Read Sie Rom 10 Bible Online

Rom 10 - Sie bible

Rom 10

¹Ravūgeme, nesenigi enyau ra Nōbū ĭm nakiugi ūnōwag nisekonda lō Isrēel oti imo, ma irora wampi neyūwara iranda.

²Popōwo ya magkili itnesog irora umatekisah iran Nōbū, kō tawi sugkū nelekon.

³Popōwo irora ōmamgĭugi tanepo eni Nōbū kō ūmatekisah woretipesah tanepo enirora dūtū mōkū worevi ugi nemolsep tanepo eni Nōbū.

⁴It iyi Kristo yemekompeli omwisū nam alam ra tanepo nisekonda omwisū wontavnirigi.

⁵Popōwo Moses yemetiyi memokū, iyi mori onumpi sugkū tanepo ra nam alam amūrep ugi.

⁶Kō tanepo mori ugi tavniri umagkū sugkū imo, Etūnūwi ūnōwam, Mē okesah ra pokop? (memagkū, worevīsep Kristo:)

⁷kū, Mē okoyep ra mumpon nompoū? (memagkū, woretorisah Krĭstō marugi nemas).

⁸Kō umagkū sie? Nam umpotipot iram, ūnugom, ĭm ūnōwam: mori nam ugi tavniri, mori ka kim lintorrenūwi:

⁹popōwo nagkū kanūwatumpeni ugi nugom Iesū Narisah, ĭm tavniri ūnōwam ma Nōbū yemtori iyi marugi nemas, kĭk anti nevīeves:

¹⁰popōwo neteme umentavnirigi ūnōwan pugi tanepoves; ĭm umanua tumpeni ugi nugon worēviyōwara ugi.

¹¹It oti netīyi, mori sī kū sī ontavnirigi iran otū narumprum.

¹²Popōwo tawi sī tampoli iranda neteme Yūdia kū neteme Krik: popōwo Narisah sīteven Narisah iranda sū, miyi umentamūli siame nevīeves nisekonda omwisū mori ūmentorugi iran popōwo,

¹³Irora sū mori wamperugi nin eni Novsūromon ampēyōwara.

¹⁴Ko irora amperugi nokowo iran mori irora dūtū tavnirigi? ĭm nokowo irora wontavnirigi iran iyi mori dūtūrĭgi ugi? ĭm nokowo irora wandigi nagkū tawi sī woretorenūwi? ĭm ontorenūwi nokowo punora nagkū ūtū tamūlora?

¹⁵sugkū yetin netiyi, Sugkū sie nilasewi nowanda mori ūmūrioki impelum namnavosavos ra siame aremī!

¹⁶Kō nugkon oveteme dūtūrĭgi aremī nam navosavos. Popōwo Isēa yemenūwi memokū, Ah, Novsūromon, mē dūmūrĭgi nam tempĭgi enugkam?

¹⁷Popōwo tavniri umampelum ugi norĭgi, ĭm norĭgi ra nam eni Kristo.

¹⁸Kō ya magkū, Irora dūtūrĭgi kō? Kō ĭtnesog, Navianda, yivesū ra nūrū sū nūrū su, Im ōvun nam enirora mafeli navlūtni nemap.

¹⁹Kō ya magkū, Isrēel yetūkili kū? Moses yōvūm menūwi, Yakum numpi kĭmi worarakara, iranda mori lō wokon ĭm tawi irora sī netevokontū, Im kĭmi kwonakan punora netevokontū mori ōvun numgī, mori ōvun sempia.

²⁰Im Isēa yemenūwi ugi horog isen, memokū, Dūmokesi yaū ovragi mori dūtū osorokoyaū; Dūmūsesi ves yaū punora dūtū tagkili ugi yaū.

²¹Kō ugi Isrēel pe iyi umagkū, Dan omwisū ya emēvan nokovūg dūrū sū punora oveteme ōvun nareki mōvun sendokiye.