Read Sie II. Korint 8 Bible Online

II. Korint 8 - Sie bible

II. Korint 8

¹Ravūgsieme, yaū manūwi pugkum itemas pau eni Nōbū dūmūvunora ōvun kalesia.

²Masedonia; ma ugi numpūvsok tamas ra nesesau iranda yemovūar navosavos ĭm norumkor tamas enirora ra nūsian nelĭntugi ĭm itemas pau isenda.

³Im ya umnumpūvsok iranda, ma sugkū faneteme enirora, ĭm mōmū ra faneteme enirora,

⁴dūmūsūpen nesitū, mō mūsonĭgi yaū worevi imo ĭtemas paū ĭm nesitū enirora nisekonda ōvun tavniri ves;

⁵irora, dumumpi sugkū sū imo, ko tawi sugkū yaū mokū wonumpi, mampum irora dūmūtinimpe irora pe irora pugi Novsūromon, penūri po yaū, sugkū nam eni Nōbū.

⁶Popōwo pe sugkū ya esenigi Tītus, ma sugkū yematipotni, iyi onekompeli imo nelintugi pugkūm.

⁷Im sugkū kĭmi kūm atekisah ra siame omwisū, ra tavniri, ĭm nam, ĭm nelekon ĭm torugat ugi nakīugi ĭm nelintugi ūnōwami po yaū, watekisah kĭmi, ra imo nelintugi sugkū.

⁸Ya otū manūwi sugkū nam alam, kō sugkū worumpūvsok natekisah isenda ōveteme nilpon sī, ma nelĭntugi enugkimi itnesog kū?

⁹Popōwo kĭmi kūmagkili Itemas paū eni Novsūromon Iesū Kristo, ma, iyi yeti neteme nōēte, kō yemyeti neteme norumkor popōwo ugi kĭmi, ma kĭmi kwante ōveteme nōēte popōwo ugi norumkor isen.

¹⁰Im yakum manūwi tarū enyaū ugi imo siame: magkū ĭt mōmū aremī irami, kĭmi mori kūm obūm ra nevi sī, tawi worumpi sugkū wokon, kō warokīugi worumpi.

¹¹Im marima wumpi aveni sugkū; ma sugkū yeti nakiugi pe, wante nekompelĭgi sugkū faneteme enugkimi.

¹²Im umagkū aremī iran neteme, nagku iyi umnakīugi wosesitū, ĭm tawi ugi imo siame nugkugko iran worevi, kō ugi imo isen.

¹³Kō ya otū magkū ma nugkon ōveteme wonesitū ugi virok, ĭm kwonagelaū kĭmi;

¹⁴kō ma sugkū sū siteven omwisū; nōēte horog enugkimi onesitū ra norumkor enirora marima, ĭm ma nōēte horog enirora onesitū dan sī ra norumkor enugkimi;

¹⁵sugkū sītevengo; sugkū dūmūtīyi, memokū, Iyi mori yisemsimugi tamas tawi sī yemetor nisekon; ĭm iyi mori yisemsimugi virok tawi norumkor isen.

¹⁶Kō umpalugi iran Nōbū, it iyi yemetipe nelintugi horog ūnōwan Tītus sugkū nisekomi.

¹⁷Popōwo ĭtnesog yemorīgi nam enyaū; kō popōwo yemespun akīugi tamas yemevugevag woreve pugkūm.

¹⁸Im ya umtamūli dal iyi avit mori umanūwi narigi isen ra nam navosavos ōvun kalesia omwisū;

¹⁹ĭm tawi imo wokon, kō ōvun kalesia dūmūtainpoli iyi worūn yaū woroioki Itemas paū mori yakum mantevūrak ra nilasilaswi eni Novsūromon, ĭm woresesi nakīugi ūnōwaman;

²⁰ĭm ya umafinte yaū ugi imo siame, ma tawi sī neteme anūwi nam irag ugi imo Itemas wokon horog yakum mantevūrak:

²¹popōwo yakum numpi tanepo, tawi ūnĭpmi eni Novsūromon wokon kō ūnĭmĭnda ōveteme sugkū.

²²Im ya umtamūli avūgsī worūrora, mori yaū morun okili tarū isen ra siame sikat, ĭm marima tarū isen ugi kĭmi oti tamas mōmū popōwo ugi tavniri eni irami.

²³Nagkū sī ontagkeli ugi Tītus kō iyi nandū yaū miyi umnavoroyaū nisekomi; ĭm nagku wontagkeli ugi ravugsieme dūrū, kō irora ōvun apostol enirora ōvun kalesia, ĭm nimsin nilasilaswi eni Kristo.

²⁴Popōwo pe sugkū ūsesi punora kĭmi ūnĭmĭnda ōvun kalesia numpūvsok ra nelĭntugi enugkimi, ĭm nam navos enyaū ugi natekisah enugkimi.