Read Sie Luk 9 Bible Online

Luk 9 - Sie bible

Luk 9

¹Miyi yemsemsimokonda ōvun nūrie isen Twelv memovunora nempasiwugi ĭm horog woretevelĭgunora ōv naviatindi sū, memumkororĭgives ovun namarat;

²miyi yemtamūlora, memokū wontorenūwisah nam magkū ugi lō isen Nōbū, monumpi faneteme ovun neturumurō.

³Miyi yemenūwi punora memokū, Utūvĭ sī se sī nimsin woravan ūselat; tawi woresentūrū, tawi vēyū, tawi yōūp, tawi muni, ĭm tawi semplaūon dūrū nisekomi.

⁴Nimo kwonĭntorĭmpewi ūnisog, ūtendōwi yūi afeli nempugon kwōmampe marugi.

⁵Mirora mori ūtūontōrokūm, pol sugkū kimi kūmampe marugi sĭti isenda, ūsemperi navivon marugi noami nĭmsĭn numpūvsok iranda.

⁶Mirora dūmūve mūmavan ra nimōtesū, mūmūtorenūwi nam navosavos, mūmovkororĭgives ra nūrūsū.

⁷Im Herod teterarke yemorigi ugi siamesū iyi yemumpi, memfokerarūgi popōwo nugkoneme dūmūnūwi, mūmōkū, Yōane omevsorasah marugi nemas;

⁸ĭm nugkoneme dūmokū, Elĭya ōmetūratumpeni; ĭm mōmū dūmōkū, Sī potni profet ōmevsorasah.

⁹Im Herod yemenūwi memokū, Yaū ĭmtantevi numpūn isen Yōane; kō, mē imo ya umandĭgi imosū ugi? Miyi yemakiugi worokesi.

¹⁰Mōvun tandeko dūmūtorĭleki, mūmūtampĭgi pugi siamesū horog irora dūmumpi; miyi yemtōrora, irorago, ra sī nūrū ra sĭti, nin Betsīda.

¹¹Im pol sugkū ovun numpun lō dūmōkili, irora dūmūri iyi; miyi yemtōrora memenūwi punora, memokū ugi lō isen Nōbū; mirora dūmamarat horogo yemumkororīgives.

¹²Im pōarap irora Twelv dūmūvelum pugi mūmūnūwi, mūmōkū, Tenĭmpe ōvun numpūn lō ma irora wampe ra ōvun nimote ĭm nūrūsū nagkaūugi woralēpo, umnesorugi nevag; popowo kos ĭgko ra nūrū wokon. Miyi yemenūwi punora, memokū, Kimi ūvunora woreni.

¹³Mirora dūōmūnūwi, mūmōkū, Yōūp soremam sĭklem wokon, ĭm nomū dūrū; kū ka kelampe ĭm lampasi nevag nisekonda ovun netevokontū sū?

¹⁴Irorasū sugkū oveteme fiv taūsan. Miyi yōmenūwi punora ōvūn nūrie isen, memokū, Unūwi punora, mōkū wantesep ra natora, fĭftigo.

¹⁵Mirora dūmumpi sugkū, dūmumpi omwisū woretesep.

¹⁶Miyi yivi yōūp sĭklem mori, ĭm nomū dūrū memelasah ra pokōp memumpalugi, memorūsevi, memorūn novunora ovun nūrie woretipe ra nokorĭnda ōvun netevokontū.

¹⁷Mirora dūmoni, yemtalira omwisū. Mirora dūmūsemsimugi ovun nevlugkon nevag mūmūvūarugi veyū twelv.

¹⁸Penūri iyi ko sī, memufwaki, movun nūrie, isen dal iyi; miyi yemtagkelora, memokū, Ov numpūn lō ūmanūwi mūmagkū yaū mē? Mirora dūmūtamsi mūmūnūwi, mūmōkū, Yōane, neteme Baptiso;

¹⁹ĭm nugkoneme umagkū, Elĭya; ĭm nugkoneme ūmagkū, sī potni profet omevsorasah.

²⁰Miyi yōemtagkelora, memokū, Im Kĭmi kūmagkū yaū mē? Piter yemtamsi, memenūwi memokū, Kristo, isen Nōbū.

²¹Miyi yemwalivat ūnōwanda, mempasi wokonda, memokū, ūtūanūwi īmo pugi sī;

²²mōmenūwi memokū, Itnesog, iyi Netni isen neteme andī gi nesorū ugi siame sikat, mōvateme Talam, mōvun tavsogi tumpora, movun Somūl, wagesĭndi iyi montalugi, ĭm ra dan deselugi iyi ōmamsorasah.

²³Miyi yemenūwi punora sū, memokū, Nagkū, sī umagkū iyi onūri yaū, aremi iyi asepenōwi sep iyi mandiuki nēūmparum isen dansū, memnūri yaū.

²⁴It iyi sī umagkū ampiēōwara nomūrep isen ampiugki; miyi sī ampiugki nomūrep isen popowo ugi yaū, ampiēōwara.

²⁵Sie aremi nisekon neteme nagkū, iyi ampī isen nurūsū nūrūsū, masepen neviugki iyi pe iyi, kū asepen nirūara iran?

²⁶IT IYI SĪ ONARUMPRUM UGI YAU, IM NAM SORUG, NETNI ISEN NETEME ONARUMPRUM UGI IYI POL SUGKU IYI ONAMPELUM RA NILASILASWI ISEN, IM ISEN ITEMEN MISENDA OVUN AGELO TUMPORA.

²⁷Itnesog, ya umanūwi, pugkūm memagkū, Nugkoneme mori ūmantūrū īgko, ūtūamas afeli nempugon wagesi lō isen Nōbū.

²⁸Imosū yemetepū, im penūri dansū sugkū ēt, yivi Piter, ĭm Yakōbō ĭm Yōane, mōĭmsah ra numpūo worufwaki.

²⁹Im pol sugkū yemufwaki, yetin sumpoli nipmi isen, ĭm némas eni yeti nesebo im nilasilaswi.

³⁰Im pah, dūam nandū oveteme endūrū, mori Moses ĭm Elīas:

³¹Mirora dūmūtūratumpeni ugi nilasilaswi, mūmūnūwi ugi nemás isen moko iyi onekompeli sū ra Ierūsalem.

³²Kō Piter miroa dal iyi dūmūsela ugi nalēepo: im pol sugkū dūmūelampia, irora dūmokesi nilaslaswi isen, ĭm oveteme endūrū mori dūmūtūr dal iyi.

³³Yemetepū, pol sugkū, dūmnarugi, Piter yemenūwi pugi Iesū, memokū, Narisah, aremī kos ke lete ĭgko: aremi ka ke lenumpi ūvrok endesel; sī nīsekom, sī nisekon Moses, im sī nisekon Elīas: yetūkili sie yemenūwi.

³⁴Im pol sugkū yemenūwi imo, sī numpūaū yivelvm, mōĭmtenīsevora: mirora dūmetet polekū numpūaū yemtenisevora.

³⁵Im sī navian yemne marugi numpūaū, memokū, Imo Netūg paū: ūvandegugi iyi.

³⁶Im pol sugkū navian yemenūwi sū dūmokesi Iesū iyi ko sī. Mirora dūmcteteven, mūtūnūwi pugi sī ra dansū mori sī se sī ugi imosū irora dūmōkesi.

³⁷Im rat mran, pol sugkū dūmūyep marugi numpūo, ōvun numpun lō, tentūrū tamas dūmūvtĭt iran.

³⁸Im sī neteme ra irora yemovrugisah, memokū, Tavsogi, ya umnesenugkik, okesi netūg ĭtnataman, ĭt iyi siteven sorūg,

³⁹ĭm sī naviatindi umandūleki, ĭm marimago iyi umamperugisah; mōĭmninatevi iyi, ĭm nakĭk, memawi iyi ugi nukugko, mumnelĭleki iran.

⁴⁰Im ya osenĭgora ōvun nurie sorum, memokū irora wanteveliguni iyi, mirora tawi faneteme.

⁴¹Im Iesū yemtamsi memenūwi memokū; Ah kimi palsi ōvun netūtavniri, mōvun sempia, ya antendōwi dal kĭmi afeli nĭgoi, ĭm nomolsep? Tori netum īgko.

⁴²Im pol sugkū yemumpotipot, neviatĭndi mori yeminatevi, memlaswoni iran; ĭm Iesū yemenūamwūs pugi navĭatindi, memumpi horĭgives nalaū, memovugi itemen isen.

⁴³Im omwisū dūmōvkirĭtwi ra horog ra nūsian isen Nōbū.

⁴⁴Im polekū omwisū dūmavlugi popowo ugi imosū Iesū yemnumpi, iyi yemenūwi punora ovun nurie isen, memokū, Utipe imo iram ra telugomi. IT IYI NETNI ISEN NETEME WONEMPIRIGI KA NOKOBENDA OVETEME.

⁴⁵Kō, irora dūmūmgiugi imo nam; yemseni marokonda ma sugkū ūtūagkili; mirora dūmūmtetugi woretagkeli igi ugi imo nam.

⁴⁶Yivelum imo tarū ūnōwanda, mē iyi ra irora ra nūsian.

⁴⁷Im Iesū yemelavenūri tarū ūnōwanda, memtori sī nalalaū mometipe ra nokoren isen memenūwi punora memokū,

⁴⁸Iyi sī ontōri imo nalaū ra nin sorūg, ontōri yaū; miyi sī ontōri yaū, ontōri iyi mon yemtamūli yaū; it iyi sī amplūtenū ra kimi omwisū, iyi mori anti ra nūsian.

⁴⁹Im Yōane yemtamsi memenūwi, memokū, Novsūromon, ka kolokesi sī yetevelugunora ovun naviatindi ra nin sorum, ĭm ka kūnūali pugi, popowo iyi otūmnūri dal kam.

⁵⁰Im Iesū yemenūwi pugi memokū, Etūnūali; it iyi sī otūmnaverora ovun novsen nakan soret umnavore kos.

⁵¹Im pol sugkū yemumpotipot nempugon worevīsah iyi, iyi yemevoli nipmi, memokū ampe ra Yerūsalem; memtainūlora ōvun tandeko worōbūm iran.

⁵²Mirora dūmūve mūmentorīmpe ra sī nimote isenda oveteme Samēria, mūmōkū wosiman nisekon;

⁵³mōveteme dūtūtori iyi, popowo nipmi isen yemevoli ra Yerūsalem.

⁵⁴Movun nūrie isen, Yakobo im Yōane, dūmōkesi, mūmūtagkeli, mūmōkū, Novsūromon, kemagkū ka kelenempasiwugi nom woriyep amne marugi pokōp matni irora, kū? sugkū Elīya yemumpi.

⁵⁵Miyi yemelagkaū memenūamwūs punora, memokū, Kĭmi kūtūmagkili nokowo ra naviat soremi;

⁵⁶ĭt iyi Netni isen neteme yetūvelum woretevavtĭti nomūrep isenda ōveteme kō worumkorēōwara. Mirora dūmūve ra nimote sī.

⁵⁷Im pol sugkū irora dūmavan ūselat, sī yemenūwi pugi memokū, Narisah, ya onūrok ra nūrū sī kū sī kemagkū kampewi.

⁵⁸Im Iesū yemenūwi pugi, memokū, ōvun nelni isenda ōvun fokes, mōvun sumpelok isenda ōvun menōk ūnēĭ, kō tawi sī nūrū isen Netni isen neteme woretipewi numpūn.

⁵⁹Miyi yemenūwi pugi sī mōmū, memokū, Uri yaū: kō, iyi yemenūwi, memokū, Narisah, tenĭmpe yaū mampūn, ma ya ampe ĭm tenemi itemen sorūg.

⁶⁰Kō, Iesū yemenūwi pugi, memokū, aremī ōvun nemás wontenemi ōvun nemás isenda: kō, kĭk, eve ĭmtorenūwi nam mokū ugi lō isen Nōbū.

⁶¹Im sī mōmū yemenūwi, memokū, Ya onūrok, Narisah, kō, mampūm tenĭmpe yaū, ma ya ampe mempasiwokonda ra nimo sorūg.

⁶²Im Iesū yemenūwi pugi, memokū, Sī neteme mori olekavi nokoven pĭlaū, memnelagkaū, iyi tawi aremi nimsin lō isen Nōbū.