Read Sie Ovun Apostol 8 Bible Online

Ovun Apostol 8 - Sie bible

Ovun Apostol 8

¹Im ra nempugon mori yempĭsesat tamas iranda semsimak ra Yerūsalem; dūmaseviokonda sū ra nūrū su Yūdia ĭm Sameria, ōvun apostol dūmūte.

²Mōveteme aremī dūmūriuki Stifan mūmūtugi tamas.

³Im Sol yimmokini semsimak mori memtorĭmpe ra ōvun nimo yemyevora ōveteme movasiven memsumpat ūnisog nimo nugkugko.

⁴Mirora mori dūtin naseviokonda dūmavan ra nūrū sū mū mfitorenūwi sah nam navosavos,

⁵Im Fĭlĭp yemyep ra sī sĭti Sameria memtorenūwi sah punora memokū ugi Krĭstō.

⁶Mov numpūn lō (gi tarū siteven) dūmūvendugugi nam mori Fĭlĭp yemenūwi pol sugkū dūmūrĭgi mūmokesi ōvnumpūrak horog mori iyi yemumpi.

⁷Popōwo ĭt ōvun naviatindi dūmūvelum ilat marokonda sikat mori dūpmūve iranda, mūmūvrugi gi navian sah, ĭm sikat mori dūmūte ituromoro mōvnomti yemumkor-horigeves.

⁸Yeti navosavos tamas ra nimote, mori.

⁹Kō sī neteme nin eni Simon, iyi itetūwī ra sĭti mori yemumpi ōvnumpūrak navlugi, ĭm lō Sameria dūmavlugi, iyi yemenūwi memokū sī horog wokon:

¹⁰mirora ōvatemonok mōveteme dūmūvendugugi iyi mūmūnūwi mūmokū Iyi horog eni Nōbū mori ra nūsian.

¹¹Mirora omwisū dūmūvendugi iyi, popōwo nempugon tantop iyi yemumpi irora worovkoritwi ugi numpūrak navlugi isen.

¹²Kō pol sugkū irora dūmūtavnirĭgi Filĭp yemtorenūwi sah memokū ugi lō eni Nōbū, ĭm nin eni Iesū Krĭstō, ōveteme movasiven dūmūvī baptisma iranda.

¹³Im Sīmon sugkū yemtavnirĭgi mempi baptisma iran yemsari iran Fĭlĭp; ĭm pol sukū yemokesi ōv numpūrak horog mōvun safi mori yemumpi iyi yemovkoritwi.

¹⁴Im pol sugkū ōvun apostol ra Yerūsalem dūmūrigi nam ma Sameria dūmūvī nam eni Nōbū irora dūtamūli Piter ĭm Yōane punora:

¹⁵mori dūmūvelum mūmūfwaki memokū ugi irora ma irora wampī Naviat Tumpora:

¹⁶It iyi ra nempugon mori yetūmol iranda: kō irora dūpmūvī baptisma iranda ra nin eni Iesū.

¹⁷Miroran dūmūtipe nokovenda iranda mirora dūmūvī Naviat Tumpora.

¹⁸Im pol sugkū Sīmon yemokesi yemovunora Naviat Tumpora pol sugkū ōvun apostol dūmūtipe nokovenda iranda, iyi yemetipe muni ūnĭminda memenūwi memokū.

¹⁹Ovoyaū sugkū imo horog ma iyi sī kū sī ya kantipe nokovūg iran ampi Naviat Tumpora.

²⁰Im Piter yemtamsi pugi memokū, Okinok ĭm muni sorum, popōwo kĭmokū worevasi itemas eni Nōbū ugi muni. Tawi sī sie sī sorum ugi imo numpūrak;

²¹popōwo nōwam tawi nugko ūnipmi eni Nōbū.

²²Yīeves nōwam popōwo ugi imo satindi, esenĭgi Nōbū nagkū iyi afielentugkĭk tarū ūnōwam.

²³It yakum nelavenuri satindi wokon ūnōwam, umīetok ugi worit ra narekindi.

²⁴Im Sīmon yemtamsi memenūwi memokū. Ufwaki pugi Novsūromon nisekūg mokū tawi sī ra imo sū kūmanūwi ugi ampelum irag.

²⁵Im pol sugkū dūmumpūvsok ugi mūmūtorenūwi sah nam eni Novsūromon, dūmūtorĭleki ra Yerūsalem mūmūtorenūwi sah nam navosavos ra ov nimote ūntemne sikat isenda ōveteme Sameria.

²⁶Nagelo eni Novsūromon, yemenūwi pugi Fĭlĭp memokū, Etūok mavan empak ra selat mori umeyep mamne ra Yerūsalem Resa mori nūrū wokon.

²⁷Miyi yemtūok mempe: im pah sī neteme Etiopia sī yūnok nivūo ra nusian isen Kandasi nasimnalam ōveteme Etiopia memefinte noete eni omwisū, yempe ra Yerūsalem woretivita;

²⁸memtorileki memetesep ra kar isen memesepi netiyi eni Isea profet.

²⁹Naviat Tumpora yemenūwi pugi Fĭlĭp memokū, Eve ĭm wosintorugi kar mori.

³⁰Miyi Fĭlĭp yemalo pugi memorigi iyi yemesepi netiyi eni Isea profet, memtagkeli memokū, kĭk umagkili fan nam mori kĭk emasepi?

³¹Miyi yemenūwi memokū, ya agkili nokowo, nagku sī otūontavsokoyaū? Miyi yemenūwi pugi Fĭlĭp memokū osuki mantesep ra kar eni ūndū.

³²Miyi yemesepi ra mumpon netiyi imo nam, Sugkū sī pugipugi dūmūtori iyi ra nūrū talugi; Im sugkū lam ūnipmi neteme umnovi noviliran umeteteven iyi yetūnūwi sī nam.

³³Pol sugkū dūmūvĭindi iran dūmūsiugi tanepo marugi; Im mē anūwi magkū ugi palsi isen! Dūmūvi nomūrep eni marugi nemap.

³⁴Neteme yūnok yemtamsi memenūwi pugi Fĭlĭp memokū, Yakum mentagkolok memagkū, profet mori yemenūwi imo nam memokū ugi mē? ugi iyi pe iyi, kū ugi sī mōmū neteme?

³⁵Im Filĭp yemati potni ra imō nam ra mumpon netiyi memtorenūwi nam navosavos pugi memokū ugi Iesū.

³⁶Im polekū irora dūmūve ra selat dūmūvelum ra sī nū;

³⁷yūnok yemenūwi memokū, Okesi, nū; yakampī baptisma irag kū? Im Fĭlĭp yemenūwi memokū, Nagkū kĭk umintavnirĭgi ūnōwam omwisū; miyi yemtamsi, memenūwi memokū, ya kum mentavnirĭgi ma Iesū Kristo Netni eni Iehōva.

³⁸Miyi yemenūwi memokū kar antūrū, mirora dūmūyep, Fĭlĭp miyi yūnok, miroran dūrū dūmūve worewavyokū ra nū;

³⁹miyi yumbaptiso iran. Im pol sugkū dūmūvesah marugi nū Naviat eni Novsūromon yemuriuki pelah Fĭlĭp; miyi yūnok yetokesi mōmū miyi yemavan ra selat eni memavosūwi.

⁴⁰Dūmokesi Fĭlĭp ra Asotus: miyi yemavan ra sĭti sū, memtorenūwi sah ra omwisū mafeli nempugon iyi yempelum ra Sesaria.