Read Sie II. Korint 4 Bible Online

II. Korint 4 - Sie bible

II. Korint 4

¹Popōwo pe umante irag imo numpūrak sugkū ya okevī ĭtemas paū, tawi netromoro irag:

²kō ya ya otum navan ra nagkaū, ya otūm mesūli ugi nimpiri nam eni Nōbū; kō ya umsūli ves nam itnesog umanūatumpeni yaū ugi tanepo punora nowanda isenda ōveteme omwisū ūnipmi eni Nōbū.

³Kō nagkū umeseni nam aremī sorūg, umeseni iranda mori ōvun okeni:

⁴iranda mori nōbū ra imo nemap yemseni tarū sū isenda ōvun netū tavniri, ma nilara nam navosavos nilasilaswi eni Kristo, iyi mori safi eni Nōbū, otū oselī iranda.

⁵Popōwo ya otū torenūwi yaū, kō Iesū Krĭstō Novsūromon, ĭm yaū sugkū lĭvsaū wokon enugkimi popōwo ugi Iesū.

⁶It iyi Nōbū pe yemokū, Oneselī nilara marugi nelebokevat yemselī ūnōwag, worevugi nilara, noĭntanwi nilasilaswi isen Nōbū ūnĭpmi eni Iesū Krĭsto.

⁷Kō yakum mandeoki imo siame tamas aremī ra nurah ra nemap, memagkū amne ra Nōbū horog nusian tantevakepe, ĭm tayi ugi yaū;

⁸ya um norĭgumpūnū ra siame sū omwisū, kō tawi netromoro irag;

⁹norĭgisat ūnōwag, kō yakum natekisah; umenteles yaū, kō otūwi yaū kitan; umintī yaū, kō otū taloko yaū;

¹⁰yakum mandeoki indowi ra nokolisirag nemas eni Iesū, ma osesi sugkū nomūrep eni Iesū ra nokolisirag.

¹¹Im yaū mori ya um nomūrep umetinĭmpe yaū toveni nemas indowi dan sū popōwo ugi Iesū, ma sugkū osesi nomūrep eni Iesū ra nokolisirag netromoro.

¹²Popōwo pe sugkū umnumpi nemas nokilisirag ugi namarat irag, kō umnumpi nomūrep nisekomi kĭmi.

¹³Kō umante tovun yaū fan ra tavniri sīteven, sugkū dūmūtīyi memokū, yaū mintavniri, ĭm popōwo pe yaū menūwi; ĭm sugkū ya umtavniri, ĭm popōwo yakum manūwi;

¹⁴ya umagkili ma iyi mori yemevsorasah Novsūromon Iesū onevsorasah yaū sugkū ūndū Iesū, mō mantipe yaū dal kĭmi.

¹⁵Umante siame sū nisekomi kĭmi, ma ĭtemas paū, umintandamsah popōwo ugi sikat, umumpalug horogsah toveni nilasilaswi eni Nōbū.

¹⁶Popōwo pe sugkū ya otūm mandoromoro; ĭm nagkū namarat nelug nokolisirag wokon, kō naviat enyaū umentorugat dan sū dan sū.

¹⁷It virok ĭm botibot norĭgumpūnū enugkos, umnumpi nisekont tamas mōmū navosavos ūvūm nevi sū indowi;

¹⁸pol sugkū kos kel etū Imtopotnemi iranda siame mori ūmagesi, kō iranda siame mori ūtūm magesi: popōwo siame mori umagesi ūmampia, kō siame mori ūtūm magesi umantindowi ūnam.