Read Sie Luk 24 Bible Online

Luk 24 - Sie bible

Luk 24

¹Im ra dan nōbūm ra wik irora dūomūvelum ra velitenemi, penūri yumti dan, mūmūriuki ōv nūrah nempeneves,

²movasiven mōmū, dal irora, mūmōkesi nevat yovolevoli marugi nugūn velitenemi.

³Mirora dūmuntorĭmpewi ūnisog, mūtōkesi nokolisiran isen Novsūromon Iesū.

⁴Im pol sugkū irora dūmūfokerarū ugi imo, dūrū oveteme dūmūtūrū potipot irora ugi ōv némas mori dūmasevavtĭti;

⁵mirora dūmtetugi mūtelasep; dūmūnūwi punora ōvasiven mūmōkū, Kūmnesorugi iyi mori umnomūrep dal ōvun nemás, kū?

⁶Tawi iyi ĭgko, kō, ovsorasah; wentemi sugkū iyi yemenūwi pugkūm pol sugkū iyi ra Kalĭli, memokū,

⁷Itnesog, wonempirĭgi Netni isen neteme ra nokovenda ōvetemindi, montalugi, ĭm ra dan deselugi iyi umamsorasah.

⁸Mirora dūmuntemi nam isen, mūmūtorĭleki marugi velitenemi, mūmūnūwisū imosū punora Eleven, ĭm punora omwisū mōmū.

⁹

¹⁰Mēri Makdalenē, im Yōane ĭm Mēri dineme isen Yakobo, movasiven mōmū dal irora irora mori dūmūnūwi imosū punora ōvun Apostol.

¹¹Im irora dūmūrlgi nam isenda sugkū nagkū nam wokon; mirora dūtūtavnirigi.

¹²Piter yemtūok memalō ra velitenemi memetagkelaū, memokesi ōv nemas lĭnen dūtipe teven; miyi yive memesepen navlugi ugi imosū dūtepū.

¹³Ra dan mori dūrū ra irora dūmavan ra sī nimote, īsūt marugi Yerūsalem sugkū ōvun mīl ēt, nin Emēus,

¹⁴mūmūnūwi punora irora, mūmōkū ugi imosū mon dūtepū.

¹⁵Im polekū dūmūnūwi punora irora mūtarugi, Iesū yemesenterowokonda memavan dal irora.

¹⁶Im nimĭnda dūtinorūleki mirora dūtūkili iyi

¹⁷Miyi yemtagkelora memokū, Sie imo nam mori kūmanūwi pugkūm, mūmnavan, mūmandigi sat?

¹⁸Im sī, Kleōpas, yemtamsi memenūwi, memokū, Kemante, kĭk ko sī, ra Yerūsalem metūrĭgi ugi imosū ūtepū yūi imo dansū, kū?

¹⁹Miyi yōĭmtagkelora, memōkū, Sie mori? Mirora dūōmūnūwi pugi, mūmōkū, Mori ugi Iesū neteme Nasaret, iyi yeti profet, horog wokon ugi ōv numpūrah im nam, ūnĭpmi isen Nōbū, mūnimĭnda ōv netevokontū omwĭsū;

²⁰ĭm nokowo ōvun tavsogi tumpora, mōvun natemonōk enugkam ūsenteri iyi, mūmūrian iran, mūmūnūwi, mūmōkū, wantalugi, mirora litalugi ra nēūmparum; im ka kelōkū ugi iyi peviēōwara marima lō Isrēel.

²¹Im mōmū, ire isūma dan deselugi penuri imosū ūtepū.

²²Irora ūve prūbokom ra velitenemi, mūtōkesi nokolisiran isen,

²³mūvelum mūnūwi mōkū ovun agelō ūtūratumpeni punora, mūnūwi mōkū iyi umnomūrep.

²⁴Im nugkon irora dal kam ūve ra velitenemi mokesi sugkū ōvasiven mori ūpmūnūwi, kō, irora ūtōkesi iyi.

²⁵Miyi yemenūwi punora, memokū, Ah, kĭmi ōvun numgī! kūmandumorō wontavnirigi omwisū mori ōvun profet dūpmūmūnūwi, mūmōkū ugi.

²⁶Aremī Kristo andĭgi nesorū ugi imosū mōmentorĭmpe ra nilasilaswi isen, kū?

