Read Sie Ovun Apostol 5 Bible Online

Ovun Apostol 5 - Sie bible

Ovun Apostol 5

¹Kō sī neteme nin isen Ananĭus, ĭm Safīra retepon ūndū iyi yisevasi sī nūrū,

²miyi yemesiugi nugkon nipmi, ĭm retepon eni yemokili ugi, mempi nugkon metipe ūnokoren nowonda ōvun apostol.

³Im Piter yemenūwi pugi memokū, Ananĭus irasie Sētan ovūwara ūnōwam ma kempirigi Naviat Tumpora memasiugi nugkon nĭmpi nūrū mori?

⁴Pol sugkū kĭmetūvasi, yemeti sorūm, kū? ĭm pol sugkū kĭmpasi nipmi mori yeti sorūm kū? Sie mori kĭk otipe ūnōwam? kĭk otūnūwi namli punora ōveteme kō pugi Nōbū.

⁵Ananĭus yemorigi imo nam yemumol, yumti nesūmsah: ĭm omwisū mori dūmūrigi ugi dūmetet.

⁶Mōvun neviarep dūmūtūok mumovsin iyi mūmūriuki ratilat mūmūtĭneme.

⁷Penuri imo sugkū aūr endesel retepon eni yivelum ūnisog miyi yetūrigi ugi pe mori.

⁸Im Piter yemtagkeli memokū, Enūwi po yaū kĭmūvasi nūrū kūvī nipmi omwisū mori kū? Miyi yemtamsi memokū, monokowo, omwisū nipmi mori.

⁹Im Piter yemenūwi pugi memokū, Nokowo imo kĭmi ugi tarū siteven kūmokū kwontapmi Naviat eni Novsuromon? origi nowonda isenda mori ūtenemi asūm ra nugon nimo mirora wandiugkĭk ratilat.

¹⁰Marimago yumol ra nokoren nowon eni yumti nesūmsah: moviarap mori dūmūvelum ūnisog mūmokesi yimas, mirora dūmūriuki ratilat mōmūteneme iyi ra nokoren asūwon eni.

¹¹Im nemtetugi tamas yivelum ra ōvun karestian omwisū mirora sū sugkū mori dūmūrĭgi ugi imosū.

¹²Mugi nokovenda ōvun apostol dūmūte ovnumpūrak horog movnokesinepūp sikat ra netevokontū; mirora dūmūte gi tarū siteven ra mumpon silebok eni Solomon:

¹³Im tawi sī ra irora metora yimseemeemo woramplesi iranda: kō ov netevokontū dūmūvietevisep irora iranda;

¹⁴mōvun tavniri mōmū sikat dūmamplesi iran Novsūromon, ōvun semsimak ōveteme movasiven;

¹⁵Mūmūriuki ōvun netromoro ra nokoren selat sū alam mūmūtipe ov nevlok mōvun nanum mūmōkū namolin eni Piter umampelum ontiali iran sī kū sī ra irora.

¹⁶Mūmūvelum numpūn lō mori dūmne ra ovun sĭti nagkaūugi ra Yerūsalem, mūmūriuki ov neturomoro mirora mori dūmūlaswonora ugi ōvun naviatindi; memkor horigeves omwisū.

¹⁷Potni sokowar yemtūok, momwisū dal iyi (mori ōvun Sadūsi) mumarakara,

¹⁸mūmūrūleki ōvun apostol momūsumpatamtokonda ūnisog nimo nugkugko.

¹⁹Kō sī nagelo eni Novsūromon itī pelah ōvun buketampet ra nimo nugkugko nempugon pūmrok, ĭm pol sugkū yemtorora ilat yenūwi memokū,

²⁰Uve mūtūrū, menūwi punora netevokontū ūnisog nimo tumpora, mokū ugi nam omwisū ugi imo Nomūrep.

²¹Mirora dūmūrĭgi mūve ra numtin dan ūnisog nimo tumpora mūmūtavsokonda. Miyi potni sokowar yivelum mirora dal iyi, mūmūvro-konda ovatemonūk mōveteme talam ra netevokontū Isrēel dūmūsemsimokonda, mūmūtamūlora ra nimo nugkugko woretorora.

