Read Sie Rom 1 Bible Online

Rom 1 - Sie bible

Rom 1

¹Pol sī lĭvsaū eni Iesu Krĭstō, dūmovrugi woreti sī apostol, dūmūtampoli ugi nam navosavos eni Nōbū,

²mori yeviwos ugi ōvun profet isen ra mumpon nam tumpora,

³memokū, Netni eni, mori yemumprokomol ugi novsin eni Dēvid ra nokolisiran,

⁴yetin enūwi ugi memokū, Netni eni Nōbū ugi horog, ugi fan ra tanepoves, ugi nivsorasah marugi nemas;

⁵iyi Iesū Krĭstō Novsūromon, mugi iyi dūmumpi kos ōvun apostol,

⁶ugi sendiokives ra tavniri dal irora lō sū popōwo ugi nin eni: kĭmi dal irora, dūmovrugkūm woreti isen Iesū Krĭstō:

⁷punora omwisū ra Rom, ōvun nĭlentugi eni Nōbū, dūmū tampolekūm woreti ōvun tanepo: Nelugelugeves pugkūm ĭm ninparata marugi Nōbū Itement ĭm Novsūromon Iesū Krĭstō.

⁸Ya magkū mampum, ya ampalugi iran Nōbū sorūg ra Iesū Krĭstō ugi kĭmi omwisū, ma omanūwi ra nemap omwisū tavniri enugkimi.

⁹Im Nōbū umagkili, ĭm yakum torugat iran ugi nowag ra nam navosavos eni Netni, ma dan sū ya ummanūwi ugi kĭmi,

¹⁰mō mesenigi ra ōvun nofwaki enyaū magkū nagkū sugkū marima nagkū faneteme ugi naloves eni Nōbū ma ya ampelah pugkūm.

¹¹Popōwo ĭtnesog ya um nakiugi worokosekūm, ma sugkū ya ampugkūm se sī aremi nimsin nōwami ma kwantindowi kĭmi ūnam;

¹²mokū, ma ya ampi kos dal yaū navos enugkimi yaū ĭm kĭmi ugi tavniri sī ĭm sī soret enugkimi yaū.

¹³Im ya otū akiugi ma kĭmi kwamnīugi ravūgsīeme ma nempugon sikat yaū mokū ya ampelum pugkūm kō nugkugko mafeli marima, ma ya ampī nugkon novwan ra kĭmi, sugkū ra irora nugkon ōvun iō pelah sī.

¹⁴It yaū lĭvsaū enirora ōvun Krik menirora ōvun Numgī punora ōvun nelekon, ĭm ōvun netūkili sugkū. Im popōwo yakum nakīugi sugkū faneteme omwisū nisekūg,

¹⁵ma ya antorenūwisah nam navos-avos pugkūm kūmante ra Rōm.

¹⁶It voatūm narumprum ugi nam navos-avos ĭt iyi horog eni Nōbū worumkorēyōwara omwisū umentavnirigi; nisekonda lō Yūda, ĭm nisekonda, lō Krik sugkū.

¹⁷It omanūatumpeni naraki eni Nōbū marugi eni Nōbū ra tavniri pugi tavniri: sugkū umetīyi ugi, Kō ōvun tanepo wamūrep ugi tavniri.

¹⁸Popōwo umanūatumpeni naraki eni Nōbū marugi pōkop iranda ūtūm mosesie iran mugi satindi enirora mori umampi ugi nimpiri nam alam;

¹⁹popōwo siame worokili ugi Nōbū umagesi iranda, ĭt iyi Nōbū yemenūatumpeni punora.

²⁰Popōwo siame isen dūmūseni marugi natipotni nemap umagesi aremī, umagkilora ugi siame ūmnumpi,

²¹mori Nōbū isen ĭm horog tantevakepe indowi; ma irofa tawi faneteme woreseni: ĭt irora dūmūkili Nōbū, kō dūtū umpi nilasilaswi iran sugkū Nōbū, dūtū umpalugi; kō dūmaūwar ugi nam sugkū nagkū irora ōvun nelekon, ĭm nowanda numgī yeti nelevokevat wokon.

²²Dūmokū irora ōvun noĭntanwi, dūtūpū ōvun numgī,

²³dūmū sompoli nilasilaswi eni Nōbū naviat amūrep unam ra molin sugkū safi neteme wokon avetar, ĭm menūk, ĭm ōvun kwadrūpet, mōvun nūrah ūmentetevekarara.

²⁴Popōwo pe Nōbū yemtinepe irora pugi ōvun nilasivian sat ūnōwanda ra nililūo, ma sugkū wonumpi narumprum ra nokolisiranda dal irora:

²⁵dūmū tampoli nam ĭtnesog eni Nōbū ra namte, mirora dūmūtivita ĭm torugat iranda siame ugi nakiugi ra nokolisiran ra nemap mōmōwi Iyi yemumpi tiamesū, mori nevieves ĭndowi. Amen.

²⁶Im popōwo pe ugi imo Nōbū yemtinepe irora ra ōvun nakiugi nilasivian sat: it irora ovasiven enirora dūmūwisep siame ugi nokolisiran sugkū yemetepū tawi nagku ugi momumpi siame tawi sugkū:

²⁷ĭm ōvatemen sugkū, dūmūwi nasiven, yemetepū nakiugi nililūō punora irora pe irora, ĭtovateman dūmumpi iranda ĭtovateman numpūrak narumprum, mirora dūmūvi ugi imo nĭpmi nūrian ra nokolisiranda sugkū nampon tanepo ugi nūmpūrakĭndi enirora.

²⁸Im sugkū popōwo irora dūtōakĭugi worokili Nōbū ūnōwanda, Nōbū yemtinepe irora ra sendūekie ūnōwanda,

²⁹worumpi ōvun siame tawi aremī worumpi, dūmūvwarugi ōvun nagkaū omwisū, sat, nakiugi noete nakan okini; ūvwara ugi narakīwi, talugi, nesesaū nimpiri, nakan tavtiti;

³⁰nam tavuntan ugi neseni, ōvun tavūntan, nakan iran Nōbū, nam tawi sesie, nugkugko, ūmanūwi sah narigi enirora, ūmnesorugi memumpi siame ūr,

³¹ūmareki nam isen itemen ĭm dineme enirora tawi sī nointanwi, ōvun nareki nam ūnam, tawi sī nelintugi nisekonda numpūnaranda, umwi nilentugi ĭm tawi nemolsep enirora iranda sī, kū ra sie sī tawi: mori irora dūmūkili nam alam eni Nōbū,

³²ma irora mori ūmnumpi imo entiame nowarepatevi toveni némas, irora otumnumpi irora pe irora wokon, kō umnavos iranda mori ūmnumpi sugkū.