Read Sie Yoane 19 Bible Online

Yoane 19 - Sie bible

Yoane 19

¹Popōwo imo sugkū Pīlat yivi Iesū memetipe toris iran.

²Mōvun telienlō mori dūmūvi worēeti numpūwavekora ugi walĭswalĭs, mūmūitĭgi numpūn mūmeviugi nēmas teperesevo, mūmūnūwi mūmōkū,

³Kĭk e paū, Natemonok enirora oveteme Isrēel. Mirora dūmorunti Iyi gi mumpon nokovenda.

⁴Im Pīlat yōĭmpe ilat memenūwi punora memokū, Urĭgi, ya otōri pugkūm ilat ma kĭmi kwagkili ya otūmagesi sĭsesĭ iran.

⁵Iesū yivelum ilat, memevĭugi numpūn numpūwavekora ugi walĭswalĭs, ĭm nemas teperesevo; ĭm Pīlat yemenūwi punora memokū, Okesi, neteme mori.

⁶Pol sugkū ōvun tavsogi horog, mōvun nivūo ūbrami, dūmōkesi Iyi, irora dūmōvrugisah mūmōkū, Krūsifĭ iyi, Krūsĭfi iyi. Pīlat yemenūwi punora, memokū, Kimi, Uvĭ iyi, mūtalugi ra nēūmparum; popōwo ya otūmagesi sĭsesĭ iran.

⁷Oveteme Isrēel dūmūnūwi pugi, mūmōkū, Nam alam enugkam, ĭm sugkū nam alam enugkam woretalugi Iyi, popōwo Iyi yemenūwi memokū Iyi Netni eni Nōbū.

⁸Pīlat yemorigi imo nam memtitugi mōmū; mōmentorĭmpe ra nimo worūrian, memtagkeli Iesū, memokū, Kemīmnēa?

⁹Iesū yetūtamsi pugi.

¹⁰Im Pīlat yemenūwi pugi memokū, Kotūmanūwi poyaū, kū? Ketūmagkili ma yaūĭmpī nempasewugi ĭm horog enyaū, ĭm yaū faneteme woretalug kĭk, kū woresūlok, kū?

¹¹Iesū yemtamsi memenūwi, memokū, Kĭk petūvī horog ugi sĭsesĭ irag nagkū, petūvunok marugi pokōp. Popōwo imo sugkū, iyi mori otenĭmpe yaū punok umnoworepatevi momū.

¹²Marugi nempugon mori Pīlat yemakīugi woresūli Iesū; kō, ōveteme Isrēel dūmūvrugisah, mūmōkū, Nagkū kemesuli imo neteme, kĭk tawi aven eni Sisar; iyi sī umanūwi memagkū iyi Natemonok ra nūsian, umanūwi iran Sisar.

¹³Pīlat yemorigi imo nam mōemtōri Iesū ilat, memetesep ran tan potnumpūtūo worūrian, ra mumpon sī nūrū dūiviwi, nin ra nam Hibrū, Kabata. Dan woresiman ugi Paska, ĭm poakas.

¹⁴Miyi yemenūwi punora ōveteme Isrēel memokū, Okesi, Netemonōk ra nūsian enugkimi.

¹⁵Mirora dūmūvrugisah mūmōkū, Vīpelah, vīpelah. Talugi ra nē ūmparum. Pīlat yemtagkelora, memokū, Ya ontalugi Natemonok enugkĭmi ra nē ūmparum, ku? Ovun tavsogi horog dūmūnūwi mūmōkū, Natemonok, ra nūsian siteven enugkam, Sisar.

¹⁶Miyi yemtenĭmpe Iesū punora woretalugi ra nē ūmparum. Mirora dūmūvĭ Iesū mūmūtōri pelah.

¹⁷Miyi yemuriuki nēūmparum eni, mempe ra nūrū, nin Neven nuki ūnumpūn, nam Hibrū, Kolkota:

¹⁸Mirora dūmūtalugi yūi ra nēūmparum, ĭm dūrū mōmū dal iyi, sī ra nokoren meves, ĭm sī ra moor, ĭm Iesū ileboteven.

¹⁹Im Pīlat yemetiyi nin memetipe ra nēūmparum, nam mori, IESŪ, NETEME NASARET NATEMONOK RA NUSIAN, ENIRORA OVETEME ISREEL.

²⁰Sikat ra irora oveteme Isrēel dūmūsepi imo nin popōwo nūrū mori dūmūtalugi Iesū, potipot sĭti; yernetĭyi ra nam Hibrū, ĭm Krik, ĭm Latĭn.

²¹Mōvun tavsogi enirora oveteme Isrēel dūmūnūwi pugi Pīlat, mūmōkū, Etūtīyi, Natemonok ra nūsian enirora ōveteme Isrēel; kō, ma iyi mori yemenūwi, memokū, Yaū Natemonok ra nūsian enirora oveteme Isrēel.

²²Pīlat yemenūwi memokū, Mori ya otĭyi antendōwi.

²³Mōveteme ūbrami pol sugkū dūmūtalugi Iesū ra nēūmparum, dūmūvĭ ōvun nemas eni, mūmūtavūrakwokonda ugi devat, ĭm semplaūon eni sugkū; semplaūon tĭnevi wokon omwisū, tawi yetūvsemugi;

²⁴mirora dūmūsepen ūnūwi punora, mūmōkū, Kos letūtevaseri, kos lasenduri lot ugi ĭm lagkili eneme, ma sugkū wonekompeli nam ra mumpon ōvun netiyi tumpora, memokū, Irora wantevūrakwokonda ōvun nemas enyaū; mirora wasendūri lot ugi semplaūon enyaū,

²⁵Mōveteme ūbrami mori dūmumpi imosū. Dūmūtūrū ra nokoren nēūmparum eni Iesū, Dineme, maven eni dineme eni, Mēri, retepon eni Kliōpas, ĭm Mēri Makdalene.

²⁶It yemokesi dineme eni, ĭm nūrie mori Iyi yemelintugi, memenūwi pugi dineme memokū, Nasiven, okesi, netum.

²⁷Penūri, Iyi yemenūwi pugi nūrie mori memokū, okesi, dinum. Marugi nempugon mori, iyi nūrie mori, yemtori iyi eniwi.

²⁸Penūri imo Iesū yemokili ma Iyi yemokompelisū siamesū, memokū onekompeli imo nam ra mumpon ōvun netiyi tumpora, miyi yemenūwi, memokū, Ya umampiumnōk.

²⁹Dūmūtisep yūi nūrah dūmūvūara ugi nū nakan, mirora dūmūtīokugi namtimte ra nū nakan, mūmūtipe ra telien hĭsop, mōmūtipe ra nugūn.

³⁰Pol sugkū Iesū yivi nū nakan mori iyi yemenūwi, memokū, Okompelisū; miyi yemtelasep, memtenimpe naviat eni.

³¹Mōveteme Isrēel dūmokū ōvun nokolĭsiranda ūtūantendōwi ra nēūmparum ran danemindog; popōwo daneworum, ĭm danemindog dan ra nūsian; popōwo imosū sugkū, irora dūmūsenĭgi Pīlat, mūmōkū, wonareki ōvun netnaap enirora, mampĭpelah.

³²Mōveteme ūbrami dūmūvelum mūmareki ōvun netnaap en sī, meni naviran, dūmūtalugi ūndū;

³³kō, pol sugkū dumūvelūm pugi Iesū, mūmūkili imas, irora dūtūareki ōvun netnaap eni;

³⁴kō, sī ra irora oveteme ūbrami yemsē nokoren eni ugi saū, marimago de ĭm nū yemorari.

³⁵Miyi neteme mori yemokesi, yemumpūvsokugi, ĭm nūmpūvsok eni ĭtnesog; miyi umagkili ma iyi umanūwi itnesog ma kĭmi kwontavnirĭgi.

³⁶It imosū dūmūtepū woro kompeli nam ra mumpon ōvun netiyi tumpora memokū, Utūonareki sī nōiran eni.

³⁷Im sī momū nam Irora wagesi Iyi mori irora dūmūse.

³⁸Penūri imosū, Yosef, neteme Arimatia iyi nūrie vamon eni Iesū, popōwo yemtetokonda ōveteme Isrēel, yemesenigi Pīlat memokū ampi nokolĭsiran eni Iesū. Im Pīlat yemenūwi pugi memokū iyi onumpi sugkū. Miyi yivelum, mempĭ nokolĭsiran eni Iesū.

³⁹Im Nĭkodimus sugkū yivelum, neteme mori yive pugi Iesū pūmrok, memuriuki nūrahsū nempeneves, dūalĭgi, ōvun paūn wun hunder.

⁴⁰Mirora dūmūvī nokolĭsiran eni Iesū mūmovsen ugi ōvun nemas lĭnen, nūrahsū nempeneves ra mumpon, sugkū ōveteme Isrēel dūmūtenemi,

⁴¹Sī denūok ra mumpon nūrū dūmūtalugi Iesū ra nēūmparum ĭm sī veletenemi ĭtevaū ran denūok, yetūtipe sī ūnisog mori.

⁴²Im yūi irora dumūtipe Iesū, popōwo potipot, ĭm daneworum enirora ōveteme Isrēel.