Read Sie Ovun Apostol 7 Bible Online

Ovun Apostol 7 - Sie bible

Ovun Apostol 7

¹Potni sokowar itagkeli memokū, Imo sū sugkū kū?

²Miyi yemenūwi memokū, Urigi, Ravūgeme, Nōbū Nilasilaswi, yemetūratumpeni pugi Ebraham itemen e kos pol sugkū iyi ra Mesopotemia penūri iyi yemetūtendowi ra Haran,

³memenūwi pugi memokū, Eve mowi nūrū sorum ĭm rapmisĭeme, ĭm pelum ra nūrū ya kosesi punok.

⁴Miyi yemowi nūrū isenda ōveteme Kaldia memetĭndowi ra Haran: pol sugkū itemen eni yimas Nōbū yemtori marugi nūrū yūi memetipe igko kūmantindowiwi:

⁵miyi yetū vugi sī nūrū nisekon, tawi nemap woretipe nowon eni; kō yem-yevūwos memokū ampugi iyi, ĭm mov novsin eni ra nisah ĭm tawi sī netni isen ra nempugon mori.

⁶Miyi yemenūwi memokū ōvun novsin eni wantendowi ra nūrū tawi isenda worumpi irora worelĭvsaū mampiesesat irora nevi sū for hunder.

⁷Im Nōbū yōmenūwi memokū, ya onūrian iranda lō mori irora wolivsaū iranda: ĭm penūri irora wampe pelah montevita irag ra imo nūrū.

⁸Miyi yemovugi nempasiwugi ūnam ugi numpi namon: miyi yivi Isak memumpi namon iran ran dan sĭklem mesikĭugi; ĭm Isak yivi Yēkob; miyi Yēkob retĭsme enugkos twelv.

⁹Im retĭsme mori dūmworemi sat momūvasi Yosef (woreve) ra Ityĭpt: ĭm Nōbū ūndū iyi,

¹⁰memeviēyōwara iyi marugi ovnelĭleki isen omwisū mo movugi nelugelugi ves ĭm noĭntanwi ūnĭpmi eni Ferō, natemonok ra nūrū Ityĭpt, memetipe iyi nivūo ra nūsian ra Ityĭpt im ra nimo omwisū isen.

¹¹Im temas yivelum ra nūrūsū Ityĭpt ĭm Kēnan sugkū, ĭm sokomūlep: ĭm ritĭsme soret dūtūkesi nevag.

¹²Im Yēkob yemorigi nam memokū korn ra Ityĭpt, memtamūlora (mampūm) ritĭsme soret.

¹³Im ra nempugon dūrūgi yemsesi iyi punora ravensieme eni, ĭm Fero yemokesora ravinsīeme eni Yosef.

¹⁴Im Yosef yemtamūli (nam) memtori Yēkob itemen eni mov numpunaran isen omwisū mori irora sū seventi-fīv.

¹⁵Im Yēkob yemyep ra Ityĭpt momas, iyi, mirora ritĭsma soret;

¹⁶dūmuriuki irora ra Sekem mūmūtenemora ra veli mori Ebraham yivasigi muni marokonda ōvun netnime, eni Emor itemen Sekem.

¹⁷Im pol sugkū yemumpotipot nempugon worekompeli sū nievūos nam mori Nōbū yepmenūwi nam ūnam memokū ugi pugi Ebraham, netevokontū mori dūmūlūgalaū mūmūtendamsah ra Ityĭpt,

¹⁸mafeli nempugon sī mōmū natemonok ra nūsian yivelum mori yetūkili Yosef.

¹⁹Miyi mori yemumpi nimpiri iranda ritĭsme soret, moĭmpĭindi ritĭseme soret memumpi irora duasivi ugi ovalalaū ītevaū ma sugkū ūtū arnūrep.

²⁰Im Moses (ra nempugon mori) yeti numprokomol nalaū numposeti ūnĭpmi eni Nōbū, dūmūtinte iyi itĭs endesel ra mumpon nimo eni itemen:

²¹Im pol suukū dūmūwi iyi, nitni Itnasiven eni Fero yimpĭ momefinte sugkū netni eni.

