Read Sie II. Korint 13 Bible Online

II. Korint 13 - Sie bible

II. Korint 13

¹Nempugon deselugi imo ya ampelum pugkum. Ugi numpūvsok isenda oveteme ndūrū kū ndesel wante unam nam omwisū.

²Ya onūwi sū pugkūm ūtendowi kĭmi; ūte ugi nemolsep: ūte ugi tarū ya umanūwi ves pugkūm, sugkū yaū mete dal kĭmi nimpugon dūrū, sugkū marima, ya umante isūt, punora ovragi mori dūmumpi sat, ĭm punora nugkon omwisū, memagkū, nagkū ya omampelum, ya otū anūwi ugi nemolsep pugkūm:

³ĭtnesog kĭmi kū akiugi safi memagkū Krĭstō umanūwi ra yaū, popōwo iyi tawi netromoro pugkūm, kō horog ūnisog kĭmi:

⁴popōwo dūmūtalugi iyi ra ne ūmparum ugi netromoro isen, kō iyi umamūrep ugi horog eni Nōbū. Ya umandromoro ra iyi, kō ya amūrep dal iyi ugi horog eni Nōbū pugkūm.

⁵Usorugi nowami kĭmi, nagkū kĭmi kūmūntavnirĭgi; ūkilekum kĭmi kūmūtūkili ugi kĭmigo, ma iyi Iesu Kristo ūnowami? kū entawi kĭmi ōvun nareki sat.

⁶Kō ya magkū kwagkili kĭmi ma yaū tawi nimpiri.

⁷Ya umnesenigi Nōbū ma ūtū umpi sī sie sī sat kĭmi; tawi ma kĭmi kwontarū ves irag, kō ya umnakīugi memagkū kwonumpi aremī kĭmi, nagkū pe yaū sugkū neteme nimpiri.

⁸Popōwo nugkugko irag worumpi sie sī novson-akan ra nam aremī, kō woresitu ra nam.

⁹Ya um navos, pol sugkū ya umandromoro, ĭm kĭmi ōvun torugat: ĭm ya umnakīugi imo, memagkū, ma kimi kwanti aremī ĭndowi.

¹⁰Im popōwo pe sugkū ya um netiyi imo siame pol sugkū yaū isūt, ma ya otū onumpi nugkugko pol sugkū yaū dal kĭmi, sugkū horog mori Novsūromon yemovoyaū worumpi horog oveteme, Im tawi worokinora.

¹¹Im marima, ravūgsĭme, kĭmi paū. Wumpi aremī sīteven kĭmi; ūte ra ninparata: ĭm Nōbū mori oti ninparata ante mante dal kĭmi.

¹²Umpasewugkūm kĭmi ĭm sūgū aremī irami.

¹³Oveteme aremi omwisū ūmagkū kĭmi paū.

¹⁴Itemas paū eni Novsūromon Iesu Krĭstō ĭm nelintugi eni Nōbū, ĭm navos ūnōwami ra Naviat Tumpora ante mante dal kĭmi. Amen.