Read Sie Kalesia 6 Bible Online

Kalesia 6 - Sie bible

Kalesia 6

¹Ravugsieme, nagku sī neteme umnumpi sie sī ūr kū sat watekisah woretori iyi kĭmi mori kūmante ra Naviat Tumpora; nefinte kĭk kū entawi ontapmi kĭk sugkū.

²Uvorokūm kĭmi ra ōvun nesorū mōvun numpokentum enugkĭmi, ma sugkū kwonalekoleki nam alam eni Krĭstō kĭmi.

³Popōwo nagku umentarū narĭgi isen magkū iyi sī, ĭm iyi nindewavū, iyi umnempiriwugi iyi.

⁴Kō aremī ōveteme omwisū wonampesog ōvun numpūrak isenda ma irora wonavos ugi irora pe irora, ĭm tawi ugi ōveteme nilpon sī.

⁵Popōwo ōveteme wampi nurian enirora sī ĭm sī.

⁶Aremī iyi mori nelekon ra nam onaveri iyi mori umentavsogi ra siame aremī omwisū.

⁷Utū yōmpeie mūtū wompiriwugkūm: nugkugko worempiriwugi Nōbū: popōwo neteme onalekon semsimugi sugkū yemowi.

⁸Iyi mori onōwi ugi nowan etūwī onalekon siame ūr iran ugi nowan etūwi; kō iyi mori onowi pugi Naviat Tumpora onalekon nomurep ūvrūni ugi Naviat Tumpora.

⁹Aremī kos keletū wandromoro ra numpūrak aremī: popōwo dan sī kos kelen alekon semsimugi, nagkū kos kelen atekisah ĭndowi.

¹⁰Popōwo pe aremī kos kelen atekisah ra ōvun nempugon aremī enugkos worumpi ōvun numpūrak aremī nisekonda ōveteme omwisū, kō tamas nisekonda ōvun tavniri.

¹¹Ukesi netiyi ya umnumpi ugi ōvun leter horog pugkūm ugi nokovūg.

¹²Irora mori ūmnakīugi worumpi ratilat wokon sugkū ōveteme aremī ūnĭmĭnda ōveteme aremī, ūmnatekisah ma kĭmi kwampi namon irami; ugi imo wokon memagkū irora ūtū wampi nesesaū ugi nēūmparum eni Krĭstō.

¹³Im iroromo mori dūmūvī namon iranda irora ūtūm nalekoleki nam alam; kō irora ūmnakĭugi ma kĭmi kwampī namon irami memagkū irora wanūwi narĭgi enirora ugi nokolisirami.

¹⁴Kō ya otū onarĭgi ugi sī entie sī, kō ugi nē umparum wokon eni Iesu Krĭstō Novsūromon enugkos, ĭt sugkū nemas nisekūg siame ra nemap ugi iyi, ĭm sugkū nemas enyau toveni nemap.

¹⁵Worevi namon oti nindewavū, ĭm woretūvĭ namon nindewavū sugkū, kō sie sī sīteven aremī mori nowan ĭtevaū.

¹⁶Im nevieves ĭm ninparata iranda omwisū mori wonalekoleki imo nani alam, im iranda lō Isrēel eni Nōbū.

¹⁷Im marima ūtū yōmpele sī mōmū irag sī neteme: popōwo ya okevi nampon nugkugko ra nokolisirag ra Iesū.

¹⁸Ravūgsīeme, ante mante ūnōwami itemas pau em Iesū Krĭstō Novsuromon enugkos. Amen.