Read Sie Yoane 2 Bible Online

Yoane 2 - Sie bible

Yoane 2

¹Im dan deselugi sī nempōelah Kana ra Kalĭli, dineme Iesū yūi.

²Dūmūvrugi Iesū mōvun nūrie eni ra nempōelah.

³Yumwi win ĭm dineme eni Iesū yemenūwi pugimemokū, Tawi wĭn enirora.

⁴Iesū yemenūwi pugi memokū, Nasiven, kemagkūo ugi yaū? nempugon enyaū otūvelum.

⁵Dineme eni yemenūwi punora ōvun lĭvsaū, memokū, Wumpi sugkū Iyi anūwi pugkūm magkū ugi.

⁶Yemeteralē yūi ōvun nūrah nevat mesikī woretaligi nū wororowugi sugkū oveteme Isrēel dūmnumpi, mirorago dūmūtalug sugkū ōvun kalon narolem dūrū.

⁷Iesū yemenūwi punora, memokū, Uvūarugi ōvun nūrah.

⁸Mirora dūmūvūarasah. Miyi yōmenūwi punora, memokū, Umūtalug marima marugi mūriuki pugi neteme netevūrah nevag ra narigari.

⁹Mirora dūmūriuki. Im pol sugkū neteme netevūrah yematgavwi nū mori yeti win metūkili yemnea (ko, ōvun lĭvsaū mori dūmūtaligi nū dūmūkili), neteme netevūrah yemenūwi pugi asūon, memokū,

¹⁰Oveteme ūmantipe win aremī mampum, penūri, pol sugkū dūmamoneki, win aremī mōmū virok; kō, kĭk ofĭnte wīn aremi mafeli nempugon aremi.

¹¹Imo natipotni ōvun numpūrah horog Iesū yemumpi Kana ra Kalĭli, mempīatumpeni nilasilaswi eni. Mōvun nurie eni dūmūtavnirĭgi Iyi.

¹²Penūri imo Iyi yemyep ra Kapernam, Iyi im dineme eni, ĭm ravensieme, mōvun nūrie eni; mirora dūmorokotelap yūi, tawi dan sikat.

¹³Paska enirora oveteme Isrēel yemumpotipot, ĭm Iesū yivesah ra Yerūsalem,

¹⁴memokesora oveteme ūnisog nimo tumpora, mirora dūmūvasi ōvun okes, mōvun pugipugi, mōvun ūmpon im nugkoneme dūmūsēevasi muni mūmūtesep.

¹⁵Miyi yeinumpĭgi neles woretelesi, yemetevelegunora marugi nimo tumpora, mōvun okes,

¹⁶mōvun pugipugi sugkū, memwoselĭgi muni enirora mori dūmūsēevasi, memtorepesi ōvun nevlok, memenūwi punora mori dūmūvasi ōvun ūmpon, memokū, Uriuki pelah imosū; ūtūumpi nimo eni Itemen yaū sī nimo nevasi.

¹⁷Mōvun nūrie eni dūmuntemi nam yemetiyi, memokū, Ya umantevūlūl ugi nelintugi ĭm nagalau ra nimo enugkĭk.

¹⁸Mōveteme Isrēel dūmūtagkeli, mūmōkū, sie numpūrah horog kĭk osesi pugkam ma kĭk emnumpi imosū? Im Iesū yemtamsi memenūwi punora, memokū,

¹⁹Utūvavtĭti imo nimo tumpora ĭm ya ōmafĭntūok ran dan desel.

²⁰Mōveteme Isrēel dūmūnūwi, mūmōkū, Nevisū fortisĭkes irora dūmnumpi imo nimo, ĭm kĭk ōmafĭntūok ran dan desel, kū?

²¹Kō Iyi yemenūwi memokū nokolisiran nimo tumpora.

²²Im pol sugkū iyi yemevsorasah marugi nemás ōvun nūrie eni dūmūntemi ma Iyi yemenūwi imo punora; mirora dūmūtavnirĭgi ōvun netīyi tumpora ĭm nam mori Iesū yemenūwi.

²³Im ra nempugon Iyi ra Yerūsalem ra narigari paska sikat dūmūtavnirĭgi nin eni, momokesi ōvun numpūrah horog mori Iyi yemumpi.

²⁴Kō, Iesū yetūtesiio iranda, popōwo Iyi yemokili omwisū,

²⁵metūmokū sī onumpūvsok ugi sī neteme, it iyi yemesepen nokilisū ūnōwanda oveteme.