Read Sie Yoane 6 Bible Online

Yoane 6 - Sie bible

Yoane 6

¹Penūri imosū Iesū yive memtavogones ran tok Kalĭli, mori Tĭbirius;

²ĭm sī numpūn lō tamas dūmūri, popōwo irora dūmōkesi ōvun numpūrah horog mori Iyi yemumpi iranda ōvun namarat.

³Im Iesū yivesah ra numpūo, memetesep yūi dal ōvun nūrie eni.

⁴Paska, sī narĭgari enirora oveteme Isrēel, yemumpotipot.

⁵Iesū yemelagkaū memokesora numpūn lō tamas dūmūvelum pugi miyi yemtagkeli Fĭlĭp, memokū, Ia kos kwampasi yōūp nisekonda mori?

⁶Miyi yemokū ontapmilap iyi; ĭt Iyi yemokili sie Iyi onumpi.

⁷Fĭlĭp yemtamsi memenūwi pugi, memokū, Utūampasi ugi ōvun peni tū hunder, yōūp nĭsekonda omwisū ma irorasū wampī nugkon mōmū virok.

⁸Sī ra irora ōvun nūrie eni, Anderū, avensi eni Sīmon Piter, yemenūwi pugi, memokū,

⁹Sī nalaū Igko, yōūp barli sūkrĭm isen, ĭm dūrū nomū overok, kō, sie imo virok woretavūrak wokonda oveteme sikat.

¹⁰Iesū yemenūwi, memokū, Umpasewokonda oveteme mūtesep. Novo telemte ra nūrū omwisū yūi. Mōveteme dūmūtesep, irorasū sugkū fiv taūsan.

¹¹Im Iesū yivi yōūp mori, memumpalugi, memetavūrakwokonda ōvūn nūrie eni, mōvun nūrie mori dūmūvunora dūmūtesep; ĭm nomū sugkū irora dūmakiūgi.

¹²Im pol sugkū yemtalira Iyi yemenūwi punora ōvun nūrie eni memokū, Walekon semsimugi ōvun nevlugkon nevag ma ūtūagkini sī.

¹³Mirora dūmalekon semsimugi mūmūvūara ōvun vēyū twelv ugi ōvun nevlugkon mori, marugi yōūp barli fiv mori, dūmūwi penūri omwisū dūmoni.

¹⁴Im pol sugkū oveteme mori dūmōkesi numpūrah horog Iesū yemumpi dūmūnūwi, mūmōkū, Itnesog, Iyi Profet mori, Iyi okovelum ra nemap.

¹⁵Im pol sugkū Iesū yemesepen nokili ma irora dūmōkū wampelum, monatekĭsah iran, montōri worumpi Natemonok ra nūsian, Iyi yemesepen neve, Iyi kosĭ ra numpūo.

¹⁶Pōarap-arap ōvun nūrie eni dūmūiyep wun tok mūmūsuki;

¹⁷bōt mūmōkū wontavogones ran tok mōmampe ra Kapernaum.

¹⁸Yemporaporap ĭm Iesū yetūvelum punora, yemtokĭntan ugi nūsian nemetagi mori yemelemsi.

¹⁹Mirora dūmasūo mĭl en desel kū devat mūmōkesi Iesū yemavan ran tan tok, memwosĭnterewokonda ran tok. Mirora dūmetetugi.

²⁰Kō iyi yemenūwi punora, memokū, Yaū; ūtūmtetugi.

²¹Mirora dūmōkū wampī Iyi ra bōt, marimago bōt yemsah ĭkerĭ ra nūrū irora dūmūve.

²²Im rat mran numpūn lō mori dūmūtūrū nugkon nūmpe dūmōkesi ma tawi sī mōmū bōt yūi, imo siteven mori ōvun nūrie dūmūsuki, mūmūkili ma Iesū yetūve ra mumpon dal ōvun nūrie eni; irora wokon dūmūve.

²³Kō ōvun lō ovirok dūmūvelum dūmne ra Tībirius, potipot nūrū mori irora dūmoni yōūp pol sugkū Novsūromon yemumpalugi.

²⁴Im pol sugkū numpūn lō dūmōkesi ma Iesū tawi yūi, ĭm tawi irora ōvum nūrie eni, irora sugkū dūmūsuki ōvun lō mūmūve ra Kapernaum, mūmosorugi Iesū.

²⁵Im pol sugkū dūmōkesi Iyi nugkon nūmpe dūmūtagkeli mūmōkū, Rabī, nĭgoi kokovelum Igko?

²⁶Iesū yemtamsi memenūwi punora, memokū, Itnesog, itnesog, ya umanuwi pugkūm, memagkū, kimi kūmnesorokoyaū, tawi popōwo kūmōkesi ōvun numpūrah horog, kō popōwo kūmoni yōūp ūtalikūm.

²⁷Utūsorugi nevag mori umampia; ūsorugi nevag mori umantendōwi ra nomūrep ūbrūni, mori Netni eni neteme ampugkūm, popōwo Itemen Nōbū, yemetipe safi iran.

²⁸Mirora dūmutagkeli Iyi, mūmōkū, Sie ka kelenumpi worumpi ōvun numpūrah eni Nōbū?

²⁹Iesū yemtamsi memenūwi punora, memokū, Imo numpūrah mori Nōbū umagkū ugi, ma kimi kwontavnirĭgi iran Iyi mori iyi yemtamūli.

³⁰Mirora dūōmūtagkeli, mūmōkū, Im sie numpūrah horog kosesi pugkam ma ka kelagesi ĭm lentavnirĭgi kĭk? Sie numpūrah horog kenanumpi?

³¹Ritimame dūoni mana ra nūrū wokon; yemetiyi nam, memokū, Iyi yemovunora yōūp marugi pokōp woreni,

³²Iesū yemenūwi punora, memokū, Itnesog, itnesog, ya umanūwi pugkūm, memagkū; Mōses yetūvugkūm yōūp mori marugi pokōp; kō Itemen yaū umampug kūm yōūp itnesog marugi pokōp.

³³It yōūp eni Nōbū imo mori umeyep marugi pokōp memampunora nomūrep ra nemap.

³⁴Irora dūmūnuwi pugi, mūmōkū, Narisah, ovugkam ĭndōwi imo yōūp.

³⁵Iesū yōmenūwi punora memokū, Yaū yōūp nomūrep mon. Iyi sī umampelum poyaū otūontemas; miyi sī umentavnirigi yaū otūampiumnōk.

³⁶Kō, ya onūwi pugkūm, memokū, kimi kūmagesi yaū, kō kimi kūtūmuntavnirigi.

³⁷Omwisū mori Itemen umampoyaū wampelum poyaū, miyi sī umampelum poyaū yaotūontafugi ratilat.

³⁸Popōwo yaū mēyep marugi pokōp memokū ya otūonumpi sugkū tarū enyaū kō, sugkū tarū eni Iyi mori yemtamūli yaū.

³⁹Im imo tarū eni Iyi Itemen mori yemtamūli yaū, emagkū, ya otūampiugki sī marugi omwisū mori Iyi yemovoyaū, kō, ontōrisah marugi nemás ran dan nisah.

⁴⁰Miyi mori yemtamūli yaū emagkū, omwisū mori umagesi Netni mūmumtavnirĭgi iran, irorago wampī nomūrep ūbrūni, ĭm ya ontorisah ran dan nisah.

⁴¹Oveteme Isrēel dūmūtavuntan Iyi popōwo Iyi yemenūwi, memokū, Yaū yōūp mori yemyep marugi pokōp.

⁴²Mirora dūmūsepen tagkelora, mūmōkū, Iyi Iesū netni eni Yosef, kū? kos kemlagkili itemen eni ĭm dineme, kū ĭ im sie imo iyi umanūwi, memagkū, Yaū mēyep marugi pokōp?

⁴³Popōwo imo sugkū Iesū yemtamsi memenūwi punora, memokū. Utūsepen tavūntami.

⁴⁴Tawi sī faneteme worevelum poyaū nagkū Itemen mori yemtamūli yaū otūonereveni iyi; ĭm ya ontōrisah ran dan nisah.

⁴⁵Imo nam ra mumpon ōvun netiyi isenda ōvun Profet, Nōbū ontavsokondasū. Miyi umandĭgi mementavsogi ugi Itemen mori, umam pelum poyaū;

⁴⁶kō, tawi sī yemokesi Iyi Itemen, Iyi wokon mori yemne ra Nōbū, Iyi yemokesi Itemen.

⁴⁷Itnesog, itnesog, ya umanuwi pugkūm memagkū, Iyi sī umentavnirĭgi irag umantipe isen nomūrep ūbrūni Yaū yoūp nomūrep.

⁴⁸Ritimeneme soremi dūoni yōūp ra nūrū wokon, mūmas.

⁴⁹

⁵⁰Imo yōūp mori yemyep marugi pokōp ma iyi sī oneni otūamas.

⁵¹Yaū yōūp umnomūrep mori yemne ra pokōp; nagkū sī oneni imo yōūp iyi amūrep īndowi; ĭm yōūp mori ya ampugi fan enyaū, mori ya ampugi tovuni nomūrep punora, ra nemap.

⁵²Mōveteme Isrēel dūmūsepen nūrē ūnimĭnda, mūmōkū, Neteme mori ampugkos eni woreni, nokowo?

⁵³Popōwo imo sugkū Iesū yemenūwi punora, memokū, Itnesog, itnesog, ya umanūwi pugkūm, memagkū, Nagkū kimi kūtūoneni fan eni Netni eni neteme mamoneki de eni, kimi kūtūampĭ nomūrep.

⁵⁴Iyī sī umneni fan enyaū memnamoneki de enyaū umumpī nomūrep ūbrūni, ĭm ya ontorisah iyi ran dan nisah.

⁵⁵It fan enyaū nevag nevag, itnesog woramoneki.

⁵⁶Iyi sī umneni fan enyaū memnamoneki de enyaū umantendōwi ra mumpon yaū, ĭm yaū ra mumpon iyi.

⁵⁷Sugkū Itemen mori umnomūrep yemtamūli yaū, ĭm ya umnomūrep ugi Itemen, iyi sugkū mori umneni yaū amūrep ugi yaū.

⁵⁸Iyi yōūp mori yemyep marugi pokōp; tawi sugkū ritimeneme mori dūmneni mana, tnūmas. Iyi sī umneni imo yōūp amūrep ūvūm nevisū.

⁵⁹Miyi yemenūwi imosū ra Kapernaum, pol sugkū Iyi yemtavsokonda ra nimo tavsogi.

⁶⁰Im sikat ra irora ōvun nūrie eni dūmūrĭgi, mūmūnūwi mūmōkū, Nam nugkugko; mē faneteme worevī.

⁶¹Iesū yemesepen nokili ma ōvun nurie eni dūmūtavuntan ugi imo nam, miyi yemtagkelora, memokū, Kūmuntam sal ugi imo, kū?

⁶²Im nagkū kimi kwagesi Netni eni neteme umampe ūnpokōp yūi Iyi yepmetendōwi;

⁶³Iyi Naviat umampugi nomūrep; fan, pe fan wokon Nam mori ya umanūwi pugkūm, naviat ĭm nomūrep.

⁶⁴Kō nugkon ra kĭmi ūtū mintavnirĭgi. Iesū yemokili marugi ra nōbūm irora mori dūtū mintavnirĭgi, ĭm iyi mori anti nimpirĭgi iyi.

⁶⁵Im iyi yemenūwi, Popōwo pe ya onūwi pugkūm, ma tawi sī neteme faneteme worevelūm poyaū, nagkū Nate yetūvugi horog woretōri iyi po yaū.

⁶⁶Marugi nempugon mori sikat ra irora mori dūmnūri Iesū dūmūwi mōmūtūavan dal Iyi.

⁶⁷Popōwo imo sugkū Iesū yemtagkelora Twelv, memokū, Im kĭmi kūmnakĭugi mampe sugkū, kū?

⁶⁸Sīmon Piter yemtamsi memenūwi pugi, memokū, Novsūromon, ka kelampe pugi mē? kĭk emantipe sorum nam ugi nomūrep ūbrūni.

⁶⁹Im ka kemlentavnirigi ĭm lagkili ma kĭk Krĭstō, Netni eni Nōbū umnomūrep.

⁷⁰Iesū yōmenūwi punora, memokū, Yaūĭmtampoli kĭmi Twelv, kū? ĭm sī ra kĭmi sī diabolo.

⁷¹Iyi yemokū ugi Yūdas Iskariot, netni eni Sīmon, ĭt iyi yemesepen nokili ma iyi onempirĭgi Iyi, miyi sī ra irora Twelv.