Read Sie I. Korint 16 Bible Online

I. Korint 16 - Sie bible

I. Korint 16

¹Im marima ugi muni koleksen mori ūmesemsimugi nisekonda ōveteme aremī, sugkū yaū menūwi pun ora ōvun nilpon sī lō tumpora ra nūrū Kalesia, wumpi sugkū kĭmi.

²Ran dan nōbūm ra wik ūtipe muni kĭmi sū omwisū nimsin sugkū Nōbū umampugkūm siame sū, ma sugkū otū wumpi sī koleksen ra nempugon ya ampelum.

³Im pol sugkū ya ampelum, ya onetīyi netīyi ĭm tamūl ora, mori kĭmi kwon tampol ora ugi wororiuki itemas enugkĭmi ra Yarūselem:

⁴ĭm nagkū aremī ma ya ampe sugkū, irora wampe dal yaū.

⁵Kō ya ampelum pugkūm, pol sugkū ya ampelūve Masedonia; popōwo ĭtnesog ya onavan ra Masedonia nĭgoi ya ante lap virok dal kĭmi

⁶kū kos dal yaū ra nakas omwisū, ma sugkū kĭmi kwontori yaū ra imo navan enyaū yakum ampewe.

⁷Ya otū akīugi worokosekūm ūselat ra imo navan; popōwo dan sī ya antilap dal kimi, nagkū aremī ugi Novsūromon.

⁸Kō ya antindowi ra Efesus mafeli dan Pentekost;

⁹popōwo marima umentipelah boketampent nusian nisekūg ĭm nūgūn selat horog ĭm tamas aremī ugi imo nam, kō umante sikat novsin nakan.

¹⁰Im pol sugkū Timote ampelum ūvī iyi mūmūte dal ūtū tarū tarū iran; ĭt iyi umnumpi numpūrak eni Novsūromon, sugkū ya umnumpi:

¹¹popōwo pe sugkū ūtū okesi sat iyi sī neteme. Kō ūsente iyi ra navan isen ugi ninparata, ma iyi ampelum po yaū: popōwo yakum tevetūwi ndal ravitsieme.

¹²Im ugi Apollos mori avūg sī, ya osenigi, tamas worevelum pugkum dal ravitsieme: kō yetū akiugi worevelum marima; kō ĭyi ampelum ra nempugon nemolsep iran.

¹³Wavlis irami kĭmi, ūte ūnam ra tavniri enugkimi, ūtavesves kĭmi sugkū ōvun torugat aremī, ūte ugi nugkugko.

¹⁴Wumpi ōvun numpūrak omwisū enugkimi ugi nōwami nelintugi.

¹⁵Ravugsieme (kūmūkil ora ran temne eni Stefanas kĭmi, ma irora novwan ūpmovūm ra Akia, ĭm mirora

¹⁶dūmūspunelintokonda ōveteme aremī) yakum nesehugkūm ugi tamas ma kwon alekoleki kĭmi nani enirora imo ovragi, ĭm enirora sū omwisū mori umesitū ra imo numpūrak,

¹⁷mōīm torugat. Im yakum navos ugi, nivelum enirora Stefanas ĭm Fortūnetus, im Akīkus: popōwo imo mori kūmūtū kompeli kĭmi irora dūmū kompeli sū.

¹⁸Popōwo irora dūmumpi torugat naviat enyaū, menugkĭmi sugkū: ūvī aremī irormo omwisū sugkū.

¹⁹Ovun nilepon sī lō tumpora ra Esia ūmagkū kĭmi paū. Akwila ĭm Priska ūmagkū kĭmi tamas ra Novsūromon, dal irora ōvun kalesia mori ūmante ran temne enirora.

²⁰Ravitsieme omwisū umagkū kĭmi yaū. Ulintugkūm ugi sūgū tanepo kĭmi.

²¹Nimpasewugi imo enyaū Pol ya otīyi ugi nokvūg yaū pe yaū.

²²Nagkū, sī kū sī neteme otūm nelĭntugi Novsūromon anti neworapatevi iyi.

²³Novsuromon soret ampelum Itemas pau eni Iesū Krĭstō Novsūromon ante mante dal kĭmi.

²⁴Yakum nelni tugkūm omwisū ra Iesū Kristo. Amen.