Read Sie Ovun Apostol 14 Bible Online

Ovun Apostol 14 - Sie bible

Ovun Apostol 14

¹Miroran dūrū dūmintorimpe ra nimo tavsogi enirora ōveteme Isrēel ra Ikonium mū mūnūwi nam sugkū ma sikat, semsimak tamas, ōveteme Isrēel, mōveteme Helene dūmūtavnirigi.

²Kō ōveteme Isrēel mon dūtū tavnirigi dūmorūn nakan punora ōvun nĭlevokevat mū mūtipe nakan ūnōwanda punora ravensieme.

³Im nempugon tantop irora dūmūtendōwi mūmūteseūwī nam ugi Novsūromon mori yemampesog nam mori ugi numpeleves eni; miyi yemumpūvsok ugi nam nelintugi isen momovun-ora-horog worumpi ovnumpūrak horog movnokisenepūp.

⁴Kō lō ra sĭti dūmūtavavwara nugkon dal ōveteme Isrēel, ĭm nugkon dal ōvun apostol.

⁵Im pol sugkū ōvun nĭlevōkovat mōveteme Isrēel movun natemonok isenda, dūmūnūwi mūmokū wampī se sat irora mantev ora ugi nevat,

⁶irora dūmūrĭgi mūmalō ra ōvun sĭti ra Likaonia, Listra ĭm Derbe, ra nūrū sū nagkaū ugi.

⁷Im yūi irora dūmūtorenūwi sah nam navosavos.

⁸Im sī neteme nōwumti Listra yemetesep, yumprokomolugi ūmrokeri, yetū mandakavan.

⁹Iyi yemorigi Pol yemenūwi nam mori: yemtopotneme iran, memokesi iyi yivi tavniri sugkūworeviēyōwara,

¹⁰memenūwi pugi navian sah memokū, Etūok metūrū ugi nowam.

¹¹Miyi yemiraū sah mavan. Im pol sugkū ov numpun lō dūmokesi imo mori Pol yemumpi irora dūmasora sah mūnūwi ugi nam isenda ōveteme Likaonia, ōvun nōbū sugkū sū ōveteme mūyep pugkos.

¹²Mirora dūmūnūwi mūmokū Barnabas Yūpiter, ĭm Pol Merkūrius, popōwo iyi yōvūm worenūwi nam.

¹³Oveteme mori dūm sokowar iran Yūpiter, ra nokorin sĭti yemetipe ōvun kūrimataū, mov neat ugi ovnovugon ra nugūn selat memokū, onumpi sokowar dal ovnetevokontū.

¹⁴Kō pol sugkū ōvun apostol Barnabas ĭm Pol dūmūrigi irora dūmūtevaseri ov nemas mūmalo ilevoteven tentūrū mumageri sah mūmūnūwi mūmoku, Ovragi, kĭmi kūmnumpi imo sū, irantie?

¹⁵Kam ōveteme sugkū kĭmi, mū mĭntorenūwi sah nam navosavos mū magkū pugkūm kwon torileki pugi Nōbū nomūrep mori yemetipe pokop mūnemap ĭm tok ĭm siame sū ra mumpon irora ĭm kwawisep imosū nindūavū:

¹⁶ra palsi sū itetūwi Iyi yemowi lō sū lō sū woravan ra selat sū enirora.

¹⁷Kō iyi yemasepen, numpūvsok iran ĭt iyi yemorūnumpi aremi, iyi yemurūn novug kos nevip mori yimne ūnpokop, mov nempugon dūmovūo, me movwarugi irant ugi nevag ĭm navosavos.

¹⁸Mirora dūmūnūwi Imo nam punora kō nugkugko iranda woretanti ov numpūn lō wcretūumpi sokowar iranda.

¹⁹Mōveteme Isrēel dūmūvelum yūi dūmne Antiok ĭm Ikonium, mirora dūmūsĭmpeligesi nam punora ovnumpūn lō mūmūtevi Pol gi nevat dūmūyēvi ratilat marugi sĭti mūmokū iyi yimas.

²⁰Kō ovnūrie dūmūteteliugi miyi yemtūok memtorileki ra sĭti, ĭm rat mran iyi yimpe ūndū Barnabas ra Derbe.

²¹Mirora dūmūtorenūwi sah nam navosavos punora mūmūtorora

²²ōvun nūrie sikat dūmūtorileki ra Listra ĭm Ikonium, ĭm Antiok, Mūmnumpi tavniri worenug ūnowanda ōvnurie mū movravsokonda woretindowi ūnam ugi tavniri, mūmūnūwi mūmokū kos kelenin torimpe ra lō eni Nōbū, ugi sokomūlep sikat.

²³Im pol sugkū dūmūtampol ora ōveteme talam nisekonda ra ōvun semsimak, mū mufwaki ugi ov netevokom, dūmūsenigi Novsūromon ugi irora mori irora dūmūtavnirĭgi iran.

²⁴Im penūri irora dūmnavan ilivoteven Pisidia dūmūvelum ra Pamfilia. Dūmūtorenūwi sah nam ra Perka numeyep ra Atalia;

²⁵mūmūsuki lō yūi mūmūve ra Antiok,

²⁶yūi mampūm yemetipe, irora itemas eni Nōbū worumpi numpūrak mori irora dūmū kompeli sū.

²⁷Im pol sugkū dūmūvelum mūsemsimokonda ra semsimak mūmūnūwi punora mūmokū ugin siame Nōbū yemumpi ugi irora, yemtīpelah buketampet ra tavniri punora lōsū nĭlevōkevat.

²⁸Mirora dūmūte dal irora ōvnūrie yūi dan sū sikat.