Read Sie I. Korint 5 Bible Online

I. Korint 5 - Sie bible

I. Korint 5

¹Irora sū omwisū ūmagkū umante tumpugon dal kĭmi, ĭm tumpugon sugkū sie ūtū manūwi ugi ōvun nelebokevat, ma sī ampi retepon eni ĭtemen isen.

²Im kūm mante ugi nugkugko, ĭm kĭmi kūm etūrĭgi sat ugi, ma umpīpelah iyi mori yemumpi imo numpūrak.

³Tawi yaū dal kĭmi ugi nokolisirag, kō ugi naviat wokon, kō ĭtnesog ya umnūrian, sugkū nagkū yaū dal kĭmi, iran iyi mori yemumpi imo numpūrak,

⁴ra nin eni Iesū Krĭstō Novsūromon enugkos, pol sugkū kwosemsimugkūm siteven, ĭm naviat sorug,

⁵ugi horog eni Iesū Kristo Novsūromon enugkos, woretafugi sī sugkū sū pugi Sētan worokini nokolisiran, ma antin semsempari naviat ran dan eni Iesu Krĭstō.

⁶Nam enugkimi horogesah tawi aremī. Kūmūtū kili ma leven vilik umnumpi omwisū sugkū leven kū?

⁷Sendumsi leven etūwī ma kĭmi kwante nilpon sī ĭtevaū, popōwo tawi leven enugkimi. Itnesog dūmūtalūgi Krĭstō nisekont, paska enugkos:

⁸Popōwo pe aremī kos kel afinte narigari tawi ugi leven etūwi, tawi ugi nakan, ĭm satindi sugkū leven etūwi, kō ugi netevarū aremī, ĭm netevarū tanepo sugkū yōūp tawi leven iran.

⁹Ya otīyi pugkūm ra netiyi enyaū ma ūtūte kĭmi dal ōvun tumpugon, tawi indowi;

¹⁰tawi ugi irora ōvun tumpugon lō ra nemap, ĭm ōvun norĭgisat noete mōvun neforugi, ĭm ōvun sokowar; kū entawi pūwi nemap kĭmi worelan ora:

¹¹kō ya otīyi sugkū imo pugkūm ma ūtūve kĭmi dal sī nagkū iyi neteme tavniri miyi sī tumpugon, kū norĭgisat noete, kū sokowar, kū tavūntan sat, kū nomoneki, kū neforugi; dal sī neteme sugkū, tawi, ūtūte, ūtū oni nevag ūn dū.

¹²Ya amsugi worūrian iranda ōveteme ilat? tawi yaū nĭmsĭn. Kĭmi kūmūrianda ōveteme ūnisog kū, kō irora mori ilat Nōbū umnūrian iranda?

¹³ūsatevugi neteme numpĭndi mori marukgūm kĭmi.