²⁷Miyi yematipotni ra Mōses, movun profet omwisū, memenūasumperi punora nam ugi iyi pe iyi, ra mumpon ōvun netĭyisū mori.

²⁸Mirora dūmūmpotipot nimote mori dūmōkū dūmūvewi, miyi yemumpi sugkū iyi onavan mōmūgo empe,

²⁹mirora dūmūfūarag iyi mūmūnūwi, mūmōkū, Etendōwi dal kam popōwo umalebōkewi. Miyi yive ūnisog, memokū antelap dal irora.

³⁰Im polekū iyi yemtesĭgi dal irora, iyi yivi yōūp, memumpalug memorūsevi, memovunora. Dūtinptĭpelah nimĭnda, mirora dūmūkili iyi;

³¹miyi yemesepenēeve marokonda.

³²Mirora dūmūsepenūnūwi punora, mūmōkū, Im owaū ūnisog nōwant polekū iyi yemenūwi pugkos ūselat memenūasumperi pugkos ōvun netiyi tumpora.

³³Mirora dūmūtūok ra nempugon mori, mūmūtorĭleki ra Yerūsalem, mūmōkesora eleven, mirora dal mori dūmūnūwi, mūmōkū,

³⁴Itnesog iyi Novsūromon ovsorasah ĭm Sīmon okesi.

³⁵Mirora dūmūnūwi, mūmōkū ugi imosū ūselat ĭm nokowo iyi yemesepen netūratumpeni punora pol sugkū yemorūsevi yōūp.

³⁶Im pol sugkū dūmūnūwi, mūmōkū ugi imosū, Iesū yemesepen netūrū dal irora ileboteven, memenūwi punora, memokū, Ninparata irami.

³⁷Mirora dūmugkerĭtwi, mūmetet, mūmōkū dūmōkesi sī naviat. Miyi yemenūwi punora, memokū, Kūmēōmpele irasie?

³⁸Kūmūntarūtarū ūnōwami irasie? Okesi ōv nokovug ĭm nōag, it yaū pe yaū.

³⁹Worafrefi yaū mokesi, popōwo sī naviat otūmantipe fan ĭm nōiran sugkū kūmagesi irag.

⁴⁰Im pol sugkū iyi yemenūwi imo, iyi yemesesi punora ōv nokoben ĭm noan isen.

⁴¹Im polekū dūtūtavnirĭgi popowo ugi navos mūmavlugi, iyi yemtagkelora, memokū, Kūmantipe ĭgko nevag ĭm laūwo kū?

⁴²Mirora dūmūvūgi nugkon nomū torum, ĭm huni marugi vēwon.

⁴³Miyi yivi meni ūnimĭnda. Miyi yōmenūwi punora, memokū,

⁴⁴Imo nam mori yaū mepmenūwi pugkūm pol sugkū yaū dal kĭmi, memokū, Itnesog, onampesog omwisū dūmūtīyi ra ōvun selnivi nam isen Moses, mōvun profet, mōvun narūfo, mūmōkū ugi yaū.

⁴⁵Miyi yemtīpelah nimĭnda ūnisog irora ma sugkū wagkili ōvun netiyi tumpora, mōmenūwi punora, memokū;

⁴⁶Aremī Krĭstō andĭgi nesorū, wamsorasah marugi nemás ra dan deselugi;

⁴⁷ĭm aremĭ wonterenūwi punora lōsū lōsū magkū ugi nevīeves nōwan, ĭm nefielintugi sat sū, ra nin isen wonatipotni ra Yerūsalem.

⁴⁸Im kĭmi kūmnumpūvsok ugi imosū.

⁴⁹Im ūrĭgi, ya umentamūli nievūos isen Itemen sorūg irami; kō kĭmi ūtendōwi ra sĭti Yerūsalem afeli nempugon kimi kwonevakūmūgi horog marugi pokōp.

⁵⁰Miyi yemtōrora ratilat mefeli ra Betani; miyi yemovkisah ōv nokoven isen, memtesukives irora.

⁵¹Im polekū iyi yemtesukives irora iyi yememlag marokonda, memuriukisah iyi ra pokūp.

⁵²Mirora dūmūtevita iran mūmūtorĭleki ra Yerūsalem ugi navos tamas;

⁵³mirora dūmūtendōwi ra nimo tumpora, mūmnarūfoves mūmuntesukives Nōbū.