Read Sie Kalesia 3 Bible Online

Kalesia 3 - Sie bible

Kalesia 3

¹Ah ōveteme Kalesia nemlū, mē yemumpi kĭmi neyoĭmpelĭgi, memagkū kĭmi kūtū alekoleki nam ĭtnesog mori yemsesi aremī Iesū Krĭstō ūnĭmetemi, dūmūtalugi iyi ra nē ūmparum, yūi enugkĭmiwi?

²Ya umnakīugi ya agkili sie sī siteven marugkūm, kumūvī Naviat Tumpora ugi nalekoleki nam alam, kū ugi tavsogi ra tesūwo iran Iesū?

³Itnesog kum memlū kĭmi; kūm atipotni ra Naviat Tumpora, kō kĭmi kūm magkū Nōbū onekompeli kĭmi aremī ugi netevarū ra nemap kū?

⁴Itnesog kūmūvī norĭgumpūnū sikat kĭmi, kō imosū nindewavū, nindewavū wokon.

⁵Iyi mori yemovugkūm Naviat Tumpora, memumpi ōvun numpūrak tamas aremi dal kĭmi, yemumpi ugi nalekoleki nam alam, kū ugi tavsogi ran tesūwo iran Iesū?

⁶Sugkū Ebraham yemtavniri iran Nōbū ĭm popōwo pe dūmūnūwi memokū yetin tanepo numpūrak isen ugi.

⁷Kūmagkili ma irora mori ōvun tavniri iroromo ōvun netnime eni Ebraham.

⁸Dūpmūkili ugi netiyi tumpora mori dūmūtiyi, memokū, Nōbū umagkū antin tanepo netevarū isenda lō sū lō sū ra nūrū sū nūrū sū ugi tavniri isenda, dūpmūnūwi pugi Ebraham nam navosavos mūmūkū, Umūntorleki navosavos lō sū lō sū omwisū popōwo ugi kĭk.

⁹Popōwo pe sugkū wampīeves irora mori ōvun tavniri ūndū Ebraham neteme tavniri ves.

¹⁰Wonūrian iranda, omwisū mori ūmentosūwī ra nalekoleki nam alam: popōwo dūmūtīyi, mūmūkū, Nevīĭndi iranda ōveteme omwisū mori nagkū irora ūtū umpi siame sū omwisū dūmūtīyi ra netiyi nam alam, worekompeli sū.

¹¹Itnesog ūmagkili ves, memokū, otū anti tanepo ūnĭpmi eni Nōbū sī neteme popōwo ugi numpūrak ra nani alam: popōwo, Wamūrep ōveteme ĭt nogko numpūrak isenda ugi tavniri isenda;

¹²ĭm nam alam tawi ugi tavniri; kō, Neteme mori umalekoleki imo tiame amūrep iranda.

¹³Krĭstō yivasi kos marugi peviĭndi ra nam alam, popōwo yetĭn nevīĭndi nisekont: popōwo dūmūtīyi mūmokū, Nevīĭndi iranda omwisū ūmnataū ra nē-ūmparum:

¹⁴ma ampelum iranda ōvun lō pelah sī omwisū nevieves dūmūnūwi pugi Ebraham ra Iesu Krĭstō; ma kos kelampī Naviat Tumpora sugkū yepmenūwi, ugi tavniri.

¹⁵Ravugsieme, yakum manūwi sugkū netevarū isenda ōveteme: Nagkū ante sī nam unam eni neteme wokon, ĭm nagkū umnumpi nugkugko ugi numpūvsok, otū wonareki sī, kū onumpi mōmūgo.

¹⁶Im dūmūnūwi nam mori dūpmūnūwi pugi Ebraham, ĭm punora novsin isen. Iyi yetūnūwi, Im punora ōvun novsin, sugkū nagkū irora dūmne marugi ōveteme sikat; kō yemokū, Im punora novsin isen, sugkū nagkū irora dūmne marugi neteme sīteven, Im pugi novsin sorum mori (iyi) Krĭstō.

¹⁷Im ya umanūwi memagkū ma nam ūnam etūwi mori Nōbū yemumpi nugkugko, nam alam, mori yivelum penuri nevi sū for hunder ĭm terti ra nisah, tawi faneteme worevĭpelah, sugkū worumpi nam ūnam mori dūpmūhūwi itetūwi sugkū nam wokon.

¹⁸Popōwo nagkū tampenum oti popōwo ugi nam alam, iyi tawi mōmū ugi nam ūnam dūpmūnūwi itetūwi: kō Nōbū yemovugi Ebraham siame mori ugi nam unam mori iyi yepmenūwi ugi.

¹⁹Dūmūnūwi nam alam irasie? Dūmūtipe popōwo ugi sat eni neteme, memagkū iyi antindowi mafeli nīmpugon mori ampelum novsin mori dūpmūnūwi nam ūnam itetūwĭ mori nisekonda; ĭm dūmūtipe ugi ōvun nagelo ra nokoven neteme woreti ūnam ĭndowi.

²⁰Ko neteme mori worumpi ninparata nisekon neteme tawi nisekon siteven:

²¹kō Nōbū oti siteven. It okeni nam niyeviwos nam Nōbū yĭpmenūwi nam alam kū! Tawi sugku: popōwo nagku pepmumpi nam alam faneteme worumpi nomurep, ĭtnesog pepmumpi tanepo netevarū eni neteme popōwo ugi nam alam.

²²Kō dūmokū ra netiyi mūmokū ōveteme omwisū ōvun narekisat, ma ampunora ūmintavnirĭgi nam niyeviwos nam mori umintesūwo ra Iesu Krĭsto.

²³Polekū yetuvelum lap tavniri, dūmūsompat amtugkam ra mumpon nam alam, ĭm kam litevetūwi tavniri mori wanūatokeli dan sī penūri.

²⁴Im popōwo pe sugkū nam alam yeti sugkū tavsogi enugkam woretorokam pugi Krĭsto, ma netevarū enugkam tanepo popōwo ugi tavniri enugkam.

²⁵Kō marima popōwo tavniri okovelum sū, ĭt nam alam tawi mōmū tavsogi enugkam.

²⁶Im kĭmi sū ōvun netnime eni Nōbū, popōwo ugi tavniri enugkimi ra Iesū Kristo.

²⁷Popōwo kĭmi sū mori kūmūvakūmugi Krĭstō mori kūmūvi baptiso tovuni Krĭstō kĭmi.

²⁸Im tawi mōmū sī ĭm sī ōveteme Yūdia ĭm ōveteme Krik, ĭm tawi mōmū sī ĭm sī lĭvsaū torugat ĭm neteme narisah, kū nateman kū nasiven: popōwo marima kĭmi sū omwisū siteven ra Iesū Kristo enugkimi.

²⁹Im nagku kĭmi isen Kristo, ĭtnesog kĭmi ōvun netnime eni Ebraham, ĭm ōvun tampenum siame sugkū nam niyeviwos.