Read Sie Ovun Apostol 13 Bible Online

Ovun Apostol 13 - Sie bible

Ovun Apostol 13

¹Dūmūte ra semsimak mori ra Antiok ōvun profet movun tavsogi, Barnabas, ĭm Simion Nakomsū, ĭm Lūsius neteme Sīrinia, ĭm Manaen, ali isen Herod Natemonok ra nūsian ĭm Sol.

²Im polekū irora dūmūtorugat iran Novsūromon mūtovokom, Naviat Tumpora yemenūwi memokū, Utipe nisekūg Barnabas ĭm Sol worumpi numpūrah yaū movrokonda ugi.

³Im pol sugkū dūmūtevokom mumūfwaki dūmūtipe nokovenda iranda muĭmtamūlora.

⁴Mirora, pol sugkū, Naviat Tumpora yimtamulora, dūmūyep ra Selusia, dūmūwi nūrū yūi ra lō mūmūve ra Siprus.

⁵Dūmūve ra Salamis, mūmūtorenūwi sah nam eni Nōbū ūnisog ōv nimo tavsogi eni ōveteme Isrēel. Im Yōane yemtorugat iranda.

⁶Im polsugkū irondūmavan tanugkon īland ra Pafos dūmokesi neteme taviwara, Isrēel nin Bar-Yesū;

⁷Iyi yemetendowi ūndū natemonok Serkius Polus, neteme nointanwi ves. Miyi yemtamuli tovūni Barnabas ĭm Pol memakĭugi wororigi nam eni Nōbū.

⁸Kō Elīmas neteme taviwara (it imo fan nam nin isen,) yemetūramtokonda, memokū ontori nagkaū natemonok marugi tavniri.

⁹Kō Sol, nalĭg eni Pol, mori yemovūwarugi Naviat Tumpora yemtopotnemi iran, memenūwi memokū,

¹⁰Kĭk emampūarugi nimpiri sū ĭm sat sū, nitni eni sētan, ĭm novsin nakan ra siame sū tanepo, kĭk otūawi sep worumpi nagkaū ovun selat nugko eni Novsūromon kū?

¹¹Im marima, nokoven eni Novsūromon oti iram ĭm kĭk anti nimtei kotū ōmagesi nĭpminĭn mafeli dan sī. Marimago yumol iran natemovot ĭm nĭlevōkevat; miyi yimtĭ selat memesorugi sī worelekavi nokeven worelōri.

¹²Miyi natemonok pol sugkū yemokesi mori yetin numpi, yemtavnirĭgi, memovkeritūwi ugi nam tavsogi eni Novsūromon.

¹³Mirora dal Pol dūmūwi Pafos ra lō mūmūvelum ra Perka ra Pamfilia: kō Yōane yemowi irora mōĭmtori leki ra Yerūsalem.

¹⁴Mirora dūmūwi Perka Mūmūve ra Antiok ra Pisidia; mūmūve ūnisog nimo tavsogi ran Danemindog mūmūtesep.

¹⁵Im pol sugkū dūmūsepi ōv nempasiwugi movun profet ōv nivūwo ra nimo tavsogi dūtamūli nam punora mūmokū, Ravūgeme, nagkū sī nam kūmagkū ugi woretavsokonda netevokontū ūnūwi.

¹⁶Im Pol yemtūok yemalep iranda, mo menūwi memokū, Oveteme Isrēel, ĭm kĭmi mori umamtetugi Nōbū, ūrĭgi mūvendūgugi.

¹⁷Nōbū isenda imo lō Isrēel yemtampolora retemeneme soret, miyi yempīeves tamas lō mori nempugon irora dūmūtendowi ōvun domo ra nūrū Ityĭpt, miyi yemtorora marugi nūrū yūi ugi nelepon nokoven horog.

¹⁸Im sugkū nevi sū forti, iyi yete nomolsep ugi numpūrak isenda ra nūrū wokon.

¹⁹Miyi yemtevavtiti ōvun savūta seven ra nūrū Kenan, memetevūrak wokonda nūrūsū isenda ugi lot.

²⁰Penūri imo iyi yemovunora ōvun natemonok nūrian sugkū nevi sū for hunder ĭm fifti, mafeli ra nempugon eni Samūel profet.

²¹Im penūri irora dūmakīugi, sī natemonok ra nūsian: ĭm Nōbū yemovunora Sol nitni eni Kĭs, neteme ra savūta eni Benyomin, nevi su forti,

²²Im pol sugkū yivi pelah iyi yemetipe sah Dēvid woreti Natemonok nūsian isenda; memumpūvsok iran memokū, yaū mokesi Dēvid nitni eni Yesi, neteme ya umagkū aremī ugi, iyi onekompeli sū tarū enyaū omwisū.

²³Im Nōbū ontori marokonda onvsen ōvun netnindasū eni neteme mori Iesū Nēyōwara nisekonda lō Isrēel sugkū iyi yenūīvives punora.

²⁴Yōane mampum yemtorenūwi sah baptisma ugi nevieves nowan pun ora ov netevokontū sū Isrēel nempugon yetuvelum.

²⁵Im polekū Yōane yemakompeli ovnumpūrak isen, iyi yemtagkel ora memokū, Kūmagkū yaū mē? Tawi yaū ko iyi, umampelum penuri yaū, Im yaū tawi aremī woresūli woravan ra noen isen.

²⁶Ovragi, ravūgsĭeme, ōvun nit nime ra mokoponeme eni Ebraham, miyi sī ra kĭmi umamtetugi Nōbū otamūli pugkūm nam ugi imo nēyōwara.

²⁷It irora mori dūmūtendowi ra Yerūsalem mov natemonok dūtūkili iyi mori mūtūkili nam isenda ōvun profet mori umandūnesepi danemindog sū, irora dūmumpi nampesog popōwo irora dūmūrian iran.

²⁸Mūtokesi sī sie sī iran ugi nemas, kō dūmusenĭgi Pīlat mūmokū wantalugi iyi.

²⁹Im pol sugkū dūmokompeli sū siamesū dūmūtīyi ugi iyi, dūmūvī sep marugi nē mūmūtipe ra veli.

³⁰Kō Nōbū yemtorisah marugi nemas. Mirora mori dūmūvesah dal iyi dūmne ra Kalĭli ra Yerūsalem

³¹dōmūrūn okesi dan sū sikat mirora ōvun numpūvsok iran punora netevokontū.

³²Im ka kim lĭntorenūwi sah pugkūm nam navosavos ma Nōbū yemokompeli sū nievūwos nam mori.

³³Iyi yemenūwi punora retemendeme yemakompeli sū nisekont ōvun netnimi, ĭt iyi yemtori sah Iesū marugi nemas; sugkū yemetiyi, ramumpon Salmo dūrūgi, Kĭk nĭtug; ya oti kĭk ire,

³⁴Ma iyi yemtori sah iyi marugi nemas woretūtoroleki ra vĭleteneme; iyi yemenūwi memokū ya ampunok ōvun togesoveli tumpora eni Dēvid.

³⁵Im popōwo imo sugkū iyi yōmenūwi ra sī mōmū memokū,

³⁶kĭk otū awi iyi Tumpora sorum worumtĭmti Dēvid yemtorugat iranda ra palsi isen sugkū tarū eni Nōbū yimaleēpo, mūmū tipe iyi ra nokorinda retemeneme isen miyi yumtimti.

³⁷Kō iyi mori Nōbū yemtorisah, yētū umtimti.

³⁸Popōwo imo sugkū ōveteme ravugsieme umtorenuwi sah pugkum nefielentugi satsū ugi imo neteme.

³⁹Mirora sū mori umuntavnirigi iran ūmumpi tanepo ugi iyi, ra siame kĭmi tawi faneteme worevi tanepo ugi ōvun nempasewugi sū eni Moses.

⁴⁰Ufinte ma otū ampelum arami sugkū dūmūtĭyi ra mumpon ōvun netiyi isenda ōvun profet;

⁴¹Okesi, kĭmi mori kūmagesindi, ĭm wavlugi, ĭm eviya: Popōwo ya konumpi sī numpūrak ran dan sū soremi, Sī numpūrak kĭmi kūtū ontavnirigi nagku sī ontorenūwi magkū ugi pugkum.

⁴²Im pol sugkū ōveteme Isrēel dūmūtōratumpeni ilat, ōveteme nĭlevōkevat dūmūsenĭgi mūmokū wanūwi nam mori punora ran danemindog sī.

⁴³Im nempugon semsimak dūmūve ilat sikat ra irora ōveteme Isrēel movun nūrie nufwaki isenda dūm ampelesi iran Pol ĭm Barnabas: mū mūmūnūwi punora mū mūnūavsokonda woretendowi ūnam ra nelintugi eni Nōbū.

⁴⁴Im danemindog dūmūsemsimokonda ov netevokontū sū ra sĭti wororigi nam eni Nōbū.

⁴⁵Kō pol sugkū ōveteme Isrēel dūmokesi ov numpūn lō sū irora dūmarakara mū mūtūramtugi nam mori Pol yemenūwi, dūmūtūramtugi mori muinūsendoekia.

⁴⁶Im Pol ĭm Barnabas dūmūnewi nam dūmūtesūwi nam mūmokū, Dūtorenūwi nam eni Nōbū pug kūm mampūm; ko popōwo kūmūntafugi mūmagkū kĭmi tawi aremī worevi nomūrep ūvriīni, Urigi ka kĭm lampe punora ōvun nĭlevōkevat.

⁴⁷It iyi Novsūroman yempasewug kam memokū sugkū, Yaū metipe kĭk nilara nisekonda lōsū nĭlevōkevat, Ma kĭk anti nēyōwara nisekonda ra nūrū sū nūrū sū.

⁴⁸Mōveteme nĭlevōkevat mori dūmūrigi imo dūroavos ūwi mōmūvietevisep nani eni Novsūromon; Mirora mori Nōbū yepmenūwi mokū wampi nomūrep ūvrūni dūmutavnirĭgi.

⁴⁹Im nam eni Novsūromon yemekompeligi ra nūrū sū yūi.

⁵⁰Kō ōveteme Isrēel dūmumpi nesesaū ūnōwanda ovasiven nufwaki ov nasimnalam mōveteme horogesah ra sĭti mirora dūmūvĭesesat Pol ĭm Barnabas, mūmūtuvilĭgun ora marugi nūrū sū isenda.

⁵¹Mirora dūmugkori navivon marugi nowonda iranda, mūmūve Ikonium.

⁵²Yemūvwarugi cvnūrie ugi navos ĭm Naviat Tumpora.