Read Sie Ovun Apostol 27 Bible Online

Ovun Apostol 27 - Sie bible

Ovun Apostol 27

¹Im nempugon dūmokū ka ke lampe Italia ra lō, dūmūvugi hĭliark, nin isen Yūleus, ra telien lō isen Okustus.

²Pol mōveteme nēeti mōmū. Im kam lisūki lō mori yimne ra Adramitum, ĭm lokū lenavan go ra nokoren Esia; ĭm Aristarkus, neteme ra Masedonia Tesealonĭka, dal kam.

³Im dan penūri kam livelum ra Sīdon. Im Yūleus yemumpeleves iran Pol yemokū ampelah pun ora ravineme isen woretapmet ves.

⁴Im kam lawi nūrū yūi, ĭm live potipot Sĭprus, popōwo lise nipmi nimetagi.

⁵Lavan ran tan tok ra Silisia ĭm Pamfilia ĭm livelum ra Mīra ra Lisia.

⁶Hĭliark yemokesi yūi sī lō ra Aleksandria yive woreve ra Italia; memetipe kam ra mumpon.

⁷Im pol sugkū kam lavan ilepalam ūremis sikat en dan, ĭm yetuvelum potipot Nīdus, popōwo nimetagi ūr, kam lavan ra nokoren Krit ampiete Salmone.

⁸Im kam liseleūwigi ugi nugkugko ĭm livelum ra sī nūrū nin, Novasap Aremī potipot sĭti Lasīa.

⁹Penūri nempugon tantop ĭm isūma nemorinū (ĭm popōwo nempugon netevokom isūma), Pol yemenūavsokonda,

¹⁰memokū, Ovragi, ya kum magkū navan soret anti ugi nesorū ĭm nokimi tamas ra lo, ĭm nōeti ra mumpon, mirant naviat sū soret.

¹¹Kō hĭliark yemtavnirigi nam eni kapen, ĭm neteme isen lō, mōmū ra nam mori Pol yemenūwi.

¹²Im popōwo Novasap vilik woretĭndowi ūnisog ra nakas, nugkoneme mōmū tamas dūmūnūwi mūmokū wawi nūrū yūi, monagalaū mampe mafeli ra Fenīke worete yūi ra nakas sī novasap ra nūrū Krit, mori devse empak ĭm natūga.

¹³Natūga yemelimsi ūremis miroran dūmokū ovĭ nakiugi isenda, mumamsi agkur mumavan potipotūgo Krit.

¹⁴Kō nempugon lap yivelum noroetū nūsian, yemelekavi lō,

¹⁵mori tawi faneteme waravango ĭm se nimetagi, kam lintenĭmpe.

¹⁶Im lenalō ĭm livelum ra nokorin sī īland vilik nin Kloda; ĭm kam lenatekisah agalaū worefinte bōt, mori dūmūriuki sah ra mumpon lō,

¹⁷mumūvī ōvun rōp mū mūiti lō nagkaū ugi ratilat; dūmamtetugi wamol ra ekeri ūr, dūmūvīsep sel ĭmīlūo mūmalo Bugkū.

¹⁸Im dan penūri tok yem tōkintan tamas iramam mirora dūmumpi lō narevareve mōmū.

¹⁹Im dan desel kam lintafugi ugi nokobmam ov nūrah ra lō.

²⁰Nipminin kū mosi yetūratumpeni dan mōmū, ĭm tamas simpesimpe, dūmokū ka kelamas.

²¹Penūri netevokom nempugon tantop Pol yemtūok ileboteven irora memenūwi memokū, Ovragi, aremī kipū sendiuki yaū, ĭm kūtūwi Krit, petūtepū irami imō nesorū ĭm nōēti ugi netivavtiti.

²²Marima, ya umamavsog kūm memagkū wavosūwi, popōwo tawi sī ra kĭmi ampiugki nomūrep isen, kō lō wokon.

²³Popōwo yemetūrū ra nakorig pūmrok sī nagelo isen Nōbū mori yaū isen ĭm ya kum mintorugat iran,

²⁴memenūwi po yaū memokū Etumtetugi Pol; wontori ūnĭpmi isen Sisar; morigi, Nōbū ovunok irora sū ra lō dal kĭk.

²⁵Popōwo imo sugkū, ovragi, wavosūwi; popōwo ya kum mintavnirĭgi Nōbū ma anti sugkū onūwi po yaū.

²⁶Kō lintorimpiugkos ra sī iland.

²⁷Im pūmrok fortin, letin telesokam movolagkaū ran tan tok Adria sugkū, ratūnemis ōvun lĭvsaū ra lō dūmokū dūmpotipot ra sī nūrū;

²⁸mirora dū mategap mū mokili twenti fadom; dūmūve virok mōmū, dūmategap mū mokili fĭftin fadom.

²⁹Mirora dūmtetugi wororkūve numpun nētokū, mū mūvkisep agkur devat kitanlō, mū makīugi dan.

³⁰Ovun lĭvsaū dūmokū wonalo mawi lō mū mūtesep bōt ran tok, sugkū nagkū dūmokū worovkisep ōvun agkur ra nete lale;

³¹Pol yemenūwi pugi hĭliark, ĭm pun ora ōvun telienlō memokū, ūtūamkūm mēyōwara nagkū iroramo mawi lō.

³²Movun telien lō dūtantevi rōp ra bōt, ĭm bōt yemorokī.

³³Im nempugon dan yetuvelum Pol yemesenigora memokū woneni nevag, memunūwi memokū, Ire dan sū fortin kūmante wumkūmetovokorn, kūm ūtū oni.

³⁴Popōwo imo sugkū ya kum manūwi pug kūm memagkū, kwoneni; popōwo aremī nisekomi; otū amol sī novli numpūmi ra kĭmi.

³⁵Im pol sugkū iyi yemenūwi imo,, iyi yivi yoūp, memupalug iran Nōbū ūniminda sū, memorūsevi, me mati potni woreni.

³⁶Im omwisū dūmavos mirora sū dūmūvĭ nevag sugkū:

³⁷Im kam omwisū tū hunder ĭm sevente-siks ra lō (mori).

³⁸Im pol sugkū yemtalira dūmumpi lō narevareve mū mūtafugi whit rantok.

³⁹Im prubokom, dūmūtūkili nūrū, kō dūmokesi novasap vilik, mirora dūmūnūwi mūmokū, nagkū irora faneteme wantipe ikeri lō.

⁴⁰Mirora dūmūtantevi ōvun rōp ra agkur, dōtenimpe ran tok mūmūsūli rōp worēeti nivūwo worevi lō, mō mūreveni sah mēn-sēl ra nimetagi mūsenti ikeri.

⁴¹Im lō yive ra nūrū ra token tan yemavitit mirora dūtipe lō ra ikeri, numpūn nugon ra nete nale metū mēeliel, mō metindowi ūnam, kō lō kitan yetin neravlugi ugi nimpiaū horog.

⁴²Ovun telienlō dūmūnūwi mūmokū wontalokonda ōveteme nēeti, kū nugkon ra irora wandokī, mō menalō.

⁴³Kō hĭliark yemakiugi woreviēyōwara Pol, yemenūamwūs pun ora; mempasiwo konda mori dūmūkili nōrōkī, workepe ran tok wampūm mosah ikeri:

⁴⁴mirora mōmū, nugkon ra ovlugkon bōrd, ĭm nugon ra nivlugkon lō. Mirora sū dūmūtavtūrū ikeri sugkū, mō momūrip omwisū.