Read Sie I. Korint 3 Bible Online

I. Korint 3 - Sie bible

I. Korint 3

¹Im ravūgsīeme, yeti nugkugko irag worenūwi pugkūm sugkū ugi pun ora ūnōwanda ĭtevaū, kō sugkū pun ora ūnōwand ĭtūwī, sugkū pun ora ovelalaū ra Krĭstō.

²Yaū mavunekūm ugi milk, tawi ugi nevag ĭm sugkū marima, kĭmi tawi faneteme worevi;

³ĭm sugkū marima, kĭmi tawi faneteme worevi; popōwo kūmante ugi nōwami nugkugko kĭmi, popōwo pe pol sugkū ĭtnesog umante dal kĭmi narakara ĭm nesesaū, kūmante kĭmi kū entawi ugi nugkugko, ĭm kūm avan sugkū ra netevarū en ōveteme kū?

⁴Pol sugkū sī umagkū, yaū neteme eni Pol; ĭm sī umagkū, yaū neteme eni Apollos; kĭmi ōveteme wokon.

⁵Mē mori Apollos? ĭm mē mori Pol? Kam ōvun lĭvsaū wokon ĭm kĭmi kūmūtavnirĭgi ugi tavsogi enugkam; sugkū Narisah yemevugkam sī ĭm sī.

⁶Yaū mowi, Apollos yemavwi; kō yemteli ugi Nōbū.

⁷Im popōwo pe iyi mori yemowi tawi faneteme, ĭm iyi mori yemavwi sugkū; kō Nōbū mori yemumpi woreteli.

⁸Iyi mori yemowi miyi mori yemavwi irora siteven: kō irora wampi nipmi sī ĭm sī sugkū torugat enirora.

⁹Kam ōvun torugat dal Nōbū: kĭmi denūok eni Nōbū, ĭm nimo eni Nōbū.

¹⁰Sugkū nelintugi eni Nōbū yemovoyaū, sugkū; ĭm sī mōmū neteme um numpi nimo yaū mokolugi. Kō aremī ōveteme wontarū ves nokowo irora wonumpi nimo mori okolugi sū.

¹¹Popōwo tawi sī neteme faneteme worokolugi sīmōmū nimo, pe sī mori okolugi sū, mori Iesu Krĭstō.

¹²Pot nagkū sī ku sī neteme umpi mōmūgo ra nimo mori ugi kold, kū sĭlver ōvūn nevat tamas aremī, nē, nelimindi, potni, deniug;

¹³ōvun tapmi ōvun numpūrak isenda ōveteme sī ĭm sī: popōwo antin nenūatumpene ran dan mori, popōwo anūatumpene ugi nom; ĭm woresuli ugi numpūrak enirora ōveteme sī ĭm sī worokili sugkū sie numpūrak mori yemumpi.

¹⁴Nagku ante unam numpūrak eni sī neteme mori iyi onumpi ra nimo mori, iyi ampi nĭmpi.

¹⁵Nagkū numpūrak eni fū neteme, iyi, otū ampī nipmi: kō ampēyōwara iyi pe iyi; kō sugkū neteme nagkū ampūwara iran ugi nom.

¹⁶Kūmūtū kili ma kĭmi sū nimo tumpora eni Nōbū, ĭm iyi Naviat eni Nōbū umantindowi ūnisog kĭmi?

¹⁷Nagkū sī ontavtiti nimo tumpora eni Nōbū, Nōbū ontavtiti iyi; popōwo oti tumpora nimo tumpora eni Nōbū, ĭt kĭmi sugkū tumpora.

¹⁸Sī neteme otū nemperĭgi iran iyi pe iyi. Nagkū sī kū sī neteme umagkū iyi sī nelekon dal kĭmi ra imo nempūgon, aremī iyi ante sī numgī ma sugkū dan sī iyi ampi nelekon.

¹⁹Popōwo nelekon ra nemap oti sebet nam ūnĭpmi eni Nōbū. Popōwo yemetiyi, Iyi mori onelekavi ōvun nelekon ra nimpiri enirora:

²⁰ĭm sīmōmū, Iyi Narisah umagkili ōvun naūar enirora ōvun nelekon, ma irora sebet nam wokon.

²¹Popōwo pe sugkū otū onavosavos sī popōwo ugi neteme.

²²Popōwo it enugkimi siame sū, nagkū pe Pol, kū Apollos, kū Sifas, kū nemap, kū nomurep, kū nemas, kū siame marima, kū siame ampelum; omwisū enugkimi;

²³ĭm kĭmi isen Kristo; ĭm iyi Kristo isen Nōbū.