Read Sie Luk 7 Bible Online

Luk 7 - Sie bible

Luk 7

¹Im pol sugkū iyi yemenūwi aveni nam isen punora ōv numpūn lō iyi yive ra Kapernaum.

²Im lĭvsaū isen sī sentūrion, mori iyi yemelintugi, yamarat potipot nemás.

³Miyi yemorigi ugi Iesū memtamūlora ovun talam, ōveteme Isrēel, pugi, memsenĭgi memokū iyi ampelum mampiorĭgi lĭvsaū isen.

⁴Mirora dūmūvelum pugi Iesū mūmosenĭgi tamas mūmūnūwi, mūmōkū, Iyi aremi konumpi imo nisekon, it iyi umnelintokonda lō soret, memumpi sī nimo tavsogi soremam.

⁵

⁶Im Iesū yive dal irora. Im pol sugkū iyi potipot nimo sentūrion yemtamūlora raveneme pugi, memenūwi, memokū, Narisah, etūyugūrok, ĭt yaū tawi aremi ma

⁷kĭk ampelum ūnisog nimo sorūg ĭm ya otōkū yaū aremi worevelah punok, kō, enūwi sī nam miyi neviarep sorūg ampiorĭgives.

⁸Otipe yaū nivūo, movun telien lō ūbrami ramumpon yaū, ĭm ya umanūwi pugi sī memagkū, Eve; miyi ampe; ĭm pugi lĭvsaū torugat sorūg, Umpi imo; miyi onumpi.

⁹Iesū yemorigi imosū memavlugi iyi, memelagkaū memenūwi punora mumpūn lō mori dūmūri iyi, Ya umanūwi pugkūm memagkū, Ya otōkesi tavniri sugkū imo ra lō Isrēel, tawi.

¹⁰Movun tandeko dūmūtorĭleki ra nimo, mūmōkesi lĭvsaū mori yamarat, miyi horĭgives wokon.

¹¹Im rat mran iyi yemavan ra sī sĭti, Nēĭn; movun nūrie isen sikat dūmūve dal iyi, ĭm sī numpūn lō tamas.

¹²Im pol sugkū iyi yumpotipot nugūn selat ra sĭti dūmūriuki ilat sī mori okemas, netni ĭtnataman siteven isen dineme, miyi neviumpūi, ĭm dal iyi oveteme sikat marugi sĭti.

¹³Miyi Novsūromon yemokesi iyi memtogesovelives iran, memenūwi pugi, memokū, Etūageri.

¹⁴Miyi yive memsugkori nesuvlok; mirora mori dūmūriuki dūmūtūrū, miyi yemenūwi memokū, Neviarep, ya umanūwi pug kĭk, memagkū, Etūok;

¹⁵miyi mori yimas yemtūok metesep, memam; miyi yovugi dineme isen.

¹⁶Im omwisū dūmūmtetugi, mūmarūfo ves numpilĭn Nōbū, mūmūnūwi, mūmōkū. Sī profet horog otūratum peni ūnimĭnt; Nōbū otnemora lō isen.

¹⁷Im narigi imo yemokompelĭgi nūrūsū Yūdia, ĭm nūrūsū nagkaūugi.

¹⁸Movun nūrie isen Yōane dūmūtampĭgi imosū omwisū pugi.

¹⁹Im Yōane yemovrokonda dūrū ovun nūrie isen memtamūlora pugi Iesū memtagkeli, memokū, Kĭk mori, kokovelum, kū? Kū ka kelentevetūi sī mōmū?

²⁰Mōveteme mori dūmūvelum pugi mūmūnūwi, mūmōkū, Yōane, neteme baptiso, okotamūlo kam punok, memokū, Kĭk mori, kokovelum, kū? kū, ka kelentevetūi sī mōmū?

²¹Im ra imo nempugon iyi yemumkorĭgives sikat marugi ōv namarat, mōv naviatindi, memtĭpelah niminda ovun nimtei, sikat.

²²Im Iesū yemtamsi memenūwi punora, memokū, Uve mūnūwi pūgi Yōane mōkū ugi imosū kūmōkesi mūrigi, Oveteme nimtei ūmagesi, movun noovoret ūmnavan, ūmnumpi ovun lepros sentevives, movun nomgol ūmandigi, ovun nemas ūmamso-rasali, mementorenūwisah nam navosavos punora ovun narumkor;

²³ĭm nevĭeves iyi sī otūmalokoi po yaū.

²⁴Im pol sugkū ōvuntandeko isen Yōane dūmūve, iyi yemati-potni worenūwi punora ōv numpūn lō memokū ugi Yōane,

²⁵Kūrnūve ra nūrū wokon mūmōkū wagesi sie? Sī deniūg yemtavelevel ugi nĭmetagi, kū? Kū, kūrnūve, mūmōkū wagesi sie? Sī neteme yevīugi ōv nemas nemelōkelō, kū? Irora mori ūmnevarugi ōv némas nilaswi, mūmosumpeli nevag aremi, ūmantendōwi ūnisog ōv nimo isenda ovun natemonok ra nūsian. Kū, kūrnūve mūmōkū wagesi sie?

²⁶Sī profet, kū? Itnesog, ya umanūwi pugkūm, memagkū, ĭm mōmū, ĭt iyi tawi profet wokon.

²⁷Iyi mori, yemetiyi nam ugi memokū, Urĭgi, ya ontamūli tandeko sorūg worōbūm iram, miyi ontī selat sorum ūnimtum.

²⁸Ya umanūwi pugkūm, memagkū, Tawi sī ra irora dūmumprokomol ra ōvasiven profet mōmū horog ra Yōane, Baptiso; kō iyi sī vilik wokon ra lō isen Nōbū mōmū horog iran.

²⁹Mōv netevoaontū dūmūrĭgi, movun nalekon, mūmūnūwi mūmōkū Nōbū tanepo ĭndōwi, Yōane yumbaptiso iranda;

³⁰kō, ovun Faresi, movun Somūl dūmūsepen salewugi nam isen Nōbū, mūmūtūvī baptisma isen iranda.

³¹Oveteme ra imo palsi, ya osafĭgi irora magkū sugkū sie?

³²Irora sugkū ōvunyan mori ūmantesep ra ōv nūrū nevasi mūmasepen ovrokonda irora, mūmanūwi mūmagkū, Ka kelaūerugis pugkūm, ĭm kūtūmampeko; ka kelesugerageri wugkūm, ĭm kutūmuntugageri.

³³Yōane, neteme baptiso, yivelum metūmneni yōūp, metūruna-moneki win, ĭm kūmanūwi, mūmagkū, Naviatindi yive iran.

³⁴Netni isen neteme yivelum, memneni memnamoneki, ĭm kūm manūwi, mūmagkū, Okesi, neteme umesumpeli nevag memnamoneki win, aven isenda ōvun nalekon mōvetemendi;

³⁵movun netnime omwisū isen Numpūn-nelekon, ūmagkū, iyi tanepo ĭndōwi.

³⁶Im sī neteme Faresi yemenūwi pugi memokū, iyi ampag nandū. Miyi yive ūnisog nimo isen Faresi mori memtesĭgi.

³⁷Im sī nasiven ra sĭti, nasivendi, yemokili ma iyi yemtesĭgi ūnisog nimo isen Faresi, mempĭ nūrah nevat gi dumpon ves ūnisog,

³⁸memetūrū ra noan kitan, memageri, mematipotni memavūi noan isen gi nulĭpmi isen, mesentevi gi novelĭmpū ūnumpūn, memsūgū iran noan isen, memesovelĭgi dumpon mori.

³⁹Miyi Faresi mori yemtori iyi, yemokesi memesepen-enūwi ūnōwan memokū, Imo neteme, nagkū iyi profet, pokili mē, ĭm sugkū sie, imo nasiven mori umandūleki iyi, nasivendi.

⁴⁰Im Iesū yemtamsi memenūwi pugi memokū, Sīmon, ya umagkū ugi sī ya anūwi punok. Miyi yemenūwi, memokū, Tavsogi, enūwi.

⁴¹Dūrū oveteme dūtūtam-penĭgi iran sī mori yepmovunora, sī ovun peni fĭv hunder; ĭm sī fĭfti.

⁴²Tawi sī se sī isenda, woretam-penĭgi, miyi yesepen sūlora dūrūsū; kemagkū itokowo onelintugi iyi mōmū tamas?

⁴³Im Sīmon yemenūwi memokū, Ya umagkū iyi mori yemsūli tamas. Miyi yōmenūwi, memokū, Konūwi ves.

⁴⁴Miyi yemelagkaū iran nasiven momenūwi pugi Sīmon, memokū, kĭk emagesi imo nasiven, kū? ya okovelum ūnisog nimo sorum; nū nimsin nōag kotūvoyaū; kō, imo nasiven avūi nōag ugi nūlĭpmi, memsentevi ugi novlĭmpū ūnumpūn.

⁴⁵Kotūsūgū irag; kō, imo nasiven otūwi woresūgi iran nōag marugi nempugon ya okovelum ūnisog.

⁴⁶Numpūg kotūosovelĭgi dumpon; kō, imo

⁴⁷nasiven osovelĭgi dumpon ves nōag; ĭm ya umanūwi punok, memagkū, umafielentugi sat sū isen, mori sikat, It iyi olintugi tamas; Kō, iyi sī afielintugi vilik, umneliutugi vilik.

⁴⁸Miyi yemenūwi pugi nasiven memokū, Umafielintug kĭk sat sū sorum.

⁴⁹Mirora mori dūmūtesĭgi dal iyi dūatipotni woresepen enūwi ūnōwanda mūmōkū, Mē imo umafielentugi sat sū?

⁵⁰Miyi yōmenūwi pugi nasiven mori memenūwi, memokū, Tavniri sorum ovkĭkēōwara; eve ra nĭmparata.