Read Sie Luk 3 Bible Online

Luk 3 - Sie bible

Luk 3

¹Ra nevi fĭftin, Sisar-Tĭbirius yemnarisah, ĭm Pontius-Pīlat natemonok ra Yūdia, ĭm Herod teterarke ra Kalĭli, ĭm Fĭlĭp avensi isen teterarke ra Ituria, ĭm nūrūsū Trakonĭtis, ĭm Lĭsanias teterarke ra Abĭlene, movun tavsogi tumpora Anas ĭm Kaifas,

²Yōane, netni isen Sakarīas yivi nam marugi, Nōbū, ra nūrū wokon.

³Miyi yive ra nūrūsū nagkaūugi Yordan, memtorenūwisah baptisma memokū wampĭeves nowanda mampi nefielentugi sat sū isenda; sugkū nam Isēya profet yemetĭyi memokū,

⁴Navian isen mori onterenūwisah ra nūrū wokon magkū, Utī selat alam nisekon Novsūromon; Wumpi nugko ovun selemsug isen.

⁵Wampūarugi ōv naveran nūrūsū; Wontasiasie ōv numpūo, movun terĭmsisah omwisū; Wonumpi nugko ōvun selat umnagkaū, Monlĭsū ovun nofatarū;

⁶Im lōsū omwisū wagesi nēōwara isen Nōbū.

⁷Miyi yemenūwi punora ōv numpūn lōsū mori dūmūvelum mūmōkū iyi ambaptiso iranda, Ovun netnime neskil! mē okosemevsi pugkūm woralō marugi naraki umampelum?

⁸Uvūo kimi ugi ōv novūanves marugi nōwami ĭtevaū; mūtūatipotni woresepen-enūwi pugkūm, magkū Ebraham itemen soret; ĭt ya umanūwi pugkūm memagkū, Nōbū, faneteme worevitūosah ōvun netnime iran Ebraham marugi imo nevat sū.

⁹Im marima otipe ūtevil ra noatnin nē sū; ĭm nē sū mori ūtūmampūo novūan aremi, wandevi muntafugi ra nom.

¹⁰Mov numpūn lō dūmūtagkeli iyi mūmōkū, Sie ka kelenumpi?

¹¹Miyi yemtamsi memenūwi punora memokū, Iyi sī umantipe isen semplaūon dūrū ampugi sī tawi isen; miyi sī umantipe isen nevag onumpi sugkū.

¹²Movun lĭvsaū nalekon dūmūvelum, mūmōkū iyi ambaptiso iranda. Mirora dūmūtagkeli iyi mūmōkū, Tavsogi, sie ka kelenumpi?

¹³Miyi yemenūwi punora, memokū, Uvĭ imo wokon yempasiwugkūm ugi,

¹⁴Mōveteme ūbrami dūmūtagkeli iyi mūmōkū, Im kam, ka kelenumpi sie? Miyi yemenūwi punora, memokū, Utūumpi nugkugko iran sī; ūtūvievri iran sī; mūtūrĭgi sat ugi nipmi soremi.

¹⁵Mov netevokontū dūmūntametemetugi Mūmuntarūtarū ugi Yōane, iyi Kristo, kū tawi;

¹⁶Yōane yemtamsi memenūwi punora sū, memokū, Ya umbaptiso irami ugi nū, ko iyi mōmū horog irag umampelum; yaū tawi aremi woresūli nelis ra woravan isen; iyi ambaptiso irami ugi Naviat Tumpora ĭm nom.

¹⁷Sĭv isen ra nokoven isen, miyi onaroven sū ōv novūan isen, mōmenalekon semsimugi whit ūnisog woretavĭnapon isen; kō novkĭlien iyi atni ugi nom otūonesili.

¹⁸Miyi yemenūavso-kond ugi sieme sikat pol sugkū iyi yemtorenūwi nam navosavos punora ōv netevokontū.

¹⁹Kō Herod teterarke, mori iyi yemenūamwūs pugi popowo ugi Herodias,

²⁰retepon avensi Fĭlĭp, ĭm popowo ugi sat sū Herod yemnumpi, yemumpi imo momū, yemsumpatamtugi Yōane ūnisog nimo nugkugko.

²¹Im pol sugkū ōv netevokontū sū dūmūvī baptisma iranda, Iesū sugkū yivi baptisma iran, memufwaki, ĭtipelah pokūp,

²²ĭm Naviat Tumpora yemyep iran ugi nokolesiran sugkū nagkū ūmpon, ĭm sī navian yemne ra pokūp, memenūwi memokū, Kĭk nētūg paū, ya umampeotoat ugi Kĭk.

²³Im nevisū iran Iesū sugkū turti, miyi, sugkū oveteme dūmōkū, netni isen Yosef, netni

²⁴isen Helī, isen Matat, isen Livī, isen Melkĭ, isen Yana, isen Yosef,

²⁵isen Matatias, isen Amos, isen Naum, isen Eslī,

²⁶isen Nakĭ, isen Maat, isen Matatias, isen Semī, isen Yosef, isen Yūda,

²⁷isen Yōana, isen Resa, isen Serubabel, isen Sialtiel

²⁸isen Neri, isen Melkĭ, isen Apī, isen Kosam, isen Elmodam, isen Er,

²⁹isen Yōse, isen Eliēser, isen Yōrĭm, isen Matat

³⁰isen Livĭ, isen Sĭmion, isen Yūda, isen Yosef, isen Yōnan, isen Eliakĭm,

³¹isen Melia, isen Menan, isen Matata, isen Natan,

³²isen Dēvĭd, isen Yesi, isen Obed, isen Boos, isen Salmon, isen Nason,

³³isen Amĭnadab, isen Arnī, isen Hesrom, isen Fares,

³⁴isen Yūda, isen Yakob, isen Isak, isen Ebraham, isen Tira, isen Nahor,

³⁵isen Serūk, isen Riū, isen Pilek, isen Iber,

³⁶isen Sala, isen Kanan, isen Arfaksad, isen Sem, isen Nōa, isen Lamek,

³⁷isen Metūsela, isen Inok, isen Yared, isen Mahalalil,

³⁸isen Kanan, isen Enos, isen Set, isen Adam, isen Nōbū.