Read Sie Rom 8 Bible Online

Rom 8 - Sie bible

Rom 8

¹Popōwo pe sugkū tawi sī murian iranda umante ūndū Iesū Krĭsto.

²Popōwo nam alam isen Naviat ra Iesū Krĭsto yemsūli yaū marugi nam ugi sat im nemas.

³Im imo mori nam alam yetū faneteme worumpi popōwo ugi netromori ra nokolisiran, Nōbū yemtamuli Netni eni ra safi nokolisirant sat woreti nĭmsĭn sokowar ugi sat, yemenūwali sat ra nokolisirant:

⁴ma netevarū ra nam alam antĭnakompeli ugi irant, mori ūtū avan sugkū netevarū ra nokolisiran kō sugkū ra naviat.

⁵Irora mon ūmnakīugi siame ra nokolisiran ūmnumpi sugkū nokolisiran; kō irora mori ūmnakīugi siame ra naviat ūmnumpi sugkū naviat.

⁶Ovun nakiugi ūnōwag, etūwi oti nemas, kō nakīugi siame isen Naviat Aremi oti nomūrep ĭm ninparata:

⁷popōwo imo nakiugi ra nokolisiran oti nakan pugi Nōbū; otū akīugi worumpi sugkū nam eni Nōbū, mitnesog tawi faneteme worumpi sugkū;

⁸ĭm irora mori umante ugi tarū ra nokolissiran tawi faneteme worumpi sugkū aremī ūnĭpmi eni Nōbū.

⁹Kō kĭmi kūmūte tawi ra tarū ra nokolisiran ko ra Naviat Aremī, nagkū itnesog. Naviat eni Nōbū umantindowi ūnisog kĭmi. Iyi mori neteme sī kū sī yetūvī Naviat eni Krĭstō, tawi iyi isen.

¹⁰Im nagkū Krĭsto ūnisog kĭmi, okemas nokolisiran popōwo ugi sat; kō nōwami umamūrep popōwo ugi tanepoves.

¹¹Ko nagkū umantindowi iram Naviat eni iyi mori yemtori Iesū marugi nemas, iyi mori yemtori Iesū Krĭstō marugi nemas, onumpi nokolisirami netromoro nomūrep sugkū ugi Naviat mori umantĭndowi ūnisog kĭmi.

¹²Popōwo pe sugkū, ravūgeme, ūtū magkū kos kelentorugat iranda nōwant nugkugko, worumpi sugkū: netevarū ra nokolisiran:

¹³popōwo nagkū kĭmi kwonumpi sugkū tarū ra nokolisiran, kĭmi kwamas itnesog; kō nagkū kwontar ōvun netevarū ra nokolisirami kwamūrep kĭmi.

¹⁴Popōwo irora sū mori ūmnūri ugi Naviateni Nōbū, ĭt irora ōvun netnime eni Nōbū.

¹⁵Popōwo kūmūtū vī naviat nagalaū nugkugko ra nemetet; ko kūmū vī naviat nemolsep sugkū umentorora, ōvala laū memagkū kos kel anūwi ĭm lagkū, Aba, Etemen kam.

¹⁶It nowanda ūmagkili ugi Naviat eni Nōbū ma kos ōvun netni eni Nōbū:

¹⁷ĭm nagkū kos ōvun netnime, kos ōvun nevi; worevi siame eni Nōbū kel andiuki nesorū ūndū iyi, ma kos kel ampi ōndū moĭmpi narigi ugi ūndū Krĭstō; nagkū ĭtnesog kos kelampī ūndū iyi nilasilswi.

¹⁸Popōwo yakum manūwi memagkū ĭt irora ōvun norĭgumpūnū marima nĭndewavū wokon ĭm tawi worenūwi ugi irora popōwo ugi nilasilaswi mori umanūatumpene pugkos.

¹⁹Popōwo lō sū lō sū ūmentevetuwi ugi nakiugi nūsian siame sū aremi ōvun netnime eni Nōbū wanūtumpene.

