Read Sie Ovun Apostol 16 Bible Online

Ovun Apostol 16 - Sie bible

Ovun Apostol 16

¹Im Pol yempelum ra Derbe ĭm Lĭstra: ĭm sī nūrie yūi nin eni Timote, nitni isen sī nasiven ra Isrēel mori yemtavnirigi; kō itemen eni netemi Krik.

²Ravinsaieme ra Lĭstra ĭm Ikonium dūmumpūvsok aremī ugi.

³Im Pol yemakiugi iyi ampe ūndū; miyi yempī mumpi namon iran popōwo ugi ōveteme Isrēel ra nūrū sū yūi: ĭt irora omwisū dūmokili ma itemen eni neteme Krik.

⁴Mirora dūmavan ra sĭti sū, mūmūvun ora nam nempasiwugi woralekoleki, mori ōvun apostol movun tandeko ra Yerūsalem dūmūmūvī.

⁵Movun semsimak dūm nenug ugi tavniri, mo mūtin tandamsah dan sū.

⁶Im Pol sugkū irora dūmavan ra nūrū sū Frukia ĭm Kalasia ĭm Naviat Tumpora yemenūali punora woram ra Asia;

⁷irora dūmūvē ra Mīsia mūtapmi mūmokū wampe ra Bisinia; miyi Naviat Tumpora yetū tenimpe irora;

⁸mirora dūmavan tagkaū Mīsia mo mēyep ra Troas.

⁹Im Pol yemokesi nilasivrovora pumrok: Sī neteme Masedonia yemetūrū memesenĭgi memokū. Elum ra Masedonia mavoro kam.

¹⁰Im pol sugkū iyi yemokesi nilasivrivora mori, marimago iyi yemesorugi memokū wampe ra Masedonia, ĭt ka kūmōkū Novsuromon yemtamūlo kam woretorenūwi sah nam navosavos punora.

¹¹Im kam lōwi Troas ĭm livelum ra lō ra nugkon nūrū Samōtrasia, ĭm ratmran ra Niapolis;

¹²penūri ra Filipi sĭti ra nusian ra nugkon Masedonia yūi nugkon ōveteme Rōm dūmūtewi:

¹³ĭm kam letewi ra imo sĭti nugkon dan sū. Im danemindog kam live ratilat sĭti ra nokorin nintelep ra nūrū nufwaki; ĭm kam letesep ĭm lenūwi nam punora ovasiven mori semsimak dūmūve yūi.

¹⁴Im sī nasiven mori yivasi (ovenmas) teperesevo nin eni Lida, yemne ra Sīatīra memtevita iran Nōbū, iyi yorĭgi nam ĭm Novsūromon yemtīpelah nōwan isen miyi evendugugi nam Pol yemenūwi.

¹⁵Im pol sugkū iyi yevī baptiso iran mirora ra mumpon nimo eni sugkū, iyi yemesenīgi memokū, Nagku kūmokū itnesog tavniri sorūg iran Novsūromon ūvelum ra nimo sorūg mūtewi. Miyi yemifiwaro iramam.

¹⁶Mo metipū pol sugkū kam live worufwaki sī itnumpokon yevetet iramam ĭm nagelo sat yive iran moveteme mori iyi isenda dūmūrūnevi noete ugi nam isen.

¹⁷Miyi yemūri Pol ĭm kam mo moren novrugi sah me mokū, Irora imo ōveteme mori ōvun livsaū eni Nōbū Tantevakepe, ūmesesi pug kos selat nomūrep.

¹⁸Im iyi yemumpi imo dan sū sikat. Kō Pol yemorigi sat ugi memelagkaū memenūwi pugi nagelo sat memokū, Yakum nĭmpasi wug kĭk ra nin eni Iesū Krĭsto elum ilat mowi iyi. Marimago yivelum.

¹⁹Im pol sugkū irora iyi isenda dūmokili ūtūampi noete mōmū ugi iyi, irora dūmūlekavi Pol ĭm Sīlas mo mūtora punora ōvun natemonok ra nūrū nevasi.

