkelora, memokū, Irasie? iyi umpi sat sie? Ya otōkesi sī se sī woretĭwi iyi. Ya amselatevi iyi mosūli.

²²

²³Mirora dūmatekĭsah ugi naviansah, mūmūsenigi, mūmōkū ontalugi iyi ra nēumparum. Im navianda mōv navianda ōvun tavsogi tumpora dūmūtantevakepe.

²⁴Im Pīlat yemenūwi nam, memokū anti sugkū nakīugi isenda,

²⁵memsūli nisekonda iyi mori dūpmūsumpatamtugi ūnisog nimo nugkugko popowo ugi sumplīlō ĭm talugi, mori irora dūmurūnosenigi; miyi yemtenīmpe Iesū punora worumpi iran sugkū irora dūmokū ugi.

²⁶Im polekū dūmūtōri pelah dūmūlekavi Sīmon, sī neteme Sīrenia, mori yemavan memne ra nete nūrū, mūmūtipe nēūmparura iran woruriuki kitan Iesū.

²⁷Im sī semsimak tamas, marokonda ōvun netevokontū, dūmūri iyi, movasiven mori dūmūtugi iyi, mūmtugageri. Im Iesū yemelagkaū iranda memenūwi, memokū,

²⁸Ovasiven ra Yerūsalem, ūtūgi yaū; ūtugi kĭmi mōvun netnime soremi.

²⁹Urĭgi, dansū wampelum pol sugkū wanūwi, magkū, Nevīeves ōvun umlat, mōv netninda dūtūtandiokumpōk, mōvun nin mori dūtūampūniugi.

³⁰Mirora wanatipotni worenūwi punora ōvun numpūo, magkū Umol iramam; ĭm punora ōvun terĭmsisah, Uteventerugkam;

³¹ĭt nagkū wonumpi imosū ra nēsū teremte, wonumpi sie ra nēsū ūmetū?

³²Dūmūtōrora dal iyi, dūrū ovun numpindi woretalokonda.

³³Im pol sugkū dūmūsenterumpene ra nūrū, nin Kalvari irora dūmūtalugi iyi yūi ra nēūmparura, mōvun numpindi dūrū mori, sī ra nokoven meves im sī ra moor.

³⁴Im Iesū yemenūwi memokū, Nate, efielintokonda, irora ūtūmagkili sie ūmnumpi. Mirora dūmafēokondugi ōvun nemas isen, memasenduri lot.

³⁵Mōvun netovokontū dūmūtūrū, mumūsūgkelōwi. Mōvun natemonōk dūmagipĭ dal irora, mūmūnūwi mūmōkū, Iyi yemovkortomūrep nugkoneme, aremī iyi asepen neviēōwari iyi, nagku iyi Kristo mori Nōbū yemtampoli.

³⁶Mōveteme ūbrami sugkū dūmūtufopwi iran, mūmūvelum potipot, mūmōkū wampugi nū nakan, mūmūnūwi, mumōkū,

³⁷Nagkū kĭk natemonok isenda oveteme Isrēel, ovkikēōwara.

³⁸Sī netiyi ugi ōvun leter Krik, ĭm Latĭn, ĭm Hibrū ĭmĭlūo ra numpūn yemetiyi, memokū, IMO NATEMONOK ISENDA OVETEME ISREEL.

³⁹Im sī ra irora ōvun numpindi mori dūmūsakelevugi yemenūwi nam sat pugi memokū, Nagkū kĭk Kristo ovkikēōwara im kam.

⁴⁰Kō naviran isen yemtamsi memenūali pugi, memokū, Kĭk sugkū, kotūm amtetugi Nōbū kū? ĭm nipmi nisekom siteven sugkū.

⁴¹Utampenĭgi irag miram ugi tanepo, popōwo kos kūvī sugkū numpūrah enugkos: Kō, imo neteme ōtūumpi sī se sī sat, tawi.

⁴²Miyi yemenūwi pugi Iesū, memokū, Novsūromon, Entemi yaū pol sugkū kōmampelum ra lō sorum.

⁴³Im Iesū yemenūwi pugi memokū, Itnesog, ya umanūwi pugkĭk, memagkū, Irē kante nandū yaū ra Paradīs.

⁴⁴Im ra nempugon mori sugkū pōakas-pōakas, memeti nelebokevat ra nūrūsū memetendōwi mafeli ra poarap.

⁴⁵Im nĭpminen yemeti nelebokevat, ĭm némas woreseni ūnisog silelokeves tumpora yetĭntevaseri ĭleboteven.

⁴⁶Im Iesū yemovrugi gi naviansah memenūwi, memokū, Nate, ya umampugi nokopmū naviat sorug, ĭm pol sugkū iyi yemenūwi imosū iyi yumti nesumsah memtenimpe naviat.

⁴⁷Miyi Sentūrion pol sugkū yemokesi mori yemetepū yemevietivesep Nōbū, memenūwi, memokū, Itnesog, imo neteme, tanepo wokon.

⁴⁸Mōv numpūn lō sū mori dūmūvelum worokesi imo, pol sugkū dūmōkesi siemesū dūtinumpi, dūmūsepentĭ nemĭndugonda, mūmūtorĭleki.

⁴⁹Im omwisū mori dūmūkili iyi, movasiven mori dōmūri iyi marugi Kalĭli, dūmūtūrū ĭsūt, mūmōkesi imosū.

⁵⁰Sī neteme, nin isen Yosef, sī natemonok nūrian, neteme aremī ĭm tanepo;

⁵¹miyi yetūmūwi, mokū sugkū nam, kū numpūrah isenda; neteme Arimatia, sī sĭti isenda ēveteme Isrēel, miyi yemtametemetugives lō isen Nōbū;

⁵²imo neteme yemesepen ive pugi Pīlat memesenĭgi nokolisiran isen Iesū.

⁵³Miyi yivīsep, memovsen ugi lĭnen, memetipe ra velitenemi yepmurevi ra vetūnam, dūtūpmetipe sī ūnisog mori.

⁵⁴Dan mori Daneworūm, Danemĭndog yemumpotipot.

⁵⁵Movasiven mori dūmūvelum dal iyi mūmne ra Kalĭli, dūmūrora mūmōkesi velitenemi im nokowo dūmūtipe nokolisiran isen.

⁵⁶Mirora dūmūtorĭleki, mūmūsiman ugi ōv nūrah nempeneves mōv nagĭeves; mirora dūmmemīndog ra Danemĭndog sugkū selnivi nam.