Read Sie Ovun Apostol 11 Bible Online

Ovun Apostol 11 - Sie bible

Ovun Apostol 11

¹Movun Apostol ĭm raveteme ra Yūdia dūmūrigi ma irora ōvun nelevōkevat dūmūvi nam eni Nōbū.

²Im pol sugkū Piter yemsah ra Yerūsalem irora mori dūti numpi namon iranda dūmūnūwi pugi,

³Mūmokū, kĭmpo ūnisog punora ōveteme dūtū umpi namon iranda me meni dal irora.

⁴Kō Piter yemati potni memenūwi sū punora ūtūvinatora, memokū.

⁵Yaū ra siti Yoppa mufwaki: Im pol sugkū yaū malepatemas yaū mokesi ra nilasivrovora, sī vesel yemyep sugkū sēl horog, yetin yep marugi pōkop ugi navlūtni devat,

⁶ĭm pelum poyaū: ĭm yaū imtopotnemi, memneveleveli ugi, memokesi ōvun kwodrūped ra nemap movun kwodrūped nagon, ĭm nūrah umun tavokorara movun menūk ūneī.

⁷Im yaū morigi sī navian yemenūwi po yaū, memokū, Etūok, Piter; tī meni.

⁸Kō yaū menūwi memokū, Eyi Narisah Tawi sugkū, yaū metūoni sī ūr kū nelilūwo.

⁹Kō navian mori yōmenūwi po yaū marugi pokop, nempugon dūrigi memokū siame mori Nōbū sindumsi ves etūnūwi mokū ūr.

¹⁰Yemorun numpi imo nempugon desel: memorevenisah omwisū ūnpō kop.

¹¹Marimago ōveteme desel dūmūtūrū ra nugon nimo yūi yaū metewi yemtamūlora poyaū dūmne ra Sesaria.

¹²Miyi Naviat yemenūwi po yaū memokū ya ampe ĭm tawi metūontavrivri. Im iroramo ravensieme soret siks dūmūve dal yaū; ĭm kam lintorĭmpe ra nimo eni neteme mori.

¹³Miyi yemenūwi pugkam nokowo iyi yemokesi nagelo ūnisog nimo isen yemetūrū memenūwi pugi (memokū), Tamūlora ōveteme ra Yoppa tovuni Sīmon Piter,

¹⁴iyi anūwi pugkĭk nam ugi pe mori amkĭkēyōwara, kĭk mirora su ra numpon nimo sorum sugkū.

¹⁵Im pol sugkū yaū matepotni woram punora, Naviat Tumpora yemumol iranda sugkū irant ra nōbūm.

¹⁶Im yaū mentime nam eni Novsūromon, mori iyi yemenūwi memokū, Yōane yemumbaptiso ugi nū; kō ambaptiso irami ugi Naviat Tumpora.

¹⁷Im nagku Nōbū yovunora itemas siteven sugkū kos pol sugkū dūtavnirĭgi iran (Novsūromon) Iesū Krĭsto Novsūromon yaū mē woreturamtugi Nōbū?

¹⁸Pol sugkū irora dūmūrigi imo dūmūteteven, mū mūvitevisep Nōbū, mūmūkū, Im Nōbū yovunora ōvun nilevōkevat nevīeves nowanda worevi nomūrep.

¹⁹Mirora mori dūtin nasiviokonda popōwo ugi nevīesesat penūri dūmūtalugi Stifan, dūmavan mafeli ra Fenīse, ĭm Sīprus, ĭm Antiok, mūmprokotorenūwi nam punora ōveteme Isrēel wokon.

²⁰Kō nugkon ra irora mori ōveteme Sīprus ĭm Sīrine, mirora pol sugkū dūmūvelum ra Antiok dūnūwi nam navosavos ugi Iesu Novsūromon.

²¹Im horog eni Novsūromon dal irora: ĭm sikat dūmūtavnirĭgi mū mūtorileki pugi Novsūromon.

²²Narigi imo yempelum ra semsimak ra Yerūsalem ugi irora; mirora dūtamūli Barnabas mūmokū ampe mafeli ra Antiok:

²³ĭm pol sugkū yive pelum me mokesi ĭtemas eni Iehōva, yavosavos; memenūavsokonda woramplesi iran Novsuromon ugi natekisah:

²⁴It iyi neteme aremī yovūwarugi Naviat Tumpora ĭm tavniri: ĭm numpun lō tamas dūmamplesi iran Novsūromon.

²⁵Im Barnabas yimpe ra Tarsus woresorugi Sol:

²⁶ĭm pol sugkū yemokesi iyi yemtori ra Antiok. Mirora dūmūsemsimokonda ra sī nevi dal semsimak mūmūtavsokonda. Im ra Antiok mampūm dūmatov ninda numpūn lō tamas ōvun nurie mūmokū, ōvun Krĭstian.

²⁷Im, ran dan sū mori ōvun profet dūmūvelum dūmne ra Yerūsalem ra Antiok.

²⁸Im nin isen sī ra irora Akabus, iyi yemtūok, memenūwi punora ugi Naviat, memokū, temas ampelum ra nūrū sū nūrū sū, mo meti sugkū ran dan sū eni Klodius.

²⁹Movnūrie omwisū dūmūnūwi mūmokū, wōntamuli ōvun itemas woretevūrak wokonda isenda ravensieme ra Yūdia sugkū irora dūmūtipe:

³⁰Irora dwūmpi sugkū mūmūtamūli punora ōveteme talam ugi Barnabas ĭm Sol.