Read Sie Ovun Apostol 24 Bible Online

Ovun Apostol 24 - Sie bible

Ovun Apostol 24

¹Penūri dan sūkrim Ananīas potni sokowar yemeyep dal ōveteme talam ĭm Tertulus sī neteme tasūmperi nam alam; mirora dūmūnūwi pugi kuvnur iran Pol.

²Yem movrugi ĭm Tertulus yimati potni worevriuri, memenūwi memokū, Felĭks numposeti, ka kem lampī ninparata ves ugi kĭk, kemandūn numpi ōvnumpūrak ves nisekon imo lō ugi nointanwi ves sorum;

³Ka kĭm lanroī nempugon sū, ĭm ra nūrū sū ĭm len umpalugi.

⁴Kō ma ya otū yugūrok ugi nam, ya kum nesinugkĭk worevandagugkam ugi potikon nam, ugi tanepo ves sorum.

⁵Popōwo kam lokesi imo neteme navoret, memamsi pī en tan lō ra ōveteme Isrēel ra nūrū sū nūrū sū, ĭm sī natemonok isenda umnari neteme Nasaret.

⁶Miyi yemokū worugkini nimo tumpora, ĭm kam livī iyi, ĭm lokū worūrian iran ugi nam alam soremam,

⁷Kō Lisias Hĭliark yivelum iramam mempi iyi parugkam ugi nugkugko,

⁸Mempasewokonda mori dūmūvievri iyi worevelum pugkĭk; ĭm pol sugkū kĭk onūrian kagkili ugi imo sū mori ka kĭm lamperi iran.

⁹Oveteme Isrēel dūmūteeūī, mūmokū, imo sū sugkū.

¹⁰Im Pol nempugon kuvnur yemtenevokeve iyi memokū iyi anūwi, yemtamsi memenūwi memokū, ya kum magkili ma kĭk natemonok nurian isenda imo lō sikat, ya umnavos ugi memesepen arē irag.

¹¹Kemagkili, dan sū twelv wokon marugi nempugon yaū nisah ra Yerūsalem woretivita.

¹²Mirora dūtokesi yaū mesemsi sī neteme, kū mūsumpūwi lō ūnisog nimo, tumpora, kū ra nimo tavsogi, kū ra sĭti.

¹³Mirora tawi faneteme woresesūī nam ĭmo sū mori irora ūmampievri ugi yaū.

¹⁴Ko ya kum mentesūī imo pug kĭk memagkū, ya kum mentivita iran Nōbū isenda ritemendemi ugi selat mori irora ūmanūwi magkū semsimak sī, mementavnirĭgi siame ra mumpon namalam mōvun profet.

¹⁵Im ya kum mentametemetugi ra Nōbū, mirora ūmentevetūī sugkū, mumampelum nivsorasah marugi nemas, mōveteme tanepo, mōvun nareki sat wontūok.

¹⁶Im ya kum andūn umpi imo, ya umnavles ugi tarū sū ūnōwag ugi siame sū worefinte sū aremī ūnĭmpi eni Nōbū mōveteme.

¹⁷Penūri nevi sikat ya okovelum woruriuki ov numpeleves ĭm ōvun itemas pun ora lō sorug.

¹⁸Mugi imo sū nugkon ōveteme Isrēel mori dūmne Esia dokesi yaū setevives ūnisog nimo tumpora, tawi dal sī numpūnlō, ku ugi nesesaū,

¹⁹Aremī irora pūvelum ūnimtum mūvievri nagkū dōkū ugi sī se sī irag.

²⁰Kū irora mo igko marima aremī irora ūmanūwi nagkū dokesi sī sat irag nempugon yaū metūrū ūniminda ra naūor.

²¹Kū en tawi ugi imo nam siteven mori yaū menūwi sah nempugon yaū metūrū dal irora, Kūmnūrian irag ire popōwo ugi nivsorasah marugi nemas.

²²Feliks yemorĭgi imo sū ĭm popōwo iyi yemokili ugi selat mori, iyi yememenūwi ugi dan sī memokū, nempugon Lisias Hĭliark iyep, ya agkili sū ugi imo sū ugi kĭmi.

²³Miyi yemtelieli sentūrion worefinte Pol, metū ēeti iyi, metūnūali pun ora ravineme isen woretorugat iran, kū woretapmetūives iran.

²⁴Penūri nugkon dan Feliks yivelum ūndū Drusila retepon isen, nasiven Isrēel, iyi yemorigi Pol me morĭgi nam ugi tavniri iran Krĭsto.

²⁵Im nempugon Pol yemasūmperi ugin tanepo, ĭm nilasiven ves, ĭm nūrian umampelum, Feliks yememtetugi, memenūwi memokū, Elakeve, Isūma marima, nempugon sī ya ōmamperug kĭk.

²⁶Miyi yemesepen nakiugi magkū Pol ampugi muni, ma iyi osūli iyi; popōwo imo sugkū iyi yemorun ovrugi, memtampi ūndū.

²⁷Penūri nevi endūrū Porsius-Festus yemtamnemug Feliks; ĭm popōwo Feliks yemokū iyi onumpi navos nisekonda ōveteme Isrēel iyi yemowi Pol nēeti.