Read Sie Ovun Apostol 21 Bible Online

Ovun Apostol 21 - Sie bible

Ovun Apostol 21

¹Im kam lempase wokonda ĭm live ĭm lavan nugko ra nūrū Koos ĭm rat mran livelum ra Rodes, penūri lefeli ra Patara.

²Im vūi kam lokesi sī lō umampe ra Ferugi, ĭm kam lesuki ĭm live.

³Im lokesi Sīprus isūt ĭm lenavango ra nokoren moor lefeli ra Sĭria, mo mesenti ikeri ra Tīr, popōwo lō yimowi yūi ovnōēte ra numpon.

⁴Im kam leserokonda ovnūrie, ĭm lete yūi dan sū seven; mirora dūmūnūwi pugi Pol ugi Naviat, tawi woretūsah ra Yerūsalem.

⁵Isūma dan sū mori, kam loĭm lavan; mirora sū dūmuvlūsento kam dal ovasiven movalalaū mafeli ratilat sĭti; ĭm kam lisenumpūneteren ikeri ĭm lofwaki.

⁶Im kam sū loīmlisuki lō mirora dūmūtorĭleki isendwi.

⁷Im kam lōwi Tīr ĭm live ra nūrū Toleme isūma navan ran tok, loĭmlempasi wokonda rapmamsīeme soreman ĭm lōrokote lap sī dan dal irora.

⁸Im rat mran kam live ra Sesaria ĭm letorimpe ra nimo eni Fĭlĭp neteme tasūmperi nam ĭm sī ra irora seven, im lōvokote dal iyi.

⁹Ovun netnime isen ĭtnumpokon devat mirora dūmūnūwi nam ugi Naviat Tumpora.

¹⁰Im kam lete yūi dansū sikat, ĭm sī neteme yemne ra Yūdia, nin isen Akabus.

¹¹Yivelum pugkam, miyi yivi netoeti gi eni Pol, me mesepen neēti nowon ĭm nokoven isen memenūwi memokū, Naviat Tumpora umanūwi memagkū, ōveteme Isrēel ra Yerūsalem wīeti neteme sugku mori emantipe isen imō netoetigi, mirora wantipe ra nokovenda isenda lō sū isenda nelebokevat.

¹²Im pol sugkū kam lorigi imō sū kam lenūavsogi, kam-mirora ra nūrū yūi, ĭm lokū iyi otū osah ra Yerūsalem.

¹³Kō Pol yemtamse memenūwi memokū, sie kūmnumpi kūm nageri mūmagkū worareki nowag kū? Tawi woreti neēti wokon, kō yaū tavesves ra Yerūsalem popōwo ugi nin eni Novsūromon Iesū.

¹⁴Im pol sugkū iyi yetūrĭgi kam, kam Eteteven ĭm lokū umpi tarū isen Novūromon.

¹⁵Penūri dan sū mori kam livī ōvun kar sorenam ĭm lisah ra Yerūsalem.

¹⁶Im nugkon ra ovnūrie ra Sesaria dūmne dal kam, mūmūtori sī ĭm lokū kam landekote dal iyi neteme Sīprus, nin isen Nason, nūrie nūmpūmetūo.

¹⁷Im kam livelum ra Yerūsalem mirora ravinsīeme dūmūvī kam ugi navos.

¹⁸Im rat mran Pol yive ūnisog dal kam pugi Iakobo; movun tavsogi omwisū dūmūvelum sugkū.

¹⁹Miyi yemempasiwokonda me ĭmtampigi pun ora ra nator ugi siame mori Nōbū yemumpi ra lō sū nelebokevat ugi torugat isen.

²⁰Im pol sugkū irora dūmūrigi dūmūarūfoves numplin Novsūromon mirora dūmūnūwi pugi mūmokū, kĭk emagesi apmamsī, ūmante ōvun taūsan sikat ōveteme Isrēel mori ūmintavnirĭgi, mirora, sū ēmasiugi nam alam.

²¹Dūmūnūwi pun ora ugi kĭk mūmokū, kĭk emintavsokonda ōveteme Isrēel omwisū mori ūmantindowi ra lō sū ilebokevat worowi Moses, ma ĭm menūwi pun ora memokū, ūtū wonumpi namon iranda ov alalaū isenda, kū worumpi sugkū ov netavarū.

