Read Sie Ovun Apostol 25 Bible Online

Ovun Apostol 25 - Sie bible

Ovun Apostol 25

¹Im popōwo imo sugku Festus yivelum ra nūrū mori, ĭm penūri dan desel yemsah ra Yerūsalem memne ra Sesaria.

²Potni sokowar mōveteme horogesah ra Isrēel dūmūsesi pugi ugi Pol, mūmusenigi iyi iran,

³mū makīugi numpeleves, mūmokū iyi ontamūii montori ra Yerūsalem, mirora dūmokū wosenteri iyi ra selat montalugi.

⁴Im Festus yemenūwi memokū, Pol antĭndowi ra Sesaria, miyi pe iyi ampe yūi.

⁵Irora ra kĭmi, horog esah, wīyep dal (yaū) mampievri imo neteme, nagkū sī se sī iran.

⁶Miyi yemorokotewi dan narolim dal irora, miyep ra Sesaria; ĭm rat mran yemetesep ra potnumpūtūwo nūrian memenūwi memokū wontori Pol.

⁷Miyi yivelum, mōveteme Isrēel mori dūmyep ra. Yerūsalem dūmūteteliugi, mūmūnūwi mūmokū ugi sikat nugkugko iran Pol, kō irora dūtū faneteme worampesog nam isenda.

⁸Miyi yemtamsi memenūwi memokū yaū metū umpi sī sat iran ugi nam alam isenda ōveteme Isrēel, kū tempel, kū ra Sesaria.

⁹Kō Festus yemokū iyi onumpi navos nisekonda ōveteme Isrēel memtagkeli Pol memokū, kĭk umagkū aremī kosah ra Yerūsalem ĭm yūi woreti nūrian iram ugi imo bū ūnimtūg kū?

¹⁰Pol yemtamsi memenūwi memokū, ya kum mantūrū ra nokorin potnumpūtūwo nūrian isen Sisar, ugi tanepo worūrian ĭgko: yaū metū umpi sī se sī iranda ōveteme Isrēel ĭm kĭk emagkili imo sugkū.

¹¹Nagkū yaū narekindi, nagkū yaū noworepateve tovuni nemas ya kotū asiugi nomūrep sorūg; kō nagkū tawi sī fan ugi imo sū irora ūmanūwi irag, tawi sī faneteme woretalokoyaū; ya kum nesenigi Sisar.

¹²Festus yemenūwi nam dal ōveteme ra naūor isen memenūwi memokū, Kosenigi Sisar, kĭk ampe pugi Sisar.

¹³Penūri nugkon dan Akripa Natemonok ra nusian, im Bernīse dūmūvelum ra Sesaria worempasiwugi Festus.

¹⁴Irora dūmūtewi yūi, ĭm Festus yemenūwi pugi Natemonok ugi Pol, memokū, sī neteme mori Feliks yemowi nēeti;

¹⁵Im nempugon yaū ra Yerūsalem, ōvun potni sokowar, mōveteme talam ra Isrēel dūnūwi ugi, mūmūsengi gi nam nurian iran.

¹⁶Im yaū mtamsi memenūwi pun ora memokū, ōveteme Rōm ūtūmmun tenimpe sī neteme ra nemas nagkū irora mori dūmūvievri iran dūtūvelum ūnipmi isen miyi ūnimint, ma osemsempari iran marugi nevievri.

¹⁷Sugkū mirora dūmūvelum igko marimago rat mran yaūmetesep ra potnurapūtūwo nurian memenūwi memokū, wontori neteme mori.

¹⁸Mirora mori dūmūvievri iyi dūmūtūok, mūmūnūwi ugi siame sugkū yaū metū memokū ugi;

¹⁹Irora dūmokū ugi siame ugi tevita isenda, mugi sī neteme nin Isen Iesū, mori yimas, kō Pol yemtesūi memokū, iyi umnomūrep Kō yaū tavrivri ugi imo sū,

²⁰me imtagkeli nagkū iyi ampe ra Yerūsalem, mō men nūrian iran ugi imo sū yūi.

²¹Kō Pol yemesengi morefĭnte iyi ma iyi Akustus onūrian iran, yaū menūwi memokū wafĭnte iyi mafeli nempugon ya ontamūli pugi Sisar.

²²Im Akripa yemenūwi pugi Festus memokū, Yakum nakiugi wororigi neteme mori. Miyi yemenūwi pugi memokū, Mran kĭk andigi.

²³Im rat mran, pol sugkū Akripa ĭm Bernise dūmūvelum ugi nilaswi tamas isenda mū mūvelum ūnisog silebokeves nūrian, dal ōvun hĭliark, mōveteme horogesah ra sĭti; Festus yempasiwugi mūmūtori Pol ūniminda.

²⁴Im Festus yemenūwi memokū, Akripa Natemonok ra nūsian, mōveteme omwisū igko marima dal kam, kĭmi kūmagesi imo neteme, mori oveteme sū Isrēel dūmūnūwi po yaū mūmokū ugi, ra Yerūsalem ĭm ra nūrū igko dūmūvrugi sah mūmokū tawi aremi iyi amūrep,

²⁵Kō yaū metokesi iyi umnoworepatevi tovuni nemas, miyi yemesenigi Akustus, ĭm yaū mokū ya ontamūli iyi pugi.

²⁶Im popōwo ya otū-magkili sī nam woretīyi ugi iyi, pugi Natemonok ya otori iyi ire ūnimetemi, mūnimtum kĭk Akripa Natemonok ra nusian, mokū, penūri nurian, ya agkili nam woretīyi.

²⁷Popōwo yaū mokū sempia woretampi sī neteme nēeti, metū anūwi ugi mori dūmūnūwi iran.