Read Sie Rom 3 Bible Online

Rom 3 - Sie bible

Rom 3

¹Nagkū sugkū neteme Yūdia mōmū aremī ugi sie? ĭm sie nesitū ugi numpi namon?

²Kō mōmū tamas aremī omwisū: mori mampum dūmūvun ora ōvun netiyi tumpora worefinte.

³Kō nagkū nugkon dūtū vī tavniri, netūtavnirĭgi enirora osompat naloves tavniri isen Nōbū kū?

⁴Eyin tawi: aremī kanti ĭtnesog Nōbū, kō wante namli oveteme; sugkū yemetiyi, Ma kante tanepo ra ōvun nam enugkĭk

⁵Im kontantevakepe nagkū irora wonesorugi netevani enugkĭk. Kō nagkū popōwo ugi netū tanepo enugkos ko kelesesi tanepo eni Nōbū, kol lanūwi sie? Nōbū tawi tanepo mori umnūrian ugi naraki kū? (Yakum manūwi sugkū neteme.)

⁶Eyi tawi: popōwo nagkū sugkū Nōbū onūrian iranda oveteme ra nemap nokowo?

⁷nagkū nam itnesog eni Nōbū popōwo ugi namli enyaū umnumpi mōmū nilasilaswi eni, irasie umanuwi ĭndowi memagkū yaū neteme narekisat?

⁸mirasie ko kel letūm lanūwi (sugkū umantipe irant, nugkon ra irora ugi namlī enirora) ko kel umpi ūr ma siame aremi ampelum ugi pe? mimo nūrian nisekonda nūrian tanepo.

⁹Im sie mōmū, anti mōmū ūr irant mōmū iranda kū? Tawi; tawi ĭndowi: popōwo ko kĭm lenūwi ĭm loko iranda memokū irora sū ōvun satindi, oveteme Yūdia moveteme Kris sugkū:

¹⁰sugkū dūmūtīyi memokū, Tawi sī tanepo, eyi tawi sī;

¹¹Tawi sī umnelavenūri, ĭm tawi sī umnesorugi Nōbū;

¹²Dūmūtorileki irora sū, irora siteven netevarū enirora tawi nesitū ugi; Tawi sī umnumpi aremī, eyi tawi siteven:

¹³Nowanda sugkū nokol ra hēdes umnovag; Ugi nelūwamend irora dūmumpi nimpiri: Umante ra mumpon nokolugonda poison isenda ōvun niskil:

¹⁴It ūvwarugi nugonda ugi nam sat ĭm nakan

¹⁵Irora ūmnalo ĭtnum woresiligi de eni neteme;

¹⁶Navan enirora ūmnumpi ūr ĭm nurū wokon ugi netevarū isenda;

¹⁷Dūmūtukili selat ninparata:

¹⁸Tawi sī nemtitugi enirora ūnĭpmi eni Nōbū.

¹⁹Im ko kĭm lagkili ma siame nam alam umanuwi, umanuwi punora mori dūvĭ nam alam: ma wosumpat nugonda omwisū isenda, ma sugkū wante ra munipon nurian eni Nōbū oveteme omwisū ra nemap:

²⁰popōwo otū ante tanepo ūnĭpmi eni Nōbū sī kō sī ne teme popōwo iyi yemalekoleki sū nam alam wokon; popōwo nelavenūri sat okovelum popōwo ugi nam alam.

²¹Kō marima umesesi sī tanepo eni Nōbū iranda oveteme kō tawi popōwo ugi nam alam, dūmūvī ugi nam alam mōvun profet;

²²mori tanepoves eni Nōbū ugi tavniri iran Iesū Krĭstō punora sū wontavnirĭgi;

²³popōwo tawi tampoli; popōwo dumumpindi ōveteme sū, mirora dūtū umpi nilasilaswi nisekon iran Nōbū;

²⁴dūmumpi irora tanepo ugi itemas paū isen popōwo ugi nēyōwara umante tovune Iesū Krĭstō iyi mori Nōbū yemetipe woreti nĭpmi tampenum,

²⁵ra tavniri, ugi de isen nisekont, woresesi tanepoves eni, popōwo dūtū vī nūrian iranda ugi sat sū dūmumpi etūwī, ugi nefielintugi eni Nōbū;

²⁶woresesi, ya magkū, ōvun tanepo isen ra nempugon marima: ma iyi pe iyi ante tanepo, momumpi tanepoves iyi mori okevī tavniri ra Iesū.

²⁷Popōwo pe mē faneteme woresepen enūwi narigi eni? Eyi umesomepat nam sugkū sū. Ugi mē nam alam? numpūrak? Tawi: kō ugi nam alam sī mori tavniri.

²⁸Popōwo pe ka kem lagkūma neteme anti tanepo ugi tavniri wokon pelah sī tawi, ugi nesitū ra nam alam.

²⁹It iyi Nōbū, Nōbū isenda oveteme Yudia wokon kū? kū Nōbū isenda ōvūn lō ĭtepelah sugkū? Aremi, Nōbū isenda lō pelah sugkū:

³⁰Popōwo pe ĭt Nōbū mori sīteven onumpi tanepo irora mori dūmumpi namon iranda ra tavniri enirora, ĭm irora mori dūtū umpi namon iranda ugi tavniri enirora.

³¹Im ugi tavniri enugkos ko kem numpi nam wokon nam alam kū? Eyin tawi: kō itnesog ko kem numpi ūnam nam alam.