²²Kemagkū sie? Sī semsimak wosemsimokonda, ĭt irora wandigi kĭk okovelum.

²³Umpi sugkū ka kĭm lenūwi pug kĭk, ōveteme devat igko; dūtūsūlora ugi sī nam ūnam isenda;

²⁴Torora ĭm sindumsi kĭk dal irora, mem pasi siame ra sokowar nisekonda, mirora wonovi novlimpūnda; momwisū wagkili ma nam dūmūnūwi pun ora ugi kĭk, tawi itnesog; kō kĭk umnavan nugko ugi nam alam.

²⁵Kam letiyi nam ugi lō sū nĭlebōkevat, umuntavnirigi, ma irora ūtū onalekoleki imosū kō wasepen nafinte irora marugin tiame maleki iran,

²⁶mo marugi tampalaū Rat mran Pol yivi ōveteme mori mem esepen sindumsi iyi dal irora momentorimpe ra Tempel dal irora, woresesi pun ora isūma nempugon omwisū woresepen sindumsi irora, ĭm popōwo imo sugkū wonumpi sokowar nisekonda omwisū.

²⁷Im pol sugkū dansū seven potipot isūma, ōveteme Isrēel mori dūmne ra Esia dūmokesi iyi ūnisog nimo tumpora, mūmupe nakan iranda numpun omwisū mfimūlekavi iyi Mūmūvrugi sah mūmokū,

²⁸Ovragi ōveteme Isrēel, wavore kam Iyi neteme mori emintavsokonda lō sū ra nūrū sū iranda netevokontū, ĭm nam alam, ĭm imo nūrū; miyi yemumpi nōmū, popōwo iyi yemtorora ōveteme Helas ūnisog tempel igko, memumpi nelĭlūo imo nūrū tumpora.

²⁹It irora dūpmokesi Trofimas neteme Efesus ra sĭti ūndū iyi mirora dūmokū Pol yemtori iyi ūnisog tempel.

³⁰Omwisū ra sĭti dūmūtūok, mōveteme dūmavlis mūmū semsimokonda; mirora dūmōvī Pol, momūyevi ratilat marugi tempel; marimago dūmūsumpat ōvun buketampet.

³¹Im polekū dūmokū wontalugi iyi, Natemonok Hĭliark ra ōvun telienlo ubrami yemorigi nam dūmū sumpelūlye omwisū ra Yerūsalem.

³²Marimago iyi yemtorora ōvun talienlō movun sentūrion isenda, mū malo iranda; ĭm pol sugkū irora dūmokosora, Hĭliark mōveteme ūbrami dūmūwi mūtūtī Pol.

³³Hĭliark yamumpotipot ĭmpī iyi memenūwi mokū wĭeti ugi ĭtyen dūrū, memtagkelora me mokū me iyi mō, ĭm sie iyi yemumpi.

³⁴Im nugkoneme ra ov numpun lō dūmūvrugi sah mūmokū ugi sī, ĭm nugkoneme sī; miyi yetūkili aremī popōwo ugi nesesau, memteliel ora woretori mūsah ra mumpon nimo horog.

³⁵Im pol sugkū iyi yisah ra norĭvsaū, yeti nuriuki sah iyi ōvun umpako popowo ugi nokopeti tamas isenda ov numpun lō.

³⁶It sī numpūn lō tamas dūmūri numprokovrugi sah mūmokū, Uvīpelah iyi.

³⁷Im pol sugkū dūmumpotipot woretori Pol ra mumpon nimo horog, iyi yemtagkeli Hĭliark memokū, ya anūwi sī nam punok kū? Miyi yemtagkeli memokū, kĭk emagkili nam Krik kū?

³⁸Im kĭk tawi neteme Ityĭpt mori etūĭ sumpūi lō memtorora oveteme for taōsan ra nūrū wokon ōveteme talugi.

³⁹Pol yemenūwi memokū, yaū neteme Isrēel ra Tarsus, ra Silisia, neteme ra sĭti horogesah; ĭm ya kum nesi-nugkĭk, Tenimpe yaū worenūwi pun ora netevokontū.

⁴⁰Miyi yemokū iyi onumpi sugkū, ĭm Pol yemetūrū ra norĭvsaū mo ĭm tinakevokev ora. Im pol sugkū yeti ninparata tamas, iyi yemenūwi pun ora ugi nam Hibrū, memokū,