²⁰Dumumpi siame sū omwisū memokū nĭndewavū, tawi ugi nakiugi isen, kō popōwo ugi iyi mori yemetipe irora sugkū,

²¹ma sugkū wantavetūwi nempugon wantin tĭnepe irora sū losū omwisū sugkū marugi nugkugko ra nokolisiran avetar mo mĭntorora ra nemolsep ĭm navos isenda ōvun netnime eni Nōbū.

²²Kos kem lagkili ma nemap omwisū yemete ugi nesorū nilasewoni ĭm norĭgumpūnū mafeli marima.

²³Im tawi imo wokon, kō kos pe kos kĭm lagkili sugkū, mori koskĭm livĭ novūwan ĭt mampūm isen Naviat, kos pe kos, kos kĭm landĭgumpūnū ūnowant pe mori,

²⁴nēyōwara nokolisirant. Popōwo worate vetūwi umumkosēyōwara irant ugi: kō nagku uvi sū tawi tevetūwi mōmū popōwo mē umen tevetūwi sie mori yemokesi sū?

²⁵Kō nagkū kos kilentevetūwi nimsin ima mori kos kĭmletokesi, kos kĭm lentevetūwi ugi, nemolsep.

²⁶Im sugkū umnesitū irant Naviat Aremi popōwo ugi netromoro enugkos: popōwo kos kĭm letūkili worefwaki sugkū aremī; kō iyi Naviat umesenigi nisekont ugi natekisah horog wokon nugkugko worenūwi;

²⁷ĭm iyi mori umnesorugi tarū ūnowanda oveteme umagkili nakiugi isen Naviat Aremī, popōwo iyi umnesenigi nisekonda ōveteme aremī sugkū nam alam eni Nōbū.

²⁸Im kos kim lagkili ma siame umnumpi aremī ugi nisekonda mori ūmnelĭntugi Nōbū, nesekonda pe dūmūvronkonda sugkū nesepentarū eni.

²⁹Im irora mori yemesepen okilora, yepimtampolora woreta ūnōwanda sugkū sū safi eni iyi pe iyi Netni isen, ma iyi ante ĭtnetemefi iranda raveneme sikat:

³⁰ĭm irora mori yemĭmtamūlora, yemovrokonda sugkū: ĭm irora mori yemovrokonda, yemenūwi tanepo isenda: mirora yemenūwi tanepoves, yemovun ora sugkū nūrū ves nilasewi.

³¹Sie momu ko kel anūwi ugi imo siamei? Nagkū Nōbū dal kos, mē novsĭn nakan irant?

³²Iyi mori yetū siugi Netni isen iyi, kō yemtenimpe iyi nisekont omwisū, kō ampugkos ūndū iyi siame omwisū:

³³Me anūwi sī sie sī iranda mori Nōbū yemtampol ora?

³⁴It iyi Nōbū yemokū kos tanepo; mē iyi mori anūwi memagkū noworepatevi (irant)? Iyi Iesū Krĭstō yimas, kō mōmū, dūmūtori sah marugi nemas, mori umante ra nokoven mevis eni Nōbū, miyi umnesenigi sugkū nisekont.

³⁵Mē osampat amtugkos marugi nelintugi eni Krĭstō? norĭgumpūnū, kū norĭgisat, kū nesisaū, kū temas, kū norumkor, kū nemtitugi, kū ūvrami?

³⁶Sugkū dūmūtīyi ugi memokū, Irora ūmentalugkam ran dan sū omwisē popōwo ugi nin enugkĭk; Umagkū ugi kos memagkū ōvun pugipugi nimsin talugi.

³⁷Kō kos faneteme, ĭm kos kelen tantevakepe ra imo sū siame omwisū ugi iyi yemelĭntugkos.

³⁸It yakum magkili mĭntavniri, ma tawi nemas, tawi nomūrep, tawi ōvun nagelo, tawi netevokontū fan lō, tawi siame ra nemap marima, tawi siame ampelum, kū ōvun siame lō horog, kū siame imelūo ūnēī,

³⁹kū nompōū ĭmpwap, kū sī sie sī omwisū wante faneteme woresompat amtugkos marugi nelintugi eni Nōbū, mori umante ra Iseū Krĭstō Novsūromon enugkos.