Read Sie Ovun Apostol 28 Bible Online

Ovun Apostol 28 - Sie bible

Ovun Apostol 28

¹Im nempugon vemumkorēyōwara irora dūmūkili iland nin Melita.

²Mōveteme domo yūi dūmūrūn umpelevis iramam, ĭt irora dūtovni nom mo muvi kam omwisū,

³popōwo ugi nebib ĭm neteponta. Im pol sugkū Pol yemarōkĭ mō metipe ra nom, sī neskil, iteobuki yimne ra nom me mamplet ra nokoven isen.

⁴Movun domo yūi dūmokesi nūrah mamplet ra nokoven, mūmūsepen enūwi pun ora mūmokū, itnesog iyi mori neteme talugi, vetūmas ran tok, kō umetampenigi iran ugi tanepo woretō omūrep.

⁵Miyi yemugkeri nurah ra nom, metūvī nesorū ugi.

⁶Kō irora dūmūtevetūwi mūmokū iyi onalam, kū amol itnum mamas; dūmūtevetūwi nempugon tantop, mōtokesi sī yivelum iran dūmovoli tarū isenda mūmūnūwi mūmokū iyi sī nōbū.

⁷Im potipot yūi esenwi ĭm nūrū isen neteme isenda nin eni Puplius; miyi yemtoro kam mamafinte aremī dan desel.

⁸Itemen Puplius yemale yamarat ugi mamri mūnisog ugi de ĭm Pol yive ūnisog nimo pugi, memufwaki memetipe nokoven isen iran, memumpi horigeves;

⁹Penūri yemumpi imo, mōmū sugkū mori dūvī ōvun namarat iranda ra iland, dūvelum mū mōvī horigeves;

¹⁰Mirora dūmūvīkaves nempugon sikat mūmō sesi e ves ugi kam; ĭm pol sugkū kam live, dūmūvugkam siame sū aremī nisekomam.

¹¹Penūri itīs en desel kam live ra sī lō ra Aleksandria mori yemete ra ĭland ra nakas, safi lō mori, Dios-kūre.

¹²Im kam lisah ikeri Sīrakūsa mū morokote dan desel.

¹³Im kam lowi nūrū yūi ĭm lenagkaū ra Rekium; ĭm penūri sī dan natūga yemelimse ĭm kam live dūrūgi ra Potiolĭs.

¹⁴Im kam lokesi ravinsīeme yūi mori dūmūtantokam worete dal irora dan seven: Im kam live ra Rōm.

¹⁵Ravinsīeme yūi dūmūrĭgi ugi kam dūmne yūi mūmūvelum (worevtit iramam) mefeli nūrū Apii Kotum, ĭm Tres Taberūa; ĭm pol sugkū Pol yemokesora yemumpalugi iran Nōbū memtorugat ugi naviat eni.

¹⁶Im nempugon kam live Rōm sentūrion yemovugi Natemonok ōvun telienlō, ōveteme nēeti; kō yemenūwi magkū, Pol antindowi wokon, kō sī ūndū neteme ūbrami mori yemaveles iran.

¹⁷Im penūri dan desel Pol yemovrokonda ov natemonok isenda ōveteme Isrēel, ĭm nempugon irora dūmūsemsimokonda, iyi yemenūwi pun ora memokū, Oveteme ravūgsīeme, yaū metū umpi sī se sī iranda ovnetevokontū, kū ov netevarū isenda ritemendemi soret, mūmūtipe yaū nēeti ra nokovenda ōveteme Rom ra Jerūsalem.

¹⁸Im nempugon dūmūrian irag dūmakiugi woresuli yaū, popōwo yaū metū worepatevi tovuni nemas;

¹⁹Kō popōwo ōveteme Isrēel dūmūtīepe nam, dūmūmpi yaū woresenigi Sisar; kō tawi sugkū nagkū yaū mevrievri lō sorūg ugi sī se sī.

²⁰Popōwo ugi imo ya kovrug kūm, worokos kūm, manūwi pug kūm, popōwo ugi netemetemeugi ves isenda ōveteme Isrēel nēeti ugi imo ĭtyēn.

²¹Mirora dūmūnūwi pugi memokū, kam letūvī ōvun netiyi marugi Yūdia ugi kĭk, ĭm ravinsīeme mori dūmūvelum dūtūnūwi sī sat iram, kū sī nam ugi kĭk.

²²Kō ka kĭm lagkū aremi wororug kĭk, ĭm lagkili tarū sorum ugi semsimak mori; popōwo ka kĭm lagkili ōveteme ra nūrū sū ūtūmanūwi aremi ugi.

²³Mirora dūmūnūwi mūmokū ugi sī dan, worevelum pugi, mimora dūmūvelum pugi ĭm mōmū dal ra nimo isen, Miyi yemenūasūmperi nampunoramōĭmtesūĭ sū ugi lō eni Nōbū, momentavsokonda ugi siame isen Iesu, ra mumpon nam alam eni Mōses, movun profet marugi prūbrokom mafeli poarap.

²⁴Im nugkon dūmūtavnirigi nam iyi yemenūwi, kō nugkon dūtū tavnirigi.

²⁵Im pol sugkū dūtū mokū ugi tarū siteven, dūmūve pelah, ĭm Pol yemenūwi aveni memokū, Naviat Tumpora yemenūwi ves ugi Iseya profet pun ora retemindeme,

²⁶Me mokū, Eve pun ora imo lō menūwi mokū, Kĭmi kwandigi ugi telegomi mūtūwagkili; kĭmi kwagesi ugi nimetemi kūmūtū onelavenūri;

²⁷It nowanda imo netevokontū oti nugkugko, mugi telegonda dūmūmgol, mirora dūmūsumpat niminda, ma sugkū ūtū wagisi ugi niminda, mūtū mandigi ugi telegonda, magkili ūnōwanda, mū mūvoli irora, ĭm ya am kororigives.

²⁸Popōwo imō sugkū ūkili manēyōwaraeni Nōbū umen tamūli pun ora lō sū nĭlebokevat mirora wandigi.

²⁹Iyi yemenūwi imo sū mōveteme Isrēel dūmūve, mū mūsepen enūwi nam tamas pun ora.

³⁰Im Pol yemetĭndōwi nevi en dūrū ra nimo isen mori iyi yivasi lap nisekon, mo mūvĭ irora sū mori dūmūvelum pugi.

³¹Memenūwi sah memokū ugi lō eni Nōbū, mō imtavsokonda ugi horog siamesū ugi (Iesū Krĭstō) Novsūromon, ĭm tawi sī yemenūali pugi.