Read Sie II. Korint 1 Bible Online

II. Korint 1 - Sie bible

II. Korint 1

¹Pol Apostol oni Iesū Krĭstō ugi tarū eni Nōbū, ĭm Timote avit sī, punora nilpon sī lō tumpora eni Nōbū Korint, ĭm punora ōveteme aremī omwisū umante ra nuru sū Akia:

²Itemas paū eni Nōbū Itement, ĭm Iesū Krĭstō Novsūromon pugkūm.

³Nevīēves iran Nōbū, Itemen eni Iesū Kristo Novsūromon enugkos, ĭm Itement mori umamne iran ōvun siame ĭtemas paū,

⁴ĭm Nōbū mori umamne iran nemolsep omwisū; iyi mori umnumpi nemolsep irag ra ōvun norĭgumpūnū omwisū enyaū, ma yaū faneteme worumpi nemolsep iranda mori ōvun norĭgumpūnū, ugi nemolsep mori Nōbū umnumpi nemolsep irag.

⁵Popōwo umante irag norĭgumpūnū horog ugi Krĭsto, ĭm sugkū umante nisekūg nemolsep horog popōwo ugi Kristo.

⁶Im nagkū ya ampi norĭgumpūnū, ya ampī ma kimi kwampi nomolsep ĭm nēyōwara irami; ĭm nagkū ya ampi nemolsep irag ya ampi ma kĭmi kwampi nemolsep nisekomi, mori ūmnumpi natekisah ugi netetevin ūnōwami ra norĭgumpūnū sugkū sū noiĭgumpūnū umante irag:

⁷ĭm tarū ves irami enyaū umante ūnam; ĭm ya umagkili, ma sugkū kūmūvī norĭgumpūnū, kĭmi kūmūvi sugkū nemolsep.

⁸Popōwo, ravūgsĭme, ya otum nakiugi ma kĭmi kwontavrivri ugi norĭgumpūnū yivelum irag Esia, ya ovī norīgumpūnū horog ĭm netromoro, ĭm popōwo pe yaū mokū ya amas:

⁹ĭm itnesog yaū morigi sugkū nemas irag, ma sugkū ya otū magkū ugi vaū, kō woretavnirī iran Nōbū yemevsorasah ōvun nemas:

¹⁰iyi mori yemtori yaū marugi nemas nugkugko mori, miyi ontori yaū sugkū: ya umtesūwī iran memagkū iyi osemsempari irag dan sū;

¹¹ĭm ugi nesenigi enugkimi nisekūg ra nufwaki; ma, wonumpalug ōveteme sikat ugi ĭtemas paū mori ya ovī popōwo ugi nufwaki isenda ōveteme tamas.

¹²Im navos enyau imo, mori numpūvsok ūnōwag, ma ugi tumpora ves ĭm tanepo ves ūnipmi Nōbū, tawi ugi nelekon sorug, kō ugi itemas paū isen Nōbū, yaū mete ra netevarū aremī, ĭm tamas mōmū popōwo ugi kĭmi.

¹³Popōwo ya umnetīyi pugkūm imo sū wokon kūmūspi mūkili ugi, ĭm yakum nakiugi ma kĭmi kwagkil ora ĭndowi mafeli ra nisah:

¹⁴kūmūkili sū yaū nugkon kĭmi, ma yaū nĭmsĭn navosavos enugkĭmi, sugkū kĭmi navosavos enyaū, ran dan mori eni Iesū Novsuromon enugkos.

¹⁵Im ugi imo tesūwī enyau yaū mokū ya ampelum pugkūm ĭtetūwī mōmū, ma kĭmi kwampi imo itemas dūrūgi;

¹⁶ĭm woreselūwugkūm ĭm pe Masedonia, ĭm marugi Masedonia worevelum pugkum, ĭm ma kĭmi wam plū tori yaū ra navan sorūg Yūdia.

¹⁷Im polekū yaū mokū sugkū, ya onūwi ugi tarū tarū kū? kū siame yaū mokū ya onumpi, yaū menūwi sugkū tarū eni neteme wokon kū? ma sugkū yaū penūwi nam dūrū, menokowo menokowo, tawi tawi kū?

¹⁸Kō sugkū Nōbū oti tanepo, ĭm sugkū nam enyaū pugkūm tawi dūrū kō sīteven.

¹⁹Popōwo Netni eni Nōbū, Iesū Krĭstō, mori kam litorenūwi pugkūm, mori yaū ĭm Silvanus ĭm Timotius, tawi dūrū, kō sīteven ugi iyi.

²⁰Sikat pe nam yeviwos eni Nōbū, kō nam fan ra fan mitnesog ugi iyi: ĭm Amen sugkū ra irora ōvun nam isen ugi iyi, ra nilasilaswi pugi Nōbū ugi kam.

²¹Im iyi mori yemumpi kam worete ūnam ūnōwamam dal kĭmi iran Krĭstō,

²²mōĭm tampolokam ugi, oti Nōbū: yemumpi tavniri ūnōwant ūnam ĭndowi, miyi yemevugkos woretevetūwi Naviat ūnōwant.

²³Kō ya umanūwi ugi nam ūnam ĭtnesog ra naviat enyaū, ĭm Nōbū numpūvsok ugi, ma ya osielin tugkūm metū velum Korint pugkūm.

²⁴Im tawi sugkū ma kam mōmū horog irami ra tavniri enugkĭmi worūrian, kō ma ka kel avorokūm ra navosavos enugkĭmi; popōwo ugi tavniri kūmante ūnam.