Read Sie Rom 6 Bible Online

Rom 6 - Sie bible

Rom 6

¹Ko kel anūwi sie? Ko kel antindowi ra sat, ma ante nusian nelintugi? Eyitawi sugkū.

²Nagkū sat yimas ūndū kos, kos kel antĭndowi mōmū iran nokowo?

³Kū kūmūtū kili kĭmi ma nugkon ra kos mori dūmūbaptiso iranda ra Iesū Krĭstō dūmubaptiso iranda ra nemas isen?

⁴Dūmūteneme kos ra baptisma irant ra nemas: ma sugkū yemevsorasah marugi nemas ugi nilasewi eni Itemen, kos sugkū ko kel avan ra nomūrep ĭtevaū.

⁵Im nagkū kos siteven ūndū iyi ugi safi nemas isen,

⁶ko kel ante sugkū ugi safi nevsorasah isen; kos kem lagkili imo, ma nōwant nugkugko etūwi yimas ūndū iyi ra ne ūmparum, ma ampia nowan sat, ma kos keletū onelivsaū mōmū ra sat;

⁷popōwo iyi mori yimas otin sūli marugi sat.

⁸Im nagkū kos kĭm lamas ūndū Krĭstō, kos kĭm lentavnirĭgi ma kos kel amūrep ūndū iyi sugkū;

⁹ĭm kos kĭm lagkili ma Krĭsto yevsorasah marugi nemas ĭm popōwo iyi otū amas mōmū; nemas otū ontantevakepe mōmū iran.

¹⁰Nemas mori yemumpi, yemumpi nempugon siteven ugi sat: kō nomūrep mori iyi umnumpi, iyi umnumpi pugi Nōbū.

¹¹Popōwo pe sugkū ūtokū kĭmi kwante mōmū ra sat, kō wamūrep pugi Nōbū ra Iesū Krĭstō.

¹²Popōwo pe otū antindowi sat ra nokolisirami, ma kwanalekoleki kĭmi ōvun nilassĭvian isen:

¹³ūtū tĭnepe ōvun nugkon nokolisirami pugi sat woreti nūrah nimsin netūtanepo; kō ūtĭnepe kĭmi pugi Nōbū, sugkū nomūrep marugi nemas, ĭm ōvun nivlugkon nokolisirami woreti nūrah nĭsin ra tanepo pugi Nōbū.

¹⁴Im sat otū onarisah irami: popōwo kĭmi tawi ra mumpon nam alam, kō ra mumpon itemas isen Nōbū.

¹⁵Kūmagkū sie? kos kel umpi sat, popōwo kos tawi ra mumpon nam alam, kō ra mumpon ĭtemas eni Nōbū? Eyi, tawi sugkū.

¹⁶Kūmūtūkili kĭmi ma mē mori kimi kūmūtinepe kĭmi pugi woreti ōvun lĭvsaū isen ugi nalekoleki, kūmūte kĭmi ōvun lĭvsaū isen mori kĭmi kūmalekoleki; nagkū ra sat pugi nemas, kū pe ugi Malekoleki pugi tanepoves? Kō kompalugi ra Nōbū, ma popōwo pol

¹⁷sugkū kūmūte ōvun lĭvsaū ra sat, kūmūvī umnalekoleki ūnōwami netevarū nam tavsogi mori dūmūtipe kĭmi ugi; ĭm polekū dūmūfiorekūm marugi sat,

¹⁸kūmūte ōvun livsaū ra tanepoves.

¹⁹Yakum manūwi sugkū netevarū neteme popōwo ugi netromoro ra nokolisirami popōwo pe kĭmi kūtĭnepe ōvun nivlugkon nokolisirami wotrelĭvsaū ra nililūo ĭm ra sendoikie pugi sendoikie, sugkū marima aremi ūtĭnepe ōvun nĭvlugkon enugkimi omwisū worelĭvsaū ra tanepoves ma wanti aremī ugi.

²⁰Pol sugkū kūmūte (ugi nakīugi enugkimi) ōvun lĭvsaū ra sat, kĭmi kūmūtūte ra mumpon tanepoves (popōwo tawi nakīugi enugkimi).

²¹Sie novwan kūmūvī ra nempugon mori ra siame mori marima kĭmi kūm narumprum ugi? popōwo itnesog nipmi imo siame oti nemas ra sokomulep indowi.

²²Kō marima popōwo dūmū tĭnepe kĭmi marugi sat, ĭm kūmūte ōvun lĭvsau eni Nōbū, kūmūvī novwan mori umnumpi aremī ugi, ĭm ra nisah nomūrep ūbrūni.

²³Popōwo nipmi sat oti nemas; kō ĭtemas paū eni Nōbū oti nomūrep ūbrūni ra Iesū Krĭsto Novsūromon enugkos.