Read Sie II. Korint 7 Bible Online

II. Korint 7 - Sie bible

II. Korint 7

¹Ravugsieme, umante tovunekos imo sū ōvun nam dūmūnūatumpene, popōwo pe sugkū aremī kos kele sendumsi ves irant marugi ōvun neliūo omwisū ra nokolisirant ĭm naviat enugkos, mō mumpi netevarū aremī indowi memtetugi ves Nōbū.

²Uvi yaū kĭmi: itnesog yaū metū umpi sat iran sī neteme, ĭm yaū metū umpi ūr nowan sī neteme, ĭm yaū metū umpi nimpiri iran sī neteme.

³Ya otū anūwi imo worūrian irami: popōwo yaū mepmenūwi, magkū kĭmi ūnōwag, ma ya amas ĭm ya amūrep dal kĭmi.

⁴Yakum manūwi nam horog pugkūm, ĭm ya umanūwi narigi horog enugkimi, ya umovwar ugi nemolsep irag,

⁵ĭm ya umnavos tamas wokon ra ōvun norĭgumpunū enyaū. Popōwo pol sugku ya ovelum sū Masedonia, tawi sī nemolsep marugi nesorū irag, dūramtokoyaū mūtī yaū; dūmūtī nokolisirag, ĭm yaū morigi sat ūnōwag.

⁶Kō iyi mori umnumpi ninparata nisekonda ōvun nemolsep ūnōwanda, mori Nōbū, yemumpi navos nisekūg ugi hivelum eni Tītus;

⁷ĭm tawi ugi nivelum isen wokon, kō ugi nemolsep mori kim mumpi nisekon iyi, pol sugkū yemenūwi po yaū nakiugi horog enugkĭmi, ĭm nageri enugkimi, ĭm nelintugi enugkimi nisekūg; ĭm popōwo pe sugkū yaū mavos tamas.

⁸Itnesog ya mumpi norĭgumpūnū irami ugi netiyi mori enyaū ĭm yaū morigi sat ugi, kō marima ya otum mandegi sat ugi; popōwo ya magkili norĭgumpūnū mori enugkĭmi, yeti botibot wokon.

⁹Marima ya umnavos, tawi popōwo ugi norĭgumpūnū mori enugkĭmi, kō popōwo norĭgumpūnū enugkĭmi yemumpi kĭmi worenūatumpeni sat sū enugkĭmi: popōwo norĭgumpūnū mori yeti norĭgumpūnū tamas aremi ūnōwami pugi Nōbū, ma ya otū pīsesat kĭmi ugi sie sī.

¹⁰Norĭgumpūnū mori ūnōwan neteme uni numpi nenūatumpeni sat sū pugi Nōbū ra nēyōwara, norĭgumpūnū mori otū ampi nesorū ugi: kō norĭgumpūnu ugi siame ra nemap umnumpi nemas.

¹¹Kĭmi kūmagkili, memagkū, pol sugkū kūmūvi norĭgumpūnū mori yimne ra Nōbū, yeti aremi ōvun tarū enugkĭmi, ĭm sūli ves enugkĭmi nam ugi netevarū enugkimi, ĭm nugkugko, ĭm nemetet, ĭm nakiugi, ĭm natekisah, ĭm tampenūm tīwi! Ra ōvun nam sū enugkĭmi kĭm sūli ves memagkū kĭmi kūmante sentevives ra imo siame.

¹²Im popōwo pe, pol sugkū yaū metīyi netiyi nisekomi, yaū metū otīyi popōwo ugi iyi yemumpi sat, ĭm tawi ugi iyi mori dūmumpi sat iran, kū memagkū tarū enugkĭmi nisekūg amsok pugkūm ūnĭpmi eni Nōbū.

¹³Im popōwo pe yakum nemolsep: ĭm ra nemolsep envaū yakum navos tamas wokon, popōwo ugi navos eni Tītus, popōwo naviat isen yorĭgives ugi kĭmi omwisū.

¹⁴Nagkū ya onūwi narigi ves ugi sī se sī enugkĭmi pugi, yaū metūvī narumprum ugi; kō sugkū yaū menūwi ugi ĭtnesog siame sū pugkūm, ĭm sugkū narigi mori yaū menūwi ūnĭpmi Tītus, yeti ĭtnesog.

¹⁵Im iyi umnelĭntugkūm tamas mōmū kĭmi, popōwo iyi umnenteme nokowo nalekoleki enugkimi omwisū, ma ugi nemtetugi ĭm nevekūrokur kĭmi kūmūvi iyi.

¹⁶Ya umnavos popōwo ugi siame sū omwisū ra kimi nowag umentorugat.