²²Mōvun nivūo dūvelum dūtokesora ūnisog nimo nugkugko; dūmūtorileki mūmūnūwi mūmokū,

²³Ka ke lokesi nimo nugkugko sumpat nigara, mōvum navales dūmūtūr ran tan ōvun būketampet;

²⁴ĭm pol sugkū ka ke litīpelah litokesi sī ūnisog, Im pol sugkū (potni) sokowar, ĭm nivūo ra nimō tumpora mōveteme sokowar, dūmūrigi imo nam irora dūmefokerarū ugi mūmokū wantepū sie?

²⁵Im sī yivelum memenūwi punora memokū, irora mori kūmūsumpat ūnisog nimo nugkugko irora ūmantūrū ūnisog nimō tumpora momentavsokonda netevokontū.

²⁶Miyi nivūo nūsian movun nivūo dal, dūve memtorora metok; irora dūimtitokonda netevokontū mūmokū ma sugkū ūtū wantevora ugi nevat.

²⁷Im pol sugkū dūmūtorora dūmūtipe ūniminda naūor, ĭm potni sokowar yemtagkelora memokū,

²⁸Kam liwalivat ūnōwami ĭm lokū kūtūontavsokonda ra nin mori kū? Im kĭmi kūvūwara Yerūsalem ugi nam tavsogi soremi, ĭm kumagkū kwampulo kam ugi de eni neteme mori.

²⁹Im Piter mōvun apostol mōmū dūmūtamsi mūmūnūwi mūmokū, Ka kim lesindiuki ves Nōbū mōmū ra ōveteme.

³⁰Nōbū isenda ritemendeme soret yeviesorasah Iesū kĭmi kūmūtalugi kūmūsakelsvugi ra nē.

³¹Iyi mori Narisah ĭm Nēyōwara, Nōbū yemetipe sah ugi nokoven meves eni worevunora ōveteme Isrēel nevīeves nowanda, ĭm nefielentugi sat sū.

³²Im kam ōvun numpūvsok eni ugi imō sū, miyi Naviat Tumpora sugkū mori Nōbū yovunora ūmesendiukives Iyi.

³³Im pol sugkū irora dūmūrigi yisēgi nōwanda (ugi nakan), mirora dūmaūor ugi mūmokū wontara.

³⁴Kō sī yemetūrū ra naūor, neteme Faresi, nin eni Kamaliel, mori yemtavsokonda ra ōvun netiyi tumpora, netevokontū omwisū dūmūsesie ves iran, memenūwi memokū wantūratumpene lap ōvun apostol,

³⁵mo menūwi punora memokū, Oveteme Isrēel, ūfinte kĭmi popōwo ugi ōveteme mori mugi imo kūmagkū kwonumpi,

³⁶Itetūwi Tiūdas yemtuok mori yemesepen nenūwi memokū iyi neteme horogsah, ĭm sikat ōveteme, sugkū for-hunder, dūmamplesi iran: dūmūtalugi; iyi im omwisū dūmūsendiuki iyi, dūmaseviokonda mūmūvia.

³⁷Penūri iyi Yūdas neteme Kaleli yemtūok ra nempugon dūotivi ninda ōvetemesū woresitū, memtorora ōveteme sikat dal: miyi yimas; mirora omwisū mori dūmūsendiuki iyi dūmasiviokonda.

³⁸Im yakum manūwi pugkūm mēmagkū, Uwi ōveteme mori, mūtenimpe irora, popōwo nagkū imo nam tavsogi ĭm numpūrak umamne ra ōveteme, wontalepasi:

³⁹kō nagku umamne ra Nōbū, kĭmi tawi faneteme worēalepasi; kenūwumpi navohat iran Iehōva.

⁴⁰Mirora dūmūtavnirĭgi iyi: dūmūvrokonda ōvun apostol, mūselatevora mūmūnūamwus punora mūmokū irora ūtū wantorenūwi nam ra nin eni Iesu, mūsūlora.

⁴¹Mirora dūmūve mūwi irora ra naūor, mūmavosavos mūmokū irora aremī worevi narumprum ugi nin eni.

⁴²Im dan sū ūnisog nimo tumpora, ĭm nimo sū, irora dūtūwi tavsogi kū mūtūwi wortorenūwi sah Iesū Kristo.