²²Dūmūtavsogi Moses ugi ov numpon nelekon omwisū enirora ōveteme Ityĭpt; miyi yeti horog ugi nam mov numpūrak.

²³Im pol sugkū nevi sū forti iran sī tarū yivelum ūnōwan iyi yemokū otopotnemora ravinsīeme eni, ovnitnime ra Isrēel.

²⁴Yemokesi sī mori yempĭĭndi iyi, miyi semsempari iran, memokorugi iran, nisekon mori dūvĭĭndi, yitĭ neteme Ityĭpt:

²⁵miyi yemokū ravinsīeme eni pūlavenūri ma Nōbū amkorēj ōwara ugi iyi; kō irora dūtu kili.

²⁶Im rat mran iyi yōempelum punora polekū dūmoil, memenūavsokonda worēetora memenūwi memokū, Ovragi, kūti rapmime kūmawo nevĭsisat irami?

²⁷Im neteme mori yempĭĭndi numpūnaran isen yemsafeti iyi kitan memtagkeli memokū, Mē otipe kĭk natemonok ĭm neteme nūrian iramam?

²⁸Kĭmagkū wōretalokoyaū sugkū kumpi iran neteme Ityĭpt ninū, kū?

²⁹Im Moses yemalo ra imo nam memetĭndowi ra nūrū Mĭdian, memeti ov nitnime en dūrū.

³⁰Im pol sugkū nevi sū forti isūma, nagelo eni Iehōva yemetūratumpeni pugi ra nuru wokon, ra numpūwo Sĭna, ugi silūamen nom ra nē tobūtovū.

³¹Im Moses yemokesi memavlugi ugi nokesi mori: miyi yemumpotipot woretopotneme memorigi navian eni Novsūromon yemenūwi pugi memokū, Yaū Nōbū enirora ritimime sorum,

³²Nōbū eni Ebraham, ĭm Nōbū eni Isak, ĭm Nōbū Yēkob. Im Moses yemevukūrakūra memetū atekisah woresugkelowi.

³³Im Novsūromon yemenūwi pugi memokū, Sūli woravan marugi nowom: popōwo nūrū mori kĭk emantūrūwi oti tumpora.

³⁴Yaū mokesi sokomūlep enirora netevokontū enyaū ra Ityĭpt, ĭm yaū morigi nasaū enirora ĭm ya okoyep woreumkorēyōwara: Elum, ya kontamūlok ra Ityĭpt.

³⁵Iyi Moses mori irora dūnūaveni mūmokū, Mē otipe kĭk natemonok ĭm neteme nūrian iramam? Nōbū yemtamūli iyi mori narisah ĭm nēyōwara, ugi nempasiwugi eni nagelo mori yetūratumpeni pugi ra mumpon nē tobūtovū,

³⁶Iyi mori yemtorora ratilat memumpi ovnokesinepūp mov numpūrak navlugi ra nūrū Ityĭpt ĭm ran tok navilara, ĭm ra nūrū wokon ra nevi sū forti.

³⁷Iyi Moses mori yemenūwi punora ōvun netnime Isrēel memokū, Nōbū enugkimi ontori sī profet nisekomi marokonda rapmisīeme sugkū yaū, kĭmi kwampendugugi.

³⁸Imo iyi mori dal semsimak ra nūrū wokon, mūndū nagelo mori yemenūwi pugi ra numpūwo Sīna, ĭm dal retemeneme soret: mori yimpī nam nomūrep worevugkos:

³⁹Im retemeneme dūtū akĭugi woresendiukives iyi kō dūsaveti marokonda, mōmūtorileki ugi tarū sū isenda ra Ityĭpt:

⁴⁰Mūmūnūwi pugi Eron, Umpi ōv nōbū mori wampūm iramam: popōwo Moses mori yetorokos marugi Ityĭpt, ka ke letūm lagkili iyi kowo.

