Read Sie Luk 8 Bible Online

Luk 8 - Sie bible

Luk 8

¹Penūri imo iyi yemnavan ra sĭti sū, ĭm nimote sū, mementorenūwisah memanūasūmperi nam navosavos ugi lō isen Nōbū; movun Twelv dal iyi;

²movasiven mori iyi yemumkororīgives marugi ōv naviatindi, mōv netūrumurō, Mēri, nalĭg isen, Makdalene, ōv naviatindi seven dūmūve pelah marugi, ĭm Yōana,

³retepon isen Kūsa, sī nivūo isen Herod, ĭm Sūsana, ĭm sikat mōmū, mori dūmūtorugat iran ugi ovun se isenda.

⁴Mōv numpūn lō dūmorūnevelum pugi marugi ovun sĭti, im pol sugkū semsimak tamas iyi yemenūwi sī parabel, memokū,

⁵Sī neteme yive woraseviugi novsen isen, ĭm pol sugkū iyi yemnaseviugi, nugkon dūmol ra telugon selat, dūmavanwi, movun menok ūnēĭ dūmūsumupmūvugi.

⁶Im nugkon dūmol ra vetūnam, mūtepū, mūmetū, popowo tawi dumpon.

⁷Im nugkon dūmol ra ōv nemrataū, mōv nemrataū dūteli mūtenĭsevi.

⁸Im nugkon dūmol ra nemap aremi, mūmūtepū, mōmūvūo wun hunder, ĭm potnin siteven. Iyi yemenūwi imosū memtorenūwisah, memokū, Iyi sī im telugon isen wororigi, aremi iyi umandĭgi.

⁹Movun nūrie isen dūmūtagkeli iyi, mūmōkū, Sie imo parabel?

¹⁰Miyi yemenūwi, memokū, Umampugkūm worokili ovun netiumpunwara ra lō isen Nōbū; kō, punora mōmū, ra ovun parabel; ma sugkū irora mori umagesi, ūtūonelavenūri; mirora mori ūinandĭgi, wamgīugi.

¹¹Parabel imo; novsen, nam isen Nōbū; mirora ra telugon selat; oveteme mori ūmandĭgi;

¹²penūri, Diabolo umampelum, mumpĭpelah nam marugi nowanda, memagkū nagkū ontavnirigi wamkorēōwara.

¹³Mirora ra vetūnam; oveteme mori pol sūgkū ūmandĭgi, umampi nam ugi navos; ĭm tawi noatnin isenda, umuntavnirigi lap, ĭm pol sugkū nevīesesat ugi, irora wawisep.

¹⁴Im imo mori dūmol ra ōvun nĭmrataū; irōra morī dūmūrĭgi mūmūve, mūmalekĭgi ōv netevotarū, nōete, ĭm navos ra nemap, mirora ōv numperumti.

¹⁵Im imo ra nemap aremi; irora mori gi nōwanda ĭtne, sog ĭm aremi, dūmūrĭgi nam, mūmnafĭnte, mōmampūo, mūmnatekisah.

¹⁶Tawi sī umentūgon lamp mūmeseni gi nūrah, kū umantipe ra netnīn nevlok; iyi umantipe ra woretipe ma irora mori ūmampelum ūnisog wagesi nilara.

¹⁷Siemesū umantiumpeni, wamsok; ĭm siemesū ūmeseni, wagesi, magkili ugi.

¹⁸Kĭmi, ūfĭnte nokowo kūmandigi; ĭt iyi sī umantipe isen, ampugi mōmū; miyi sī otōmantipe isen, ampi parugi imo iyi umagkū isen.

¹⁹Im dineme isen, ĭm ravensieme dūmūvelum pugi, mirora tawi faneteme worumpotipot iyi, popowo agi tentūrū.

²⁰Im sī yemenūwi pugi memokū, Dinum, ĭm rapmisīeme ūmantūrū ilat mūmnakiugi magesok.

²¹Miyi yemtamsi memenūwi punora, memokū, Name, ĭm ravūgsīeme! irora mori ūmandĭgi nam isen Nōbū, mūmnumpi.

²²Im sī dan iyi yemesuki bōt dal ovun nūrie isen; miyi yemenūwi punora, memokū, Kos kalentavugones ran tok, mirora dūmūve.

²³Im polekū dūmavan iyi yemselah mōmalēpo? ĭm nemetagi yemyep ran tok memeti sempesempe memselug sugkū worumkon.

²⁴Mirora dūmūvelum pugi, mūmōyugi, mūmūnūwi, mūmokū, Novsūromon, Novsūromon, ka kelamas. Miyi itūok mevriuri nemetagi, ĭm sempesempe memeti nemorinū.

²⁵Miyi yemtagkelora memokū, Ia tavniri soremi? Mirora dūmūmtetugi, mūmavlugi, mūmūsepen-enūwi punora, mūmōkū, Mē imo mori, ĭt iyi umnempasiwugi nemetagi ĭm nūsū, mirora umasendiuki nam isen?

²⁶Mirora dūmūvelum ra nūrū isenda oveteme Kadara, mori mampiete Kalĭli.

²⁷Im pol sugkū iyi yemiyevisah ikeri, sī neteme yevtet iran mori yemne ra sĭti, mōv naviatindi dūmūve iran ĭtetūī, miyi yetūeviugi némas metūtendōwi ra nimo, kō ra ovun velitenemi.

²⁸Miyi yemokesi Iesū memasorasah, memumol ūnĭpmi isen, memenūwi gi naviansah, memokū, Iesū, Netni isen Nōbū Tantevakepe, kemagkū sie ugi yaū? Ya umnesenug kĭk, etūolaswoni irag.

²⁹Popowo Iesū yemnasiwugi naviatindi, memokū ampelum ilat marugi neteme. It nempugon sikat yemorūleki iyi: Dūiti gi tōri ra nevat, mōmūitakateri, miyi yemokĭntevi ovun worĭt, ĭm naviatindi yemtelesi ra nūrū wokon.

³⁰Im Iesū yemtagkeli iyi, memokū, Mē nin kĭk? Miyi yemenūwi, memokū, Lĭdion; popowo ōv naviatindi sikat dūmūve iran.

³¹Mirora dūmūsenĭgi, mūmōkū iyi otūontamūlora ra netekonlas.

³²Mōv numpekasi sikat dūmūtam tah yūi ra numpūo; mirora dūmūsenĭgi, mūmōkū iyi otenĭmpe irora mampe ūnisog irora; miyi yemtenĭmpe irora.

³³Mōv naviatindi dūmūvelum ilat marugi neteme mori, mūmūve iranda ōv numpekasi; ĭm semsimak dūmalō itnum ūntōvat ran tok mūpulet.

³⁴Im pol sugkū ovun nefĭnte isenda ōv numpekasi dūmōkesi imosū mori yemumpi, irora dūmalō, mūtampĭgisū punora ra sĭti mōv nete nūrū.

³⁵Mirora dūmūvelah worokesi mori yemumpi, mūmūvelum pugi Iesū, mūmōkesi neteme mori ōv naviatindi dūmūvelum ilat marugi, yemetesep mevlugi nemas, memtarūves, ra noan isen Iesū; mirora dūmtetugi.

³⁶Mōveteme mori dūpmokesi, dūmūnūwi punora mūmōkū nokowo yeviēōwara neteme nemlū.

³⁷Mōv netevokontūsū ra nūrūsū nagkaūugi, isenda oveteme Kadara dūmūsenĭgi iyi, mūmōkū awi irora; popowo irora dūmtetugi tamas. Miyi yōmesuki bōt memtorīleki.

³⁸Miyi neteme mori ōv naviatindi dūmūvelum ilat marugi yemesenigi, memokū antendōwi nandū iyi; kō, Iesū yemtamūli, memenūwi, memokū,

³⁹Kōmampe ra nimo sorum, ĭm sesi siame tamas Nōbū umpi iram. Miyi yive memtorenūwi ra sĭti omwisū, memokū ugi siame tamas Iesū yemumpi nisekon.

⁴⁰Im pol sugkū Iesū yemtorĭleki, ōv numpūn lō dūmūtōri iyi; ĭt irora omwisū dūtametemetugi iyi.

⁴¹Im sī neteme, nin isen Yaīrus, nivūo ra nimo tavsogi, yivelum mumol ra noan isen Iesū, memsenĭgi memokū iyi ampelum ūnisog nimo isen;

⁴²popowo netni itnasiven isen siteven, nevisū twelv iran, miyi yemtī nūrū. Im pol sugkū iyi yivelah ōv numpūn lō dūmūtūramtugi iyi.

⁴³Im sī nasiven ugi nilūon de nevisū twelv, mori yemovunora oveteme tavū netevotesū isen, ĭm tawi sī faneteme worumpi horĭgives,

⁴⁴yivelum kitan memsugkori navlūtni semplaūon isen, ĭm marimago isūma nilūon de isen.

⁴⁵Im Iesū yemtagkeli, memokū, Mē osugkori yaū? ĭm omwisū dūmūnūaveni ĭm Piter, mirora dal iyi, yemenūwi memokū, Novsūromon, ōv numpūn lō ūmantūramtug kĭk, mūmagkeĭara iram, ĭm kemtagkeli, memagkū, Mē osugkori yaū.

⁴⁶Im Iesū yōmenūwi, memokū, Sī isugkori yaū; ĭt ya okili horog ūmne ra yaū.

⁴⁷Miyi nasiven yemokesi yetūmelasakepūn, mivelum mevekūrekūra, mumol ra noan isen memenūwi pugi ūnimĭnda ōv netevokontū omwisū, memokū irasie yemsugkori iyi, ĭm nokowo yeviorĭgives iyi ĭtnum.

⁴⁸Miyi yemenūwi pugi, memokū, Nasiven, avosūwi, tavniri sorum ovkĭkēōwara; eve ra ninparata.

⁴⁹Im pol sugkū iyi yetūnūwi-sū, sī yivelum memne isenwi nivūo ra nimo tavsogi, memenūwi pugi, memokū, Okemas netum; etūyugūri tavsogi.

⁵⁰Im Iesū yemorigi memtamsi memenūwi pugi memokū, Etūmtetugi; tavniri ĭm ampiēōwara iyi.

⁵¹Im pol sugkū iyi yive ūnisog nimo iyi yetūtenĭmpe sī worĭntorĭmpe, Piter, ĭm Yōane, Im Yakōbō, mitemen isen nalaū, ĭm dineme, irora wokon;

⁵²omwisū dūmageri mūmūtugi iyi; miyi yemenūwi, memokū, Utūageri; ĭt otūmas, iyi umnalēpo.

⁵³Mirora dūmagipī iran popowo dūmokili iyi yimas.

⁵⁴Miyi yemsatevokonda sū ratilat, memelekavi nokoven isen, memovrugi, memokū, Itnumpūkon, etūok.

⁵⁵Im naviat isen yōĭmtorĭleki marimago iyi yemtūok. Miyi yemenūwi, memokū wampugi nevag.

⁵⁶Mitemen isen ĭm dineme dūmovkirĭtwi; kō, iyi yemwalivat ūnōwanda, memokū ūtūanūwi pugi sī imo yemumpi.