Read Sie Ovun Apostol 12 Bible Online

Ovun Apostol 12 - Sie bible

Ovun Apostol 12

¹Ra nempugon mori Herod Natemonok ra nūsian yemeevan memokū worevīcsesat nugkon ra irora ra semsimak.

²Miyi yemtalugi Yēmes avensi eni Yōane ugi sord.

³Im popōwo iyi yemokesi ōveteme Isrēel dūmavos ugi, iyi yemupi mōmū, memokū ampi Piter sugkū, ra nempugon mori dūmoni yōūp, tawi leven iran.

⁴Im pol sugkū iyi yemelekavi yemetipe ūnisog nimo nugkugko, memetipe ōveteme ūvrami woravles ugi ōvun telien devat; memokū ontori ūniminda ovnetevokontū pol sugkū paska isūma.

⁵Piter ūnisog nimo nugkugko; kō semsimak dūmūsenigi Nōbū mūmatekisah popōwo ugi iyi.

⁶Im pol sugkū Herod yemokū ontori ilat, ra pūmrok mori Piter yemaleepo ilevoteven ōvun ūvrami metin nēeti ugi tori endūrū ra nevat, movun navlis ran tan buketampet dūmūfinte nimo nugkugko.

⁷Im sī nagelo eni Novsūromon yemevelum pugi, ĭm nilara yemeselĭ ūnisog nimo nugkugko, miyi yateki nokorin Piter moyugi me menūwi memokū, Etūok itnum; movun tori ra nevat dūmol marugi nokoven eni.

⁸Miyi nagelo yemenūwi pugi memokū, Etoetigi kĭk e pe kĭk, me mēetavsivsi woravan sorum; miyi yemumpi sugkū. Miyi yomenūwi pugi memokū, Semplaūon nemas sorum iram, mūri yaū.

⁹Im pol sugkū yetūratumpen ilat iyi yemūri; me metūkili memamgaiugi pe mori nagelo yemumpi iran kō yemokū iyi yemokesi nilasevrevrevora.

¹⁰Im pol sugkū irora dūmavan ilevoteven sĭlevok sī, ĭm dūrū, dūmūvelum ra buketampet ra nevat ra nokorin sĭti yimesepen tīpelah iranda; mirora dūmūve ilat, mūmavango sī selat alam, marimago nagelo yemowi iyi.

¹¹Im pol sugkū Piter yemesepen tarū yomenūwi memokū, Marima, yakum magkili ugi Novsūromon okatamūli nagelo me sukilekilwi iran marugi nokoven eni Herod, ĭm nakiugi isenda ōveteme Isrēel.

¹²Im pol sugkū iyi yeumeveleveli ugi yōĭmpe ra nimo eni Mēri dineme eni Yōane nalig eni Mark; yūi sem simokonda sikat dūmmūfwaki.

¹³Im pol sugkū Piter yemtetī buketampet sī ĭtnumpokon, yive wororigi, nin eni Rode.

¹⁴Im pol sugkū iyi yemokili navian eni Piter, yetū tī pelah buketampet popōwo ugi navos isen, kō yimalo ūnisog me menūwi punora memokū Piter yemetūrū ran tan buketampet.

¹⁵Mirora dūmūnūwi pugi mūmokū kĭkem nĭmpaviag, kō iyi yematekisah memenūwi memokū, ĭtnesog. Mirora dūmūnūwi mūmokū, Nagelo isen.

¹⁶Kō Piter yemorūm tetī, ĭm pol sugkū dōmūtĭ pelah mūmokesi dūmugkeritūwi.

¹⁷Miyi yemtenakavokovora yemenūwi punora nokowo Novsūromon yemtori iyi ilat marugi nimo nugkugko. Miyi yemenūwi punora, Uve mū tampigi imo pugi Yēmes ĭm punora ravetme.

¹⁸Miyi yemowi irora mempe ra nūrū sī. Yemumti dan telien lō ūvrami mūmeompeli ugi Piter.

¹⁹Im Herod yemesorugi metokesi, miyi yemorun tagkelora ōvun navlis memenūwi memokū wuntalokonda. Miyi yemeyep yemne ra Yūdia ra Sesaria memetendowi yūi.

²⁰Im Herod yemaraki punora ōveteme Tīr ĭm Sīdon: kō irora dūvelum pugi igi tarū siteven, ĭm dumumpi Blastus avenda, nivūo ra nusian ra ōvun sĭlevokeves worale eni Natemonok mūmūnūwi mūmokū irora wontasiasge, popōwo irora dūmūvĭ nevag marugi nurū eni Natemonok.

²¹Im sī dan Herod yemevĭugi nemas nilasilaswi memtorenūwi punora.

²²Im lō dūmpasiwali, mūmūnūwi mūmokū, Navian eni nōbū ĭm tawi eni neteme.

²³Marimago sī nagelo eni Novsūromon yimtī iyi popōwo iyi yetūvugi Nōbū nilasilaswi ugi: movun nilas dūmmolentevi; isūma nesumsak.

²⁴Im nam eni Nōbū yemteli memalapalam tamas.

²⁵Im Barnabas ĭm Sol dūmūtorileki dūmūwi Yerūsalem pol sugkū dūmūkompeli numpūrak isenda ugi ōvun itemas mori mūmūvī Yōane eni Mark, dal irora.