⁴¹Mirora dūmumpi sī kaf ra nempugon mori mūmū sokowar iran safi namlī mori momavosavos ugi nūrah mori irora dūumpi.

⁴²Im Nōbū yemelampia (marokonda) woretivita iranda ōvun tentūrū ūnpōkop, sugkū nam yemetiyi ra mumpon netiyi ōvun profet, memokū, Kĭmi lō Isrēel, kūmo voyaū ōvun nokolisiranda ōvun nūrah, movun sokowara ra nūrū wokon nevi su forti kū?

⁴³Im kĭmi kūmūriuki sah tent eni Mōlok, Im mosi eni Refan, Enugkimi, ōvun safi mori kūmumpi woretivita iranda, Im ya andiugkūm ran tanugkon Babilon.

⁴⁴Tent ugi ōvun numpūvsok dal etementeme ra nūrū wokon, sugkū iyi yempasiwugi mori yemenūwi pugi Moses memokū iyi onumpi sugkū safi mori iyi yemokesi,

⁴⁵Mori retementeme soret dūmovunora mori dūmūrora mūmuriuki ĭm pelum dal Yosūa ra nūrū isenda ōvnilevōkevat, mori Nōbū yemtelesora marugi niminda retementeme mafeli nempugon eni Dēvid;

⁴⁶mori Nōbū yemokesi ves iran miyi yemakiugi worokesi isenwi nisekon Nōbū eni Yekob.

⁴⁷Kō Solomon yimumpi nimō nisekon.

⁴⁸Kō yemenūwi memokū iyi Tantevakepe otū mantendowi ra ōvun nimo ōveteme dūmuinpi; sugkū profet yemenūwi memokū,

⁴⁹Iehōva yemtagkili memokū, Pōkop potnumptowo enyaū, Im nemap woretipe nowog; Sie nimo kĭmi kūonumpi nisekūg? Kū nūrū sorug woremendog ia!

⁵⁰Nokovūg yemumpi imo sū omwisū kū?

⁵¹Ovun nugkugko, dūtū umpi namon irami, numpindi otum mentipelah nipmi ūnisog kĭmi, kū telugomi: sugkū retemime sugkū kĭmi.

⁵²Mē sī ra irora ōvun profet retemime dūtū muvĭesi sat iran? Mirora dūtalokonda mori dūbflm mūmūtorenūwi mūmokū ugi Iyi Tanepo; mori yivelum mori marima kĭmi kūmimperigi mūmūtalugi;

⁵³kūmūvĭ ōvun silinivi nam ugi ōvun agelo ĭm kūtū alekoleki.

⁵⁴Pol sugkū irora dūmūrigi imo sū irora dūmolintorugi ugi nakan, mirora dūmūvūwarugi ugi naraki tamas.

⁵⁵Kō iyi yemovūwarugi ugi Naviat Tumpora, miyi yemtopotneme unpokop memokesi nilasilaswi eni Nōbū ĭm Iesū yemetūrū ra nokoren meves eni Nōbū,

⁵⁶miyi yemenūwi memokū, Urĭgi, yakum magesi umantūrū pokop tĭpelah im Nitni eni Neteme ra nokoren meves eni Nōbū.

⁵⁷Mirora dūmuvrugi sah gi navian sah mūmūsumpat telegonda, mūmalo iran ugin tarū siteven; Im pol sugkū dūmūtūvileguni nimote, dūmūtevi gi nevat;

⁵⁸mōvun numpūvsok dūmūtipe ōv nemas isenda ra nowon eni sī neviarep nin eni Sol.

⁵⁹Mirora dūmūtevi Stifan ugi nevat, miyi yemovrugi memenūwi memokū, Ah, Iesū Novsūromon, vī naviat sorūg.

⁶⁰Miyi yemseumpuneterin mo movrugi gi navian sah, memokū, Ah Novsuromon, etū tampenĭgi sat isenda. Im pol sugkū iyi yemenūwi imo iyi yemaleepo. Im Sol yemenūwi sugkū, memokū wontalugi iyi.