²⁰Dūmūtipe irora ōniminda ōvun narisah mū mūnūwi mūmokū, ōveteme mori ūmūyugūr ora ra sĭti soret irora ōvun Isrēel.

²¹Mūmamperavsokonda ōvun netevarū tawi sugkū ōvun nam alam soret worevī kū worampi ĭt kos ōveteme Rōm.

²²Im numpūn lō omwisū dūmūtūok iranda; movun narisah dūtevaseri parokonda ov nemas isenda mūmūteliel ora woretipe toris iranda ugi ōvun telien nē.

²³Mirora dūmūrūn netipe toris sikat iranda mūmūsumpat ūnisog nimo nugkugko mumwalivat ūnowan nivūwo ra nimo worefinte irora ūnam.

²⁴Im popōwo iyi yivi nam sugkū, yemetipe irora ūnisog selevok ĭlevoteven memtavri mugi nē ra nowonda.

²⁵Im ratūnemis pūmrok Pol ĭm Sīlas dūmūfwaki mūmarūfo ves ov numplen Nōbū, movun nēeti mōmū ūnisog dūmūrig ora;

²⁶Marimago sī nomiok tamas yemugkeri pot nowon nimo, marimago ōvun buketampet dūtin tīpelah, mov nelegi ra irora omwisū dūtin sūli.

²⁷Miyi nivūwo yemevsora marugi nalēepo me mokes ora ōvun buketampet tī pelah, me mesepen nerevene sah sord isen momokū woresepen talugi iyi, popōwo yemokū ōveteme ra mumpon nimo dūmalo.

²⁸Kō Pol yemovrugi sah iyi memokū, Etusepen numpi nug kugko iram, popōwo kam omwisū igko.

²⁹Miyi yemovrugi tovūni me miraū sah ūnisog, mumevokorokora, me mesepen numol ūniminda Pol im Silas.

³⁰Miyi yemtor ora ratilat, memtagkel ora mekū, Ovnarisah sie ya konumpi worovo yaū ēyōwara? Mirora dūtamsi pugi mūmokū,

³¹Tavnirigi iran Novsūromon Iesu Krĭsto, am kĭk ēyōwara, kĭk mirora ra mumpon nimo sorum sugkū.

³²Mirora dūmūnūwi pugi nam eni Novsūromon, ĭm pun ora sū ra muni pon nimo isen.

³³Miyi yivi irora ra nempugon pūmrok mori me morowugi toris iranda, mempi baptisma iran, iyi mirora sū isen sugkū,

³⁴miyi yemtorora ra nimo isen memovun ora nevag me movosūwi, mirora sū ra mumpon nimo isen mementavnirĭgi iran Nōbū.

³⁵Im prūbokom ōvun narisah dūtamūlora ōveteme, mūnōnūwi mūnokū, Utenimpe ōveteme mori.

³⁶Miyi nivūwo yemenūwi nam pugi Pol, memokū Ovun narsah ūtamūli nam mokū ontemĭmpe kĭmi; marima popōwo imo sugkū, Uve ra ninparata.

³⁷Kō Pol yemenūwi pun ora nemokū, Irora dūmūrin netepe toris iramam ūnimĭnida ōveteme mūtūnūwi moku sī sat iramam, kam ōveteme Rom, irora ūkipe kam ūnisog nimo nugkugko, ĭm marima ūmagkū wonteveligun kam mantiumpene; Eyin, tawi, irora wampelum, montoro kam ilat.

³⁸Mōveteme mori dūmūnūwi imo nam pun ora ōvun narisah, mirora dūmūmtitugi pol sugkū dūmūrigi irora ōveteme Rom.

³⁹Mirora dūmūvelum mu mūsenig ora, mo mūtorora ratilat, mū makīugi irora woram sĭti.

⁴⁰Mirora dūmūve ratilat morugi nimo nugkugko, mō mūntorimpe ra isenwi Lĭda; ĭm pol sugkū irora dūmokesora ravensīeme, dūmūnūavsokonda mōūmpe.