Read Sie Yoane 4 Bible Online

Yoane 4 - Sie bible

Yoane 4

¹Im Iyi Novsūromon yemokili ma ōvun Faresi dūmūrĭgi ma Iyi yemtōrora memumbaptiso iranda ōvun nūrie mōmū sikat ra Yōane.

²Kō, Iyi Iesū yetūmbaptĭs, irora ōvun nūrie eni.

³Iyi yemūwi Yūdia mempe ra Kalĭli. Miyi yemavan ileboteven Samēria.

⁴Miyi yive ra sī nimote ra Samēria, nin Sikar,

⁵ra nokoren nūrū Yēkob yemampugi Yosef netni eni.

⁶Nūitokeli eni Yēkob yūi. Iesū yemumpoh ugi navan memetesep sugkū ra nempĭamtugi nūitokeli; poakas poakas.

⁷Sī nasiven Samēria yivelum woretaligi nū. Iesū yemenūwi pugi, memokū, Ovoyaūwi yoomoneki.

⁸Ovun nūrie eni dūmūve ra nimote mūmōkū wampasi nevag.

⁹Nasiven Samēria yemtagkeli, memokū, Kĭk neteme Isrēel kemnesenug yaū ugi nū nasiven Samēria, kū? Popōwo ōveteme Isrēel ūtūm mosēevasi dal oveteme Samēria.

¹⁰Iesū yemenūwi pugi memokū, Nagkū kokili ĭtemas eni Nōbū, miyi mori onūwi punok, mokū, Ovoyaūwi yoomoneki, kĭk pesenĭgi Iyi, miyi povunok nū nomūrep.

¹¹Nasiven mori yemenūwi pugi, memokū, Narisah, Tawi nūrah sorum worerevenisah ugi, im nū ĭmpwap ĭsūt ūuinēa imo nū nomūrep kemumpi?

¹²Kĭk mōmū horog ra Yēkob itemen enugkam, kū? yemampugkam imo nūitokeli, iyi yemamoneki marugi, mōvun netnin e isen, mov nūrahsū eni.

¹³Iesū yemtamsi memenūwi pugi, memokū,

¹⁴Iyi sī umnamoneki imo nū ōmampiumnōk; kō, iyi sī amoneki nū mori ya ampugi otūōmampium-nōk; ĭm nū mori ya ampugi antendōwi ūnisog iyi sī navūanda umentavwansah mafeli ra nomūrep ūbrūni.

¹⁵Nasiven mori yemenūwi pugi, memokū, Narisah, ovoyaū nū mori, ma ya otūōmampiumnōk, metūōmampelum igko woretaligi.

¹⁶Iesū yōmenūwi pugi, memokū, Eve movrugi asūm, mōmūvelum Igko.

¹⁷Nasiven mori yemenūwi, memokū Tawi asūg. Iesū yōmenūwi pugi, memokū, kĭk onūwi ves, mokū, Tawi asūg;

¹⁸kemumpi rasūma sūkrīm; im marima iyi mori kĭk okevi tawi asūm.

¹⁹Kĭk onūwi mokū itnesog. Nasiven mori yemenūwi pugi memokū Ya umnelavenūri memagkū kĭk sī profet.

²⁰Irora ritemame dūmūtevĭta ra imo numpūo, im kimi kūmanūwi, mūmagkū, ra Yerūsalem oti nūrū nisekonda ōvetemesū woretĭvĭta.

²¹Iesū yemenūwi pugi, memokū, Nasiven, tavnirigi nani enyaū, umampelum nempugon pol sugkū kimi kūtūontevĭta iran Itemen ra imo nuinpūo, kū ra Yerūsalem.

²²Kūmuntevita kūtūmagkili sie; ka kemlentevĭta kakemlagkili sie, popōwo nēōwara umamne ra Isrēel.

²³Kō, umampelum nempugon, okotanepugon marima, mōveteme mori ūmuntevīta itnesog wontevĭta iran Itemen ugi Naviat mĭtnesog; ĭt iyi Itemen umneserokonda sugkū memagkū wontevĭta iran.

²⁴Iyi Nōbū naviat; mirora mori ūmagkū wontevĭta iran, wontevita iran ugi Naviat mitnesog.

²⁵Nasiven mori yōmenūwi pugi, memokū, Ya umagkili Mesia umampelum, mori Krĭstō; pol sugkū Iyi ampelum Iyi anūasūmperi ugi siemesū pugkam.

²⁶Iesū yōmenūwi pugi, memokū. Yaū mori, ya umanūwi pugkīk.

²⁷Mōvun nūrie eni dūmūvelumpe mūmavlugi popōwo Iyi yemam ūndū sī nasiven; kō, tawi sī yemtagkeli, memokū, Sie kemnesorugi? kū, Sie kemanūwi pugi?

²⁸Navisen mori yemowi nūrah eni nimsin nū mempe ra nimote,

²⁹memenūwi punora oveteme, memokū, Uvelum mokesi sī neteme iyi onūwi poyaū memokū ugi siemesū ya umnumpi; Iyi mori Krĭstō, kū?

³⁰Mirora dūmūve, mūwi nimote mūmūvelum pugi.

³¹Mōvun nūrie eni dūinūnūwi pugi, mūmōkū, Rabi, vag.

³²Miyi yemenūwi punora, memokū, Nevag sorūg woreni kūmūtū magkili ugi.

³³Mōvun nūrie mori dūmūsepen tagkelora, mūmōkū.

³⁴Sī ovugi nevag kū? Iesū yōmenūwi punora, memokū, Nevag sorūg worumpi tarū eni Iyi mori yemtamūli yaū, monokompeli numpūrah eni.

³⁵Kĭmi kūmanūwi, mūmagkū, ītĭs devat mampelum nempugon, worovūo, kū? Urĭgi, ya umanūwi pugkūm, memagkū, Wolasah, mokesi ōvun denūok, marima umnasevōves ugi novsen.

³⁶Miyi sī umnalekon semsimugi umumpĭ nipmi, memsemsimugi novūan ra nomūrep ūbrūni, ma iyi mori umnaseviugi novsen, miyi mori umnalekon semsimugi novūan wonavos semsimokonda.

³⁷Imo nam itnesog, Sī umnaseviugi, ĭm sī umnalekon semsimugi novūan.

³⁸Ya otamūlokūm woralekon semsimugi imo mori kūtūmagelaū ugi; oveteme mōmū dūmagelaū ugi, ĭm kĭmi kūvī fan ra ōvun numpūrah isenda.

³⁹Sikat oveteme Samēria ra nimote mori dūmūtavnirigi Iyi popōwo ugi nam eni nasiven mori, yemumpūvsok iran, memokū, Iyi onūwi poyaū mokū ugi siemesū ya umnumpi.

⁴⁰Im pol sugkū oveteme Samēria dūmūvelum pugi irora dūmūsenĭgi mūmokū Iyi antendōwi dal irora; miyi yemetewi yūi dan dūrū.

⁴¹Im sikat mōmū dūtavnirĭgi Iyi popōwo ugi nam eni Iyi.

⁴²Mirora dūtuūnūwi pugi nasiven mori, mūmōkū, ka keletūmien-tavnirigi marima popōwo ugi nam sorum, kō, popōwo ka kelorĭgi sugkū, im ka kemlagkili ma itnesog, Iyi mori Krĭstō, Neowara ra lōsū lōsū.

⁴³Penūri dan dūrū mori iyi yemowi uūru yūi mempe mafeli ra Kalĭli;

⁴⁴ĭt Iesū yemenūwi, memokū, Utūmesesie ūnĭpini eni sī profet ra nūrū eni

⁴⁵Kō, pol sugkū Iyi yivelum ra Kalĭli, oveteme Kalĭli dūmūvĭ, ĭt irora dūniōkesi siamesū mori Iyi yemumpi ra Yerūsalem ra nempugon naĭgari, It irora dūmūve ra narigari tumpora.

⁴⁶Im Iesū yōīmpelūm ra Kana ra Kalĭli ra nūrū mori yemumpi nū woreti win; sī fan lō, ĭm netni ĭtnataman eni yamarat ra Kapernaum.

⁴⁷Miyi yemorigi ma Iesū yemōwi Yūdia mōimpelum ra Kalĭli, Miyi yive pugi memesenĭgi, memokū oyep menumpi horĭgives netni eni, it iyi yemtī nūrū.

⁴⁸Im Iesū yemenūwi pugi, memokū, Nagkū kimi kūtūagesi ōvun numpūrah horog, mōvun nokesenepūp, kūtūontavnĭrigi.

⁴⁹Miyi fan lō yōmenūwi pugi memokū, Narisah, elum, yep, pol sugkū netūg ōtūmas.

⁵⁰Iesū yemenūwi pugi, memokū, Eve; netum umnomūrep. Neteme mori yemtavnirĭgi nam mori Iesū yemenūwi pugi, mempe.

⁵¹Im polekū yemumprokyep ōvun lĭvsaū eni dūmūvtit iran mūmūnūwi pugi, mūmōkū, Netum umnomūrep.

⁵²Miyi yemtagkelora memokū ugi nempugon pol sugkū iyi yematipotni meti horĭgives. Mirora dūmūnūwi pugi, mūmōkū, Nimi pōakas-arap namri emlag marugi.

⁵³Mitemen eni yemokili ma Iesū yemenūwi pugi ra nempugon mori, memokū, Netum umnomūrep; miyi yemtavnĭrigi, momwisū ra mumpon nimo eni sugkū.

⁵⁴Imo numpūrah horog dūrūgi mori Iesū yemumpi penuri iyi yemowi Yūdia mōĭmpelum ra